យន្តហោះស៊ើបការណ៍ទំនើបរុស្ស៊ី A-100
អនុរដ្ឋមន្ត្រីការពារប្រទេសរុស្ស៊ី លោកអីុអ៊ូរី បូរីសូវ ថ្លែងកាលពីថ្ងៃទី១៦ មីនា ថា យន្តហោះស៊ើបការណ៍ធុន A-100 បំពាក់ដោយប្រព័ន្ធចាប់រក និងបញ្ជា SDCA ផលិតដោយ
អនុរដ្ឋមន្ត្រីការពារប្រទេសរុស្ស៊ី លោកអីុអ៊ូរី បូរីសូវ ថ្លែងកាលពីថ្ងៃទី១៦ មីនា ថា យន្តហោះស៊ើបការណ៍ធុន A-100 បំពាក់ដោយប្រព័ន្ធចាប់រក និងបញ្ជា SDCA ផលិតដោយក្រុមហ៊ុនផលិតយន្តហោះរុស្ស៊ី BERIEV AIR CRAFT COMPANY នឹងធ្វើការហោះសាកល្បងដំបូងៗនាខែកក្កដាឆ្នាំនេះ ។
យន្តហោះ A-100 តាមក្រុមហ៊ុនជាអ្នកផលិតថា ជាយន្តហោះស៊ើបការណ៍ទំនើបមានសមត្ថភាពខ្ពស់ជាងគូប្រជែងឆ្ងាយ ។ ប្រព័ន្ធ SDCA ដែលបំពាក់លើយន្តហោះនេះជាបច្ចេកវិទ្យាគន្លឹះមួយក្នុងចំណោមបច្ចេកវិទ្យាគន្លឹះនានានៃកម្មវិធីគ្រឿងសព្វាវុធរបស់រដ្ឋ ។ លោកបូរីសូវ ថ្លែងទៅកាន់ក្រុមអ្នកកាសែតក្រោយពីទៅពិនិត្យទីតាំងផលិតយន្តហោះថា ខ្ញុំអាចនិយាយថា ការងារនៅបន្តដូចការគ្រោងទុក ហើយនាខែកក្កដា យើងនឹងឈានទៅធ្វើការហោះហើរសាកល្បងវា ។
ប្រព័ន្ធបំពាក់លើយន្តហោះស៊ើបការណ៍ A-100 បង្កើតឡើងផ្អែកលើយន្តហោះបំភ្លឺផ្លូវ A-50 ។ សមត្ថភាពស៊ើបការណ៍របស់វានឹងអាចចាប់បានគោលដៅថ្មីៗ ហើយផ្តល់ចំណុចដល់បណ្តាយន្តហោះវាយប្រហារ ។ យន្តហោះនេះត្រូវយកមកជំនួសយន្តហោះធុន A-50 និង A-50 U ដែលកំពុងប្រើប្រាស់ក្នុងផ្ទៃកងទ័ពអាកាសរុស្ស៊ី ៕
ចែករំលែកព័តមាននេះ