«The Sun» របស់អង់គ្លេសកាលពីពេល ថ្មីៗកន្លងមកផ្សាយថា នាងអេនចេលីណា ជោលី បានសាក់យ័ន្ដបន្ថែមទៀតនៅលើខ្នងប្រាថ្នាឱ្យជីវិតប្ដី-ប្រពន្ធរបស់នាងស្ថិតស្ថិរ ប៉ុន្ដែមិនបានប៉ុន្មានខែក្រោយមកក៏លែងលះគ្នា ។
តារាសម្ដែងអេនចេលីណា ជោលី បានលែងលះគ្នាកាលពីឆ្នាំមុន ក្រោពីរស់នៅរួមគ្នាអស់រយៈពេល១២ឆ្នាំ ។
កាលពីខែកុម្ភៈ ឆ្នាំ២០១៦ នាងអេនចេលីណា ជោលី ដោយចង់ឱ្យជីវិតអាពាហ៍ពិពាហ៍របស់ខ្លួនរឹងមាំ ក៏សាក់យ័ន្ដលើខ្នងដោយជួលអ្នកជំនាញខាងសាក់រូបពីប្រទេសថៃមកសាក់នៅលើទឹកដីកម្ពុជា ។
ក្នុងអំឡុងពេលឈប់សម្រាកពីការថតភាពយ័ន្ដរឿង «មុនដំបូងខ្មែរក្រហមសម្លាប់ប៉ាខ្ញុំ» នៅប្រទេសកម្ពុជា នាងអេនចេលីណា ជោលី បានឱ្យអ្នកសាក់រូបជនជាតិថៃសាក់៣កន្លែងនៅលើខ្នងរបស់នាង ដើម្បីការពារភាពអកុសលនានាក្នុងក្រុមគ្រួសារ ។ ចំណេកលោកប្រេត ភីត ជាប្ដីក៏បានសាក់លើខ្លួនដូចគ្នា ដោយសាក់ជារូបព្រះពុទ្ធនៅត្រង់ក្បាលពោះខាងឆ្វេង ដើម្បីបញ្ចៀសរឿងអពមង្គមនានាលើក្រុមគ្រួសារ ។
រយៈពេលប៉ុន្មានខែក្រោយពីការសាក់នោះមក ប្រេត ភីត និងអេនចេលីណា ជោលី បានលែងលះគ្នាក្រោយពីរួមរស់អស់រយៈពេល១២ឆ្នាំ និងរៀបការជាមួយគ្នាបានតែ២ឆ្នាំប៉ុណ្ណោះ ៕
ចែករំលែកព័តមាននេះ