វេបសាយ«Yahoo» កាលពីពេល ថ្មីៗកន្លងមកផ្សាយថា លោក Andros Georgion ប្អូនជីដូនមួយរបស់លោក George Michael តារាចម្រៀងជនជាតិអង់គ្លេសដែលស្លា.ប់បាត់បង់ជីវិតកាលពីចុងឆ្នាំ២០១៦ ថ្លែងថា
វេបសាយ«Yahoo» កាលពីពេលថ្មីៗកន្លងមកផ្សាយថា លោក Andros Georgion ប្អូនជីដូនមួយរបស់លោក George Michael តារាចម្រៀងជនជាតិអង់គ្លេសដែលស្លាប់បាត់បង់ជីវិត កាលពីចុងឆ្នាំ២០១៦ ថ្លែងថា លោក Fadi Fawaz ជាងកាត់សក់ជនជាតិលីបង់អាយុ៤៣ឆ្នាំ គឺជាគូស្នេហ៍របស់លោក George Michael បានទទួលប្រាក់ឈ្នួលរាប់ម៉ឺនផោន។ សម្ព័ន្ធភាពរបស់ពួកគេ ស្ថិតក្នុងផ្នែកជំនួញសុទ្ធសាធមិនកើតឡើងពីក្តីស្រឡាញ់ទេ ។
លោក George ស្លាប់បាត់បង់ជីវិតកាលពីថ្ងៃទី២៥ ធ្នូ ២០១៦ ក្នុងអាយុ៥៣ឆ្នាំ ខណៈលោក Fadi Fawaz ជាអ្នកប្រទះឃើញសព និងជាមនុស្សចុងក្រោយដែលរស់នៅរួមគ្នាជាមួយអ្នកចម្រៀងរូបនោះ ។
កាលពីពេលថ្មីៗកន្លងមកសមត្ថកិច្ចពិសោធន៍លើសាកសពបង្ហើបឱ្យដឹងថា លោក George Michael ស្លាប់បាត់បង់ជីវិតដោយបេះដូងចុះខ្សោយ និងទាក់ទិននឹងថ្លើម ។
លោក Andros និយាយថា ខាងក្រុមគ្រួសារ និងបងប្អូនញាតិមិត្តរបស់លោក George មិនធ្លាប់បានទទួលដំណឹងអ្វីពីជាងកាត់សក់នោះចាប់តាំងពីលោក George ស្លាប់បាត់បង់ជីវិតមក ។ រូបគេស្ថិតក្នុងសភាពស្ងប់ស្ងាត់ល្អ ក្រោយពីការស្លាប់របស់ George ។ គេមិនធ្លាប់ក្លាយជាផ្នែកមួយក្នុងក្រុមគ្រួសារនេះទេ ព្រោះរូបគេ និងលោក George បានសេពគប់គ្នាក្នុងលក្ខខណ្ឌទទួលប្រាក់ឈ្នួលក្នុងមួយខែជាង១០.០០០ផោន និងរស់នៅក្នុងផ្ទះរបស់លោក George។ ក្រៅពីនេះនៅមានលក្ខខណ្ឌបន្ថែមថា ត្រូវស្ថិតនៅទីនោះនៅពេលលោក George ត្រូវការមិត្ត ហើយកាលពីឆ្នាំមុនលោក George ស្ទើរតែគ្មានពេលទំនេរជួបគ្នាព្រោះតែរវល់នឹងជំនួញ ប៉ុន្តែលោក Fadi ជាមនុស្សចុងក្រោយដែលបានឃើញលោក George នៅមានជីវិត ។ ប្រសិនបើគេផ្តល់ការគោរពដល់ក្រុមគ្រួសារ គេគួរទាក់ទងដល់ក្រុមគ្រួសាររបស់ George ។
ក្រោយពីលទ្ធផលនៃការត្រួតពិនិត្យសពរបស់លោក George ត្រូវបានបង្ហាញកាលពីថ្ងៃទី៧ មីនា ២០១៧មក លោក Fadi បានសរសេរតាមហ្វេសប៊ុកថា «F CK YOV, The Truth is Out» ឬ «Fuck You» ។
មានការព្យាករថា ពិធីបញ្ចុះសពលោក George Michael នឹងប្រារព្ធឡើងនៅក្នុងខែនេះត្រូវរក្សាទុកជាការណ៍សម្ងាត់ ខណៈពេលប្រភពព័ត៌មានបង្ហើបឱ្យដឹងថា សពរបស់តារាចម្រៀងដ៏ល្បីនឹងបញ្ចុះនៅក្បែរផ្នូរ របស់លោកស្រី Lesley ជាម្តាយ ៕
ចែករំលែកព័តមាននេះ