អង្គការសិទ្ធិមនុស្សស៊ីរី OSDH មានប្រភពព័ត៌មានច្រើនក្នុងប្រទេសគូសបញ្ជាក់ថា មនុស្សយ៉ាងតិច៤២នាក់ស្លាប់ ភាគច្រើនជាជនស៊ីវិល ហើយមនុស្ស១០០នាក់ទៀតរងរបួសកាលពីថ្ងៃទី១៦ មីនា ដោយសារការវាយប្រហារតាមអាកាសលើព្រះវិហារមួយ ស្ថិតក្នុងភូមិមួយនៃខេត្តអាឡែបភាគខាងជើងស៊ីរី ។
OSDH អះអាងថា បណ្តាយន្តហោះមិនស្គាល់អត្តសញ្ញាណបានទម្លាក់គ្រាប់បែកលើព្រះវិហារមួយនាភាគខាងលិចខេត្តអាឡែបចំពេលម៉ោងមានការសូត្រធម៌ដោយសម្លាប់មនុស្ស៤២នាក់ ភាគច្រើនជាជនស៊ីវិល ។ ពួកអ្នកជួយសង្គ្រោះប៉ុនប៉ងទាញយកមនុស្សទាំងឡាយដែលជាប់ក្រោមគំនរបាក់បែកនៃព្រះវិហារអ៊ិស្លាមក្នុងភូមិ AL JINEH ស្ថិតនៅចម្ងាយ៣០គីឡូម៉ែត្រខាងលិចក្រុងអាឡែប ។ មនុស្សច្រើននាក់នៅបាត់ខ្លួន ។ តុល្យការអ្នកស្លាប់អាចមានខ្ពស់ជាងនេះទៀត ។ មូលដ្ឋានរងការវាយប្រហារនេះស្ថិតក្រោមការត្រួតត្រារបស់បណ្តាក្រុមឧទ្ទាម ។ យោងតាមរូបភាពទាំងឡាយចេញផ្សាយដោយពួកយុទ្ធជនឧទ្ទាមបង្ហាញអគារព្រះវិហារហាក់ដូចជាត្រូវកម្ទេចទាំងស្រុង ។
បទឈប់បាញ់គ្នាមួយក្រោមការជ្រោមជ្រែងរបស់រុស្ស៊ីសម្ព័ន្ធមិត្តរដ្ឋាភិបាលស៊ីរី និងតួួកគី ដែលគាំទ្រពួកឧទ្ទាមបានចូលជាធរមានកាលពីខែធ្នូ ឆ្នាំ២០១៦ ក៏ប៉ុន្តែការរំលោភបន្តជាប់រដឹកក្នុងប្រទេស ។ ដែនអាកាសស៊ីរីហោះហើរ ដោយបណ្តាយន្តហោះរបបស៊ីរី យន្តហោះរុស្ស៊ី យន្តហោះតួកគី និងយន្តហោះក្រុមចម្រុះអន្តរជាតិនាំមុខដោយសហរដ្ឋអាមេរិក ៕
ចែករំលែកព័តមាននេះ