ប្រទេសវៀតណាម ៖ វិនិយោគិនរាប់រយនាក់បានចូលរួមក្នុងឱកាសបើកលក់គម្រោងរមណីយដ្ឋាន និងខុនដូ Sun Group ដែលឆ្លុះបញ្ចាំងពីកំណើននៃគម្រោងរមណីយដ្ឋានស្ថិតនៅភាគខាងត្បូងនៃកោះភូគក់ (កោះត្រល់) ។
ប្រទេសវៀតណាម ៖ វិនិយោគិនរាប់រយនាក់បានចូលរួមក្នុងឱកាសបើកលក់គម្រោងរមណីយដ្ឋាន និងខុនដូ Sun Group ដែលឆ្លុះបញ្ចាំងពីកំណើននៃគម្រោងរមណីយដ្ឋានស្ថិតនៅភាគខាងត្បូងនៃកោះភូគក់ (កោះត្រល់) ។
ក្នុងឱកាសសម្ពោធគម្រោងនេះនៅឯទីក្រុងហូជីមិញ និងរដ្ឋធានីហាណូយ កាលពីសប្ដាហ៍មុន ក្រុមហ៊ុន Sun Group បានផ្សព្វផ្សាយពីការលក់រមណីយដ្ឋាន បណ្ដុំវីឡាកូនកាត់ និងខុនដូនៅជាប់មាត់សមុទ្រផងដែរ ។
វិនិយោគិនម្នាក់មកពីទីក្រុងហាណូយ លោក Luong Huy Cu បាននិយាយថា ៖ « ការវិនិយោគលើអចលនទ្រព្យរមណីយដ្ឋានកន្លងមកមិនដែលមានការចាប់អារម្មណ៍ដូចនៅពេលនេះទេ ។ ជាមួយនឹងសន្ទុះនៃការវិនិយោគនៅកោះភូគក់ អ្វីដែលផ្ដល់ទំនុកចិត្តឲ្យខ្ញុំចំណាយលុយរាប់ប៊ីលានដុងក្នុងការទិញអចលនទ្រព្យនៅទីនេះ គឺកេរ្តិ៍ឈ្មោះរបស់អ្នកអភិវឌ្ឍន៍គម្រោង » ។
វិនិយោគិនម្នាក់ទៀតមកពីស្រុក Hoang Mai លោក Thu Ha បាននិយាយថា ៖ «រាល់ការវិនិយោគអ្វីមួយត្រូវមានការពិចារណាឲ្យបានល្អិតល្អន់ ។ ខ្ញុំតែងតែស្វែងរកអ្នកអភិវឌ្ឍន៍មួយដែលមានកេរ្ដិ៍ឈ្មោះល្បី មានដើមទុនហិរញ្ញវត្ថុគ្រប់គ្រាន់ និងទស្សនវិស័យរបស់គេ ។ ដូច្នេះហើយបានជាខ្ញុំចាប់អារម្មណ៍យ៉ាងពិសេសទៅលើគម្រោងអចលនទ្រព្យរបស់ក្រុមហ៊ុន Sun Group » ។
យោងតាមក្រុមហ៊ុន Sun Group ឲ្យដឹងថា អ្នកអភិវឌ្ឍន៍គម្រោងបានសហការជាមួយបណ្ដាធនាគារដើម្បីផ្ដល់កម្ចីសម្រាប់គាំទ្រដល់អ្នកទិញវីឡា និងតំបន់លំនៅឋានតាមមាត់សមុទ្រ ។ រាល់កម្ចីទាំងអស់អាចមានតម្លៃច្រើនជាង៧០%នៃតម្លៃអចលនទ្រព្យ ក្នុងអត្រាការប្រាក់សូន្យភាគរយសម្រាប់រយៈពេល២៤ខែ ហើយក្នុងអំឡុងពេល២៤ខែនេះទៀតសោត ក៏មានការលើកទឹកចិត្ត និងបញ្ចុះតម្លៃសម្រាប់ការបង់លើកដំបូងផងដែរ ។
អ្នកជំនាញអចលនទ្រព្យមា្នក់បាននិយាយថា វាជារឿងកម្រណាស់ដែលមានគម្រោងបែបនេះស្ថិតនៅកណ្ដាលរមណីយដ្ឋាន និងការបង្កើតលំនៅឋានឡើងវិញនៅភាគខាងត្បូងកោះភូគក់ ដូចជា ក្រុមហ៊ុន Sun Group នេះ ។ លោកបន្ថែមថា គម្រោងទាំងនេះនឹងទាក់ទាញទេសចរមកកម្សាន្ដនៅពេលដែលដាក់ឲ្យដំណើរការក្នុងរយៈពេល១ឬ២ឆ្នាំខាងមុខ ។
គម្រោងសាងសង់វីឡា និងលំនៅឋានទាំងនេះ ត្រូវបានសម្រុកការសាងសង់ឲ្យរួចរាល់ទាន់ពេលវេលា ដើម្បីឆ្លើយតបនឹងលក្ខខណ្ឌ និងកិច្ចសន្យារបស់អ្នកទិញ ។
នៅក្នុងឱកាសសម្ពោធលក់គម្រោងនោះ អតិថិជន២នាក់មកពីរដ្ឋធានី និង២នាក់ផ្សេងទៀតមកពីភាគខាងត្បូងនៃទីក្រុង ក៏បានទទួលកាដូ iPhon7s ចំនួន២គ្រឿង, iPad មួយ និង MacBook Air ចំនួន១ ពីក្រុមហ៊ុនផងដែរ ៕
ចែករំលែកព័តមាននេះ