រាជធានីភ្នំពេញ ថ្ងៃទី១០ មីនា ឆ្នាំ២០១៧ ៖ ត្រីមាសទីមួយនៃឆ្នាំ២០១៧ គឺជារយៈកាលមួយដែលពោរពេញទៅដោយភាពច្នៃប្រឌិតពីសាំស៊ុង ខណៈដែលផលិតផលថ្មីៗទំនើបៗជាច្រើនត្រូវបានសម្ពោធ
រាជធានីភ្នំពេញ ថ្ងៃទី១០ មីនា ឆ្នាំ២០១៧ ៖ ត្រីមាសទីមួយនៃឆ្នាំ២០១៧ គឺជារយៈកាលមួយដែលពោរពេញទៅដោយភាពច្នៃប្រឌិតពីសាំស៊ុង ខណៈដែលផលិតផលថ្មីៗទំនើបៗជាច្រើនត្រូវបានសម្ពោធបង្ហាញមុខលើទីផ្សារជុំវិញពិភពលោក ។ ប៉ុន្តែត្រីមាសបន្ទាប់ៗនៃឆ្នាំ២០១៧នេះ សាំស៊ុងនឹងកាន់តែមមាញឹកថែមទៀត ដោយសារតែក្រុមហ៊ុននេះកំពុងគ្រោងសម្ពោធស្មាតហ្វូនស៊េរីថ្មី ដែលផ្តល់នូវទស្សនីយភាពភ្លឺច្បាស់ត្រជាក់ភ្នែកប្រកបដោយវិសាលភាពគ្មានដែនកំណត់ក្នុងដៃរបស់អ្នក ។
ក្រុមហ៊ុនទូរស័ព្ទចល័តនានាជុំវិញពិភពលោកក្នុងរយៈពេល២ទសវត្សចុងក្រោយនេះ មានការរីកលូតលាស់ឥតឈប់ឈរ ទាំងការអភិវឌ្ឍបច្ចេកវិទ្យា ក៏ដូចជាប្រព័ន្ធដំណើរការកាន់តែងាយស្រួលសម្រាប់អ្នកប្រើប្រាស់ និងការរចនាម៉ូតកាន់តែទាក់ទាញ ធ្វើឱ្យការទំនាក់ទំនងកាន់តែមានភាពងាយស្រួល ។
ប៉ុន្តែតើអ្វីទៅដែលធ្វើឱ្យទូរស័ព្ទមួយមានលក្ខណៈ ពិសេសជាងទូរស័ព្ទដៃធម្មតា?
សាំស៊ុង គឺជាស្លាកយីហោទូរស័ព្ទស្មាតហ្វូននាំមុខគេលើពិភពលោក ដែលត្រូវបានគេកត់សម្គាល់ឃើញថា ជាតួអង្គមួយដែលតែងតែព្យាយាមស្វែងរករបកគំហើញ និងគំនិតច្នៃប្រឌិតថ្មីដែលយើងធ្លាប់តែគិតថា មិនអាចធ្វើទៅរួច ។
ស្មាតហ្វូនស៊េរីថ្មីសាំងសុងនេះនឹងបង្ហាញមុខលើកដំបូងបង្អស់ទៅកាន់សាធារណជនជុំវិញដែលកំពុងតែទន្ទឹងរង់ចាំយ៉ាងអន្ទះអន្ទែងនៅថ្ងៃទី២៩ មីនា ខាងមុខនេះ ។
មុននឹងឈានដល់ថ្ងៃដ៏រំភើបនេះ កុំភ្លេចទស្សនាវីដេអូខាងក្រោមនេះ ដើម្បីឱ្យដឹងកាន់តែច្បាស់ថា តើអ្វីទៅដែលសាំស៊ុងនឹងនាំជូនមកដល់ដៃអ្នកក្នុងពេលឆាប់ៗខាងមុខនេះ៕
ចែករំលែកព័តមាននេះ