រាជធានីភ្នំពេញ ៖ តាមសំណូមពរជនរួមជាតិខ្មែររស់នៅប្រទេសបារាំង តារាចម្រៀងបីដួង សុន ស្រីពេជ្រ, ស៊ូ ដាណេ និងលោកជិន វឌ្ឍនា បានចេញទៅសម្តែងនៅទីនោះ។
តារាចម្រៀងកញ្ញាស៊ូ ដាណេ ចាកចេញទៅសម្តែងនៅ
រាជធានីភ្នំពេញ ៖ តាមសំណូមពរជនរួមជាតិខ្មែររស់នៅប្រទេសបារាំង តារាចម្រៀងបីដួង សុន ស្រីពេជ្រ, ស៊ូ ដាណេ និងលោកជិន វឌ្ឍនា បានចេញទៅសម្តែងនៅទីនោះ។
តារាចម្រៀងកញ្ញាស៊ូ ដាណេ ចាកចេញទៅសម្តែងនៅក្រៅប្រទេសម្តងទៀតហើយ ក្រោយពេលបញ្ចេញទេពកោសល្យក្នុងស្រុកជាង១ឆ្នាំ។ ការចាកចេញទៅប្រទេសបារាំងជាមួយតារា២ដួងទៀតនេះ កញ្ញាស្រអែមស្រស់ដាណេតាំងជំហរមុតមាំនឹងផ្សព្វផ្សាយរបាំខ្មែរមួយចំនួន ក្រៅពីច្រៀង ។
នារាត្រីថ្ងៃទី១៣ មីនា ឆ្នាំ២០១៧ តារាចម្រៀងមនោសញ្ចេតនា៣ដួង លោកជិន វឌ្ឍនា, កញ្ញាសុន ស្រីពេជ្រ និងកញ្ញាស៊ូ ដាណេ បានលាបងប្អូន សាច់ញាតិ និងអ្នកគាំទ្រចេញទៅសម្តែងនៅប្រទេសបារាំងរយៈពេល១ខែកន្លះ ។
នៅអាកាសយានដ្ឋានអន្តរជាតិភ្នំពេញ តារាចម្រៀងស៊ូ ដាណេ ប្រាប់អ្នកសារព័ត៌មានថា រូបនាង, កញ្ញាសុន ស្រីពេជ្រ និងលោកជិន វឌ្ឍនា ចេញទៅប្រទេសបារាំងរហូតទាល់តែបុណ្យចូលឆ្នាំខ្មែររួចទើបត្រឡប់មកវិញ ។ រយៈពេលមួយខែកន្លះនេះនាង និងក្រុមការងារមានបទចម្រៀងជាច្រើនសម្រាប់បម្រើអារម្មណ៍ជនរួមជាតិខ្មែរនៅទីនោះកម្សាន្ត ព្រមទាំងឈុតឆាកសម្តែងសាច់រឿងខ្លះទៀត ។
ការផ្សព្វផ្សាយស្តីពីពេលវេលាសម្តែងនោះអ្នករៀបចំបានផ្សព្វផ្សាយរួចរាល់អស់ហើយ ថែមទាំងឆ្លងដល់ប្រទេសអាឡឺម៉ង់ និងប្រទេសក្បែរនោះទៀតផង ។
ចប់ពីសម្តែងនៅប្រទេសបារាំង កញ្ញាស៊ូ ដាណេ នឹងបន្តទៅសម្តែងនៅប្រទេសកាណាដាទៀត ។ នៅកាណាដានាងមានគោលដៅចម្បងបង្ហាត់ ក្មេងៗនៅទីនោះឱ្យចេះរាំរបាំខ្មែរដូចជារបាំជូនពរ របាំនារីជាជួរ និងរបាំខ្មែរជាច្រើនទៀត។ «នាងខ្ញុំមិនចង់ឱ្យពួកគេត្រឹមតែរាំឱ្យតែបានមិនមានភាពទន់ភ្លន់នោះទេ គ្រាដែលបងប្អូននៅទីនោះនៅតែរក្សាតម្លៃសិល្បៈខ្មែរជាដរាប ។ ក្រៅពីបង្ហាត់របាំ នាងខ្ញុំក៏សម្តែង ច្រៀងរាំដូចនៅប្រទេសបារាំងដែរ » ។
កញ្ញាស៊ូ ដាណេ មានទឹកដមសំឡេងស្រដៀងអ្នកស្រីប៉ែន រ៉ន ។ ក្រៅពីផ្នែកចម្រៀងសម័យ នាងចេះសម្តែងយីកេ, ស្មូត្រ និងចេះច្រៀងបទប្រពៃណីទៀតផង ៕
ចែករំលែកព័តមាននេះ