យោងតាមកាសែត PHILISTAR រាយការណ៍ពីការដាក់ទោសប្រឆាំងបណ្តាសមាជិកសភាបៃគណបក្សកាន់អំណាចណាដែលយល់ច្រឡំបោះឆ្នោតប្រឆាំងការវិលត្រឡប់វិញនៃទោសប្រហារជីវិតនៅហ្វ៊ីលីពីន ។
យោងតាមកាសែត PHILISTAR រាយការណ៍ពីការដាក់ទោសប្រឆាំងបណ្តាសមាជិកសភាបៃគណបក្សកាន់អំណាចណាដែលយល់ច្រឡំបោះឆ្នោតប្រឆាំងការវិលត្រឡប់វិញនៃទោសប្រហារជីវិតនៅហ្វ៊ីលីពីន ។
កាលពីយប់ថ្ងៃទី១៥ មីនា គណបក្សរបស់ប្រធានាធិបតីលោក RODRIGO DUTERTE បានដកហូតតំណាងរាស្ត្រ១២រូប ពីអ្នកទទួលខុសត្រូវក្នុងផ្ទៃសភា ។ ក្នុងចំណោមអ្នកទាំងនោះមានអតីតប្រធានាធិបតី លោកស្រីក្លូរៀ ម៉ាប៉ាហ្គាល់ អារ៉ូយ៉ូ ជាអ្នកលុបចោលទោសប្រហារជីវិតកាលពីឆ្នាំ២០០៦ ។ សមាជិកសភា១១រូបទៀត នឹងត្រូវរើសមនុស្សមកផ្លាស់ជំនួសនាខែឧសភា ។
កាលពីសប្តាហ៍មុន គម្រោងច្បាប់ស្តីពីទោសប្រហារជីវិតត្រូវបានអនុម័តដោយ២១៧សំឡេងទល់នឹង៥៤សំឡេងប្រឆាំង ។ គម្រោងច្បាប់នេះនឹងត្រូវអនុម័តដោយព្រឹទ្ធសភា ដែលមាន២៤កៅអី ។ ការវិលត្រឡប់វិញនៃទោសប្រហារជីវិតជាអាទិភាពមួយសម្រាប់លោក RODRIGO DUTERTE ។ ផ្តល់រហស្សនាមថា «អ្នកដាក់ទោស» ដោយទស្សនាវដ្តីអាមេរិក TIMES លោក DUTERTE ប្រកាសថា លោកគ្រោងប្រហារជីវិតឧក្រិដ្ឋជនមួយថ្ងៃ២០នាក់ ។
ថ្ងៃទី១៦ មីនា ព្រឹទ្ធសមាជិកលោក FRANCIS PANGINAN ប្រធានអតីតគណបក្សកាន់អំណាចលើកឡើងពីការមិនអត់ឱនរបស់រដ្ឋាភិបាលសម្រាប់គ្រប់រូបភាពនៃការប្រឆាំង ដែលនោះជាសញ្ញាមួយនៃការរំកិលប្រកបដោយគ្រោះថ្នាក់ទៅរកលទ្ធិផ្តាច់ការ ។ ព្រឹទ្ធសមាជិករូបនេះជាកម្មវត្ថុរួចហើយនៃការដាក់ទោសកាលពីលើកមុន ។ លោកផ្ទាល់ត្រូវបណ្តេញចេញកាលពីខែកុម្ភៈ ពីតំណែងប្រធានគណៈកម្មការមួយក្រោយការប្រឆាំងរបស់លោក ចំពោះនយោបាយដែលលោក DUTERTE ប្រកាន់យក ។ លោកត្រូវគេដាក់ទោស ព្រោះតែការពារលោកស្រី LEILA DE LIMA ព្រឹទ្ធសមាជិកាដែលចេញមុខដំបូងគេប្រឆាំងសង្គ្រាមប្រឆាំងគ្រឿងញៀនរបស់ប្រធានាធិបតីដែលលោកស្រីចាត់ទុកថា ជាការសម្លាប់រង្គាលមនុស្សមុនពេលលោកស្រីត្រូវចាប់ខ្លួន កាលពីថ្ងៃទី២៤ កុម្ភៈ ពីបទចោទប្រកាន់ថា ទាក់ទិននឹងការរត់ពន្ធគ្រឿងញៀន ។
ចាប់តាំងពីឡើងកាន់អំណាចពីថ្ងៃទី១ កក្កដា ឆ្នាំ២០១៦ របស់លោក DUTERTE មក សង្គ្រាមប្រឆាំងគ្រឿងញៀន បណ្តាលឱ្យស្លាប់មនុស្សយ៉ាងតិច៧.០៨០នាក់ ដែលពួកគេត្រូវសម្លាប់ដោយប៉ូលិស ពួកជីវពល និងក្រុមជនផ្សេងៗ ៕
ចែករំលែកព័តមាននេះ