នារីស្រស់ស្អាតសាច់សខ្ចីនិងបុរសម្នាក់ចេញពីជប់លៀងជួបគ្រោះលើស្ពានគីហ្ស៊ុណា
ខេត្តកំពង់ចាម ៖ មានហេតុការណ៍គ្រោះថ្នាក់ចរាចរណ៍មួយបានកើតឡើងដោយម៉ូតូម៉ាក១គ្រឿងជិះគ្នា២នាក់ បានបើកបរដោយល្បឿនលឿននៅលើស្ពានគីហ្ស៊ុណា
ខេត្តកំពង់ចាម ៖ មានហេតុការណ៍គ្រោះថ្នាក់ចរាចរណ៍មួយបានកើតឡើងដោយម៉ូតូម៉ាក១គ្រឿងជិះគ្នា២នាក់ បានបើកបរដោយល្បឿនលឿននៅលើស្ពានគីហ្ស៊ុណា ក្នុងភូមិទី៣ សង្កាត់វាលវង់ ក្រុងកំពង់ចាម បណ្តាលឲ្យដួលបោកក្បាលស្លាប់ម្នាក់ និងសន្លប់ម្នាក់ ហេតុការណ៏នេះកើតឡើងនៅវេលាម៉ោង២និង៣០នាទីយប់ទាបភ្លឺឈានចូល ថ្ងៃទី១៨ មីនា អ្នករងគ្រោះជាអ្នកចំរៀងត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យខេត្ត ។
លោកវរសេនីយ៏ត្រី ស៊ាម យូសេង អធិការរងនគរបាលក្រុងកំពង់ចាមទទួលបន្ទុកសណ្តាប់ធ្នាប់ប្រាប់ឲ្យដឹងថា បន្ទាប់ពីហេតុការណ៏នេះកើតឡើងត្រូវបានកម្លាំងនគរបាលចុះទៅដល់គោលដៅដោយបានធ្វើការត្រួតពិនិត្យគឺស្លាប់ម្នាក់ឈ្មោះ ប្រេង ស៊ាងលី ភេទស្រី អាយុ៣២ឆ្នាំ នៅភូមិដូនម៉ៅលើ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ ចំណែកឯអ្នកដែលរងរបួសធ្ងន់នោះឈ្មោះ ស្នា ភេទប្រុស មានទីលំនៅរាជធានីភ្នំពេញប្រកបរបរជាអ្នកចំរៀង នៅក្នុងវង់តន្ត្រីសម័យមួយក្នុងក្រុងកំពង់ចាមដោយពុំមានសាច់ញាតិណាម្នាក់មកមើលទេ កំពុងតែស្ថិតនៅក្នុងមន្ទីរពេទ្យខេត្ត ។ ជនរងគ្រោះ និងអ្នកស្លាប់ដែលជិះម៉ូតូមិនបានពាក់មួកសុវត្ថិភាពនោះទេហើយក្នុងពេលដែលដួលម៉ូតូឃើញមានជ្រុះស្រាបៀរជាច្រើនកំប៉ុងរាយប៉ាយថែមទៀតផងវត្ថុតាងម៉ូតូត្រូវបាននាំយកទៅរក្សាទុកនៅអធិការដ្ឋាននគរបាលក្រុងកំពង់ចាមជាបណ្តោះអាសន្ន ។
ចំណែកលោក ប៉ន ស៊ាងហ៊ី នាយប៉ុស្ត៏រដ្ឋបាលឃុំទន្លេបិទវិញប្រាប់ឲ្យដឹងដែរថា នៅពេលមុនកើតហេតុបានពីរនាក់ខាងលើនេះបានចេញពីផ្ទះនៅភូមិដូនម៉ៅលើ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំដោយបានជិះម៉ូតូទៅចូលរួមកម្មវិធីជប់លៀងគេនៅក្រុងកំពង់ចាមនៅល្ងាចថ្ងៃទី១៧ មីនា លុះដល់វេលាយប់ជ្រៅរំលងអធ្រាត្រឈានចូលព្រឹកថ្ងៃទី១៨ មីនា បាននាំគ្នាជិះម៉ូតូត្រឡប់មកផ្ទះវិញក៏ជួបហេតុការណ៏គ្រោះថ្នាក់ចរាចរណ៏ដួលម៉ូតូស្លាប់ស្ត្រីជាសង្សារ និងបុរសជាអ្នកឌុបសន្លប់ត្រូវបាននាំទៅសង្គ្រោះនៅមន្ទីរពេទ្យ ស្ត្រីដែលស្លាប់នោះមានកូន២នាក់ហើយទើបតែលែងលះប្តីផងដែរ ៕
ចែករំលែកព័តមាននេះ