គួរឱ្យអាណិត ! ជនអាណាថាស្លា.ប់យ៉ាងអាណោចអធម៌ ចំណែកជនបង្ករត់បាត់ទៀត
រាជធានីភ្នំពេញ ៖ បុរសជាជនអាណាថាម្នាក់ត្រូវរថយន្តទំនើបមួយគ្រឿងបានបើកបុកបណ្តាលឲ្យស្លា.ប់យ៉ាងអាណោចអាធម៌
រាជធានីភ្នំពេញ ៖ បុរសជាជនអាណាថាម្នាក់ត្រូវរថយន្តទំនើបមួយគ្រឿងបានបើកបុកបណ្តាលឲ្យស្លា.ប់យ៉ាងអាណោចអាធម៌
រាជធានីភ្នំពេញ ៖ បុរសជាជនអាណាថាម្នាក់ត្រូវរថយន្តទំនើបមួយគ្រឿងបានបើកបុកបណ្តាលឲ្យស្លាប់យ៉ាងអាណោចអាធម៌ ខណៈពេលដែលរថយន្តនោះបើកចូលក្នុងផ្ទះសំណាក់មួយកន្លែង ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង១៩និង២០នាទីយប់ ថ្ងៃទី១៩ ខែមីនា ឆ្នាំ២០១៧ នៅមុខចំណុចផ្ទះសំណាក់យីហោ «ហ្វ័រឡេក» ដែលស្ថិតនៅតាមបណ្តោយផ្លូវលេខ៧០ ក្រុម៩ ភូមិទួលសង្កែ សង្កាត់ទួលសង្កែ១ ខណ្ឌឫស្សីកែវ ។
បើតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញបុរសដែលជាជនអាណាថាម្នាក់បានដើរតាមបណ្តោយផ្លូវលេខ៧០ ក្នុងទិសដៅពីលិចទៅកើត ខណៈពេលដែលដើរមកដល់ចំណុចខាងលើ ស្រាប់តែមានរថយន្តមួយគ្រឿង ម៉ាក Navara ពណ៌ខ្មៅ ពាក់ស្លាកលេខ ភ្នំពេញ 2W-9869 បានបើកបត់ចូលក្នុងផ្ទះសំណាក់ខាងលើ បណ្តាលឲ្យបុកចំបុរសអាណាថាម្នាក់ស្លាប់ភ្លាមៗយ៉ាងអាណោចអាធម៌នៅនឹងកន្លែង ។
ក្រោយពីកើតហេតុម្ចាស់រថយន្តបង្កបានហៅសន្តិសុខដែលឈរយាមរថយន្តនៅផ្ទះសំណាក់ខាងលើឲ្យចេញទៅមើលជនរងគ្រោះនោះ តើគាត់ស្លាប់ ឬក៏នៅរស់ ខណៈពេលដែលសន្តិសុខទៅដល់នោះ ស្រាប់តែជនរងគ្រោះបានស្លាប់បាត់បង់ជីវិតទៅហើយ ។ ក្រោយមកម្ចាស់រថយន្តបង្កបានបើករថយន្តចេញពីក្នុងផ្ទះសំណាក់នោះយ៉ាងលឿនដើម្បីគេចខ្លួន ។ ក្រោយពីកើតហេតុសមត្ថកិច្ចមូលដ្ឋានបានចុះមកដល់រួចក៏បានធ្វើការសាកសួរនៅជុំវិញទីតាំងកើតហេតុដើម្បីស្វែងរករថយន្តបង្កមកដាក់ទោសតាមផ្លូវច្បាប់ ៕
ចែករំលែកព័តមាននេះ