មនុស្ស២០នាក់ត្រូវបានទៅបំភ្លឺនៅសាលាខេត្ត សង្ស័យជាប់ពាក់ព័ន្ធបទល្មើសព្រៃឈើ
ខេត្តមណ្ឌលគិរី ៖ មនុស្សចំនួន២០នាក់ហើយដែលត្រូវបានគណៈកម្មាធិការថ្នាក់ជាតិទប់ស្តាត់បទល្មើសព្រៃឈើ ហៅទៅសួរបំភ្លឺនៅសាលាខេត្ត
ខេត្តមណ្ឌលគិរី ៖ មនុស្សចំនួន២០នាក់ហើយដែលត្រូវបានគណៈកម្មាធិការថ្នាក់ជាតិទប់ស្តាត់បទល្មើសព្រៃឈើ ហៅទៅសួរបំភ្លឺនៅសាលាខេត្ត
ខេត្តមណ្ឌលគិរី ៖ មនុស្សចំនួន២០នាក់ហើយដែលត្រូវបានគណៈកម្មាធិការថ្នាក់ជាតិទប់ស្តាត់បទល្មើសព្រៃឈើ ហៅទៅសួរបំភ្លឺនៅសាលាខេត្ត មានទាំងពីទាហានព្រំដែន នគរព្រំដែន និងមន្ត្រីជំនាញបរិស្ថាន មានទាំងមេ មានទាំងកូន ហៅទាំងអស់ឲ្យតែជាប់សង្ស័យរឿងព្រៃឈើ។ រហូតមកដល់ថ្ងៃទី១៦ មីនា ២០១៧ មានរយៈពេល៣សប្តាហ៍កន្លងទៅ ហើយ ដែលប្រតិបត្តិការចាប់បង្ក្រាបបទល្មើសព្រៃឈើតាមព្រំដែនពីលើមេឃ ត្រូវបានបង្ក្រាប មិនចាប់ពីលើមេឃយ៉ាង ម៉េច បើជិះម៉ូតូឡាន ឬដើរទៅចាប់ពួកឈ្មួញផ្អើលរត់ចែកជើងគ្នាអស់ មុនពេលកម្លាំងទៅដល់គោលដៅមុនរហូត អ៊ីចឹង មានតែជិះកន្ទុំរុយបីគ្រឿងហោះទៅចាប់ទើបបានខ្លះ។
ដែនជម្រកសត្វព្រៃកែវសីមា ដែលទើបប្តូរឈ្មោះពីតំបន់អភិរក្សជីវ ចម្រុះសីមា ក្នុងស្រុកកែវសីមា ខេត្តមណ្ឌលគិរី មានវិសាលភាពប្រមាណជាង២០ម៉ឺនហិកតា ជាប់ខេត្តក្រចេះ ជាប់ទល់ដែនយួន ត្រូវគេកាប់ជាង២០ឆ្នាំហើយ ប្រហែលជិតរលាយអស់ឆាប់ៗ បើនៅតែមានមន្ត្រីពុករលួយនៅធ្វើការកន្លែងអស់ទាំងនោះ មិនមែនពុកផុយ ពុករលួយតែម្នាក់ពីរនាក់នោះទេ គឺជាខ្សែ ជាប្រព័ន្ធតែម្ដង។ នៅតាមព្រំដែនមាន ទាហានការពារព្រំដែន មាននគរបាលការពារព្រំដែន នៅក្នុងព្រៃមានមន្ត្រីបរិស្ថានជាអ្នកការពារ។ ប៉ុន្តែបែរជាមាន ជនជាតិយួនប្រាំពីរ ប្រាំបីនាក់ ចូលទៅកាប់ឈើពេញដែនជម្រកសត្វព្រៃ មានទាំងពីឡានកែច្នៃបង្កុង ដំរីទឹកធំៗ ដឹកឈើ ហ៊ុប ដឹកឈើយក្ស ដឹកឈើរបស់ខ្មែរ រាប់ពាន់ម៉ែត្រគូបឆ្លងដែនចូលដីយួនធ្វើមិនដឹង។
នៅពេលសួរមន្ត្រីប្រចាំការនៅតាម គោលដៅកើតបទល្មើស បានត្រឹមនាំគ្នាឆ្លើយថា មិនដឹង មិនមានអីផង កុំចេះតែថា ប្រយ័ត្នគេប្តឹង។ លុះនៅថ្ងៃទី២១ កុម្ភៈ ២០១៧ ថ្មីៗនេះ កន្ទុំរុយបីគ្រឿងហោះទៅចាប់ដល់កន្លែង ទើបនាំគ្នាធ្វើភ្នែកស្លឺ ភ្នែកស ឆ្លើយដាក់អ្នកនេះ ឆ្លើយដាក់អ្នក នោះយករួចខ្លួន។ ចំណែកមេនគរបាលវរៈព្រំដែនម្នាក់នោះ ត្រូវគេខ្សឹបខ្សៀវពីមាត់មួយ ទៅមាត់មួយថា មិនត្រឹមទទួល សំណែនម៉ឺនៗដុល្លានោះទេ ថែមទាំងដាក់រណាយន្ត ដាក់ឡានកែច្នៃរបស់ខ្លួនឯង ចូលទៅអារកាប់ ជ្រៀក ដឹកជញ្ជូន យកលុយដាក់ខោប៉ៅខ្លួនថែមទៀតផង។ ចំណែកមន្ត្រីយោធាចំនួន៧នាក់ និងមន្ត្រីនគរបាលចំនួន១១នាក់ ដែលថ្នាក់ជាតិកោះហៅទៅសួរនាំពាក់ព័ន្ធបទល្មើសព្រៃឈើជាលទ្ធផលក្នុងចំណោម កងកម្លាំងប្រដាប់អាវុធទាំងនេះ មានមន្ត្រីខ្លះនឹងប្រឈមមុខតុលាការ ខណៈខ្លះទៀតត្រូវបានអប់រំ និងផ្លាស់ប្តូរទៅកន្លែងផ្សេង។
សមត្ថកិច្ចខេត្តមណ្ឌលគិរី បានលួចបង្ហើបថា ការកោះហៅមន្ត្រីយោធា និងនគរបាលទាំងនោះយកទៅសួរនាំ បានធ្វើឡើងនៅថ្ងៃទី១៤-១៥-១៦ ខែមីនា ឆ្នាំ២០១៧ ហើយនៅថ្ងៃនេះអាចនឹងបន្តនីតិវិធីបន្តទៀត ដែលពួកគេសង្ស័យមានការជាប់ពាក់ព័ន្ធ រឿងបទល្មើស ព្រៃឈើនៅស្រុកអូររាំង ខេត្តមណ្ឌលគិរី។ មន្ត្រីយោធាដែលជាប់ពាក់ព័ន្ធរឿងបទល្មើសព្រៃឈើ ដែលគណៈកម្មការជាតិទប់ស្កាត់ និងបង្ក្រាបបទល្មើសធនធានធម្មជាតិ ហៅមកសួរនាំរួមមាន៖ លោក ឯម សុងហ៊ួ មានតួនាទីជាមេ(ខ) និងជាមេប៉ុស្តិ៍របៀងការពារព្រំដែនអូរហ៊ុច, លោក កើត វេហា ជាមន្ត្រី, លោក ឡាយ សាវី ជាមន្ត្រី, លោកលី ឆេងលីម ជាមន្ត្រី, លោក ទា ខៃម៉េង មានតួនាទីជាមេ «គ៣»។
បន្ទាប់ពីសួរនាំមន្ត្រីខាងលើរួច គណៈកម្មការបានកោះហៅ មន្ត្រីយោធាចំនួន២រូបទៀត នៅថ្ងៃដដែលដើម្បីសួរនាំ គឺលោក ហ៊ឹម សុផាត និងលោក យិន ចាន់ទី មេបញ្ជាការយោធាវរៈ ការពារព្រំដែនគោកលេខ១០៣ ជាលទ្ធផលពុំទាន់មានប្រភពណាទម្លាយឲ្យដឹងថា បានជាផ្លែផ្កាយ៉ាងណានោះឡើយ។ ដោយឡែក មន្ត្រីនគរបាលចំនួន៩រូប អាចទំងជាធ្វើការអប់រំណែនាំ និងផ្ទេរឲ្យទៅកាន់ទីកន្លែងផ្សេង ខណៈមន្ត្រីនគរបាល ចំនួន២រូបទៀត មានតួនាទីជាប្រធានច្រករបៀងការពារព្រំដែនប៉ុស្តិ៍អូរហ៊ុច និងប៉ុស្តិ៍អូរជុំ អាចប្រឈមជាមួយច្បាប់។
សូមរំលឹកកាលពីពេលថ្មីៗកន្លងមក កម្លាំងកងរាជអាវុធហត្ថលើផ្ទៃប្រទេស បានបង្ក្រាបបទល្មើសព្រៃឈើឆ្លងដែនមួយ ករណី នៅប៉ុស្តិ៍អូរហ៊ុច ជាប់ព្រំដែនរបស់ប្រទេសវៀតណាម ក្នុងស្រុកអូររាំង ខេត្តមណ្ឌលគិរី ដោយរឹបអូសបានឈើ ប្រភេទសុក្រំ គគីរ ផ្ចឹកចំនួន១៤៥កំណាត់ ចាប់បានរថយន្ត បង្កុង ចំនួន៨គ្រឿង រណាយន្ត០១គ្រឿង ម៉ូតូ០៥គ្រឿង ដែលនៅពេលនោះកម្លាំងបានឃាត់ខ្លួនជនជាតិវៀតណាមចំនួន៧នាក់ កំពុងឃុំខ្លួនបណ្តោះអាសន្ននៅពន្ធនាគា ខេត្តមណ្ឌលគិរី៕
ចែករំលែកព័តមាននេះ