កន្លែងតែមួយធ្វើឱ្យមនុស្សម្នាក់ស្លា.ប់ និងម្នាក់ទៀតរងរបួសធ្ងន់
ខេត្តកណ្តាល ៖ យ៉ាងហោចណាស់បុរសម្នាក់បានស្លា.ប់បាត់បង់ជីវិត និងម្នាក់ទៀតរងរបួសធ្ងន់ក្នុងហេតុការណ៍គ្រោះថ្នាក់ចរាចរណ៍២ករណីចំកន្លែងតែមួយ
ខេត្តកណ្តាល ៖ យ៉ាងហោចណាស់បុរសម្នាក់បានស្លាប់បាត់បង់ជីវិត និងម្នាក់ទៀតរងរបួសធ្ងន់ក្នុងហេតុការណ៍គ្រោះថ្នាក់ចរាចរណ៍២ករណីចំកន្លែងតែមួយកាលពីវេលាម៉ោង៥និង៣០នាទី និងម៉ោង៥និង៥០នាទី ថ្ងៃទី១៥ មីនា នៅលើកំណាត់ផ្លូវជាតិលេខ១ ចន្លោះគីឡូម៉ែត្រលេខ១៧ និង១៨ ស្ថិតក្នុងភូមិទួលក្រប៉ៅ ឃុំគគីរ ស្រុកកៀនស្វាយ ។
តាមរបាយការណ៍របស់សមត្ថកិច្ចបានឲ្យដឹងថា ករណីទី១គឺបុរសម្នាក់ឈ្មោះ ភោគ ទ្រី ភេទប្រុស អាយុ៦០ឆ្នាំ មានទីលំនៅភូមិព្នៅ ឃុំព្រៃឈរ ស្រុកកំពង់ត្របែក ខេត្តព្រៃវែង បានជិះម៉ូតូមួយគ្រឿងម៉ាក ហុងដាឌ្រីម ស៊េរីឆ្នាំ២០១៥ ពណ៌ខ្មៅ ពាក់ស្លាកលេខ ភ្នំពេញ 1CV-7239 ក្នុងទិសដៅអ្នកលឿង-ភ្នំពេញពេលមកដល់ចំណុចខាងលើបានបើកវ៉ាជែងរថយន្តមិនចាំម៉ាកដែលបើកបរស្របទិសគ្នាក៏ជ្រុលចង្កូតទៅបុកជាមួយរថយន្តកុងតឺន័រពណ៌ក្រហម ពាក់ស្លាកលេខ ភ្នំពេញ 3C-0818 កំពុងបើកបរបញ្ជ្រាស់ទិសគ្នាភ្នំពេញ-អ្នកលឿងចំពីមុខពេញទំហឹងបណ្តាលអ្នកបើកម៉ូតូស្លាប់នៅ និងកន្លែងកើតហេតុ។
ករណីទី2គឺមន្ត្រីនគរបាលប៉ុស្តិ៍គគីរម្នាក់ឈ្មោះ សេង សាវុន ភេទប្រុស អាយុ២៩ឆ្នាំ មានទីលំនៅភូមិចិនកោះ ឃុំគគីរ បានរងរបួសធ្ងន់ខណៈកំពុងឈរជួយសម្រួលចរាចរណ៍ករណីក្នុងករណីទី១ក៏ត្រូវបុរសម្នាក់ឈ្មោះ ម៉ន ម៉ាង អាយុ៣៤ឆ្នាំ ជាសន្តិសុខមន្ទីរពេទ្យជោរីភ្នំពេញមានទីលំនៅភូមិកោះបៀ ឃុំគគីរបានជិះម៉ូតូមូយគ្រឿងម៉ាកPCX ពណ៌ស ពាក់ស្លាកលេខ ភ្នំពេញ 1GH-7979 បើកបរក្នុងទិសដៅអ្នកលឿង-ភ្នំពេញមកបុកមន្ត្រីប៉ូលិសដែលកំពុងតែឈរធ្វើចរាចរណ៍ពេញទំហឹងបណ្តាលឲ្យរងរបួសធ្ងន់ត្រូវក្រុមគ្រួសារដឹកយកទៅសង្គ្រោះនៅមន្ទីរពេទ្យកាលម៉ែត ៕
ចែករំលែកព័តមាននេះ