ខណៈបុរសម្នាក់លបចូលនាពេលថ្មីៗនេះ ក្នុងសួនច្បារសេតវិមានរយៈពេលជាង១៦នាទី មុនពេលត្រូវចាប់ខ្លួនជនម្នាក់ទៀតប្រកាសនាយប់ថ្ងៃទី១៨ មីនា ថា មានគ្រាប់បែកមួយគ្រាប់ក្នុងរថយន្តរបស់គេ ដែលចតជិតសេតវិមាន ។
ទូរទស្សន៍ CNN គូសបញ្ជាក់ថា អ្នកបើករថយន្តម្នាក់ដែលកាលពីយប់ថ្ងៃទី១៨ មីនា ចតរថយន្តរបស់គេជិតសេតវិមានប្រកាសថា គ្រាប់បែកមួយស្ថិតក្នុងរថយន្តរបស់គេ ។ CNN ថា ជននេះត្រូវប៉ូលិសចាប់ខ្លួន ។
ទោះបីគ្រឿងផ្ទុះពុំត្រូវបានរកឃើញក្នុងរថយន្តរបស់បុរសនេះ តែវិធានការសន្តិសុខជិតសេតវិមានត្រូវបានពង្រឹង ហើយវិថីជិតខាងទាំងឡាយត្រូវរាំងខ្ទប់ ។
កាលពីចុងសប្តាហ៍ បុរសមិនស្គាល់អត្តសញ្ញាណម្នាក់បានចូលក្នុងទីធ្លាសេតវិមានមុនពាក់កណ្តាលយប់ ខណៈលោកដូណាល់ ត្រាំ ស្ថិតក្នុងនិវេសនដ្ឋានរបស់លោក ។ បុរសនេះបានលោតផ្លោះរបងមួយជាន់ខាងក្រៅ ហើយឆ្លងកាត់របងមួយទៀតនៃស្លាបស្តាំរបស់សេតវិមានមុនពេលត្រូវចាប់ខ្លួន ។ យោងតាមកាសែតវ៉ាស៊ីនតោនប៉ុស្តិ៍ថា យុវជននេះមានស្ពាយថង់មួយ ដែលមានគ្រាប់បែកបង្ហូរទឹកភ្នែក២គ្រាប់ ៕
ចែករំលែកព័តមាននេះ