រាជធានីភ្នំពេញ ៖ រថយន្តរបស់ក្រុមអ្នកហាត់ប្រាណចំនួន៣គ្រឿង បានទទួលរងការខូចខាតយ៉ាងដំណំ ខណៈយកមកចតទុកហើយនាំគ្នាដើរទៅហាត់ប្រាណ លើសួចច្បារវិមានឯករាជ្យ ស្រាប់តែមានខ្យល់បក់មួយប្រាវ បណ្តាលឱ្យដើមក្ងោកមួយដើមធំល្មមដួលរលំសង្កត់ពីលើរថយន្តតែម្តង ។
រាជធានីភ្នំពេញ ៖ រថយន្តរបស់ក្រុមអ្នកហាត់ប្រាណចំនួន៣គ្រឿង បានទទួលរងការខូចខាតយ៉ាងដំណំ ខណៈយកមកចតទុកហើយនាំគ្នាដើរទៅហាត់ប្រាណ លើសួចច្បារវិមានឯករាជ្យ ស្រាប់តែមានខ្យល់បក់មួយប្រាវ បណ្តាលឱ្យដើមក្ងោកមួយដើមធំល្មមដួលរលំសង្កត់ពីលើរថយន្តតែម្តង ។
ហេតុការណ៍នេះ កើតឡើងកាលពីវេម៉ោង០៥ និង៥៥ល្ងាចថ្ងៃទី១៥ មីនា ស្ថិតនៅចំណុចសួនច្បារខាងកើតវិមានឯករាជ្យ ផ្លូវព្រះសីហនុ ក្នុសង្កាត់ទន្លេបាសាក់ ខណ្ឌចំការមន។
ប្រភពពីសម្ថកិច្ចមូលដ្ឋានឱ្យដឹងថា រថយន្តខូចខាតទាំង៣គ្រឿងនោះ មានទី១-ម៉ាក CAMARY HIBRID ពណ៌ទឹកប្រាក់ ពាក់ស្លាកលេខកំពង់ចាម២A-៦៥៦៨, ទី២-ម៉ាកCOROLA ពណ៌.ស ពាក់ស្លាកលេខ២X-៦១១៥ និងទី៣-ម៉ាក Vigo ព៌ណខ្មៅ ពាក់ស្លាកលេខភ្នំពេញ២M-៩១១៦។ ប្រភពដដែលបន្តថា មានខ្យល់យ៉ាងខ្លាំង ធ្វើឱ្យដើមក្ងោកមួយដើមដួលរលំសង្កត់លើរថយន្តទាំង៣គ្រឿង បណ្តាលខូចខាតយ៉ាងដំណំ តែមិនបានបណ្តាលឱ្យមានមនុស្សណាម្នាក់ រងគ្រោះថ្នាក់ឡើយ ។
ក្រោយពេលកើតហេតុ កម្លាំងអាជ្ញាធរមូលដ្ឋានខណ្ឌចំការមន និងសាធារណៈការ និងដឹកជញ្ជូនរាជធានីភ្នំពេញ បានចុះមកធ្វើអន្តរាគមន៍យករណារកាត់ដើមឈើនោះចេញ និងឱ្យម្ចាស់រថយន្តដែលខូចទាំង៣គ្រឿងនោះ យកទៅធ្វើការជួសជុលរៀងៗខ្លួន។
ពាក់ព័ន្ធទៅនឹងករណីនេះ បានធ្វើឱ្យប្រជាពលរដ្ឋមានការរិះគន់ថា អាណិតម្ចាស់រថយន្ត គ្មានអ្នកទទួលខុសត្រូវសោះ គឺម្ចាស់រថយន្តបានត្រឹមតែយកទៅជួសជុលដោយខ្លួនឯងតែប៉ុណ្ណោះ។
ចែករំលែកព័តមាននេះ