ប្រធានាធិបតីអាមេរិក លោកដូណាល់ ត្រាំ កាលពីថ្ងៃទី១៨ មីនា បានវាយប្រហារចំៗប្រឆាំងអាល្លឺម៉ង់ដោយអះអាងថា ក្រុងប៊ែរឡាំងត្រូវចំណាយប្រាក់ច្រើនទៀតដើម្បីបានឆ័ត្រការពាររបស់អូតង់ និងរបស់ក្រុងវ៉ាស៊ីនតោន ។
ប្រធានាធិបតីអាមេរិក លោកដូណាល់ ត្រាំ កាលពីថ្ងៃទី១៨ មីនា បានវាយប្រហារចំៗប្រឆាំងអាល្លឺម៉ង់ដោយអះអាងថា ក្រុងប៊ែរឡាំងត្រូវចំណាយប្រាក់ច្រើនទៀតដើម្បីបានឆ័ត្រការពាររបស់អូតង់ និងរបស់ក្រុងវ៉ាស៊ីនតោន ។
២៤ម៉ោងក្រោយការជួបពិភាក្សាទល់មុខគ្នាដំបូងជាមួយអធិការបតីអាល្លឺម៉ង់ លោកស្រីអេនហ្សឺឡាម័រកែល នៅឯសេតវិមានលោកត្រាំ គូសបញ្ជាក់តាម TWITTER ថា អាល្លឺម៉ង់ត្រូវចំណាយប្រាក់យ៉ាងច្រើនដល់អូតង់ និងសហរដ្ឋអាមេរិក ដែលផ្តល់ឱ្យខ្លួននូវកិច្ចការពារយ៉ាងខ្លាំង ហើយចំណាយច្រើនបំផុត ។ ក្នុងសារ TWITTER ២ប្រធានាធិបតីអាមេរិកសរសេរថា អាល្លឺម៉ង់ត្រូវចំណាយប្រាក់មហាសាលដល់អូតង់ និងសហរដ្ឋអាេមរិក ហើយត្រូវចំណាយប្រាក់ថែមទៀតសម្រាប់កិច្ចការពារយ៉ាងខ្លាំង និងចំណាយប្រាក់យ៉ាងច្រើនដែលអូតង់ និងសហរដ្ឋអាមេរិកផ្តល់ដល់អាល្លឺម៉ង់ ។
ក្នុងសារដំបូង លោកត្រាំ ចាប់ផ្តើមតាមរយៈការអះអាងថា ការជួបគ្នារបស់លោកជាមួយលោកស្រីម័រកែល កាលពីថ្ងៃទី១៧ មីនា នៅក្រុងវ៉ាស៊ីនតោន ប្រព្រឹត្តទៅយ៉ាងល្អ ដែលផ្ទុយពីអ្វីដែលអ្នកសង្កេតការណ៍ជាច្រើនគិតថា ជាការជួបគ្នាយ៉ាងតឹងតែង ព្រោះអ្នកសង្កេតការណ៍ទាំងនេះគូសបញ្ជាក់ពីការខ្វែងគំនិតគ្នាជាច្រើនរវាងមេដឹកនាំទាំង២ ពិសេសខាងវិស័យពាណិជ្ជកម្ម និងអន្តោប្រវេសន៍ ។ លោកសរសេរថា ទោះបីលោកអ្នកស្តាប់ឮព័ត៌មានខុសទាំងឡាយក្តី តែការជួបគ្នារបស់ខ្ញុំជាមួយលោកស្រីម័រកែល ពិតជាល្អប្រសើរបំផុត ។ លោកអះអាងបែបនេះមុនវាយប្រហារលើការចំណាយខាងយោធារបស់ក្រុងប៊ែរឡាំង ។
ទោះបីយ៉ាងណា លោកស្រីម័រកែល អះអាងប្រាប់ប្រធានាធិបតីអាមេរិកថា អាល្លឺម៉ង់នឹងបង្កើនការចំណាយខាងយោធា២%នៃផលទុនជាតិសរុប ៕
ចែករំលែកព័តមាននេះ