ខេត្តបាត់ដំបង ៖ ស្ត្រីម្នាក់ត្រូវប្រទះឃើញដេកស្លាប់នៅក្បែរការ៉ុងស្មៅលើភ្លឺស្រែ ដែលសមត្ថកិច្ចសន្និដ្ឋានបឋមថា អាចបណ្ដាលមកពីខ្យល់.គ ពេលគាត់កំពុងច្រូតស្មៅគោនោះ កើតឡើងកាលពីវេលាម៉ោង១០ និង២០នាទីយប់ថ្ងៃទី១៦ មីនា ស្ថិតក្នុងភូមិព្រៃរកា សង្កាត់អូរម៉ាល់ ក្រុងបាត់ដំបង ។
ប្រភពឱ្យដឹងថា ស្ត្រីរងគ្រោះឈ្មោះវឿន វន អាយុ៥៧ឆ្នាំ (ដេកស្លាប់ទាំងពាក់ម៉ាស់មុខ) មានទីលំនៅនៅក្នុងភូមិ-ឃុំខាងលើ ។ បើតាមសាច់ញាតិថា គាត់ (ស្ត្រីរងគ្រោះ) បានចេញពីផ្ទះទៅច្រូតស្មៅគោខាងក្រោយភូមិ នៅម៉ោង២រសៀល (ថ្ងៃកើតហេតុ) ហើយបាត់ដំណឹងរហូត មិនឃើញត្រឡប់មកផ្ទះវិញទេ ។ ក្រោយពីបាត់ដំណឹងដូច្នេះ ត្រូវក្រុមគ្រួសារនាំគ្នាចេញទៅរកទាំងយប់ លុះជិតពាក់កណ្ដាលអធ្រាត្រ ទើបប្រទះឃើញគាត់លើភ្លឺស្រែ ក៏បង្កការភ្ញាក់ផ្អើលតែម្តង ។
ចែករំលែកព័តមាននេះ