ទំនិញនៅទីផ្សារខេត្តក្រចេះមិនប្រឈមទៅនឹងគ្រោះថ្នាក់ដោយសារធាតុគីមីនោះទេ
ខេត្តក្រចេះ ៖ មន្ត្រីជាន់ខ្ពស់ទទួលបន្ទុកនាយកដ្ឋានកាំកុងត្រូល បានសម្តែងក្តីមោទនភាពយ៉ាងក្រៃលែងនៅពេលដែលរកឃើញថា មុខទំនិញជាផលិតផលម្ហូបអារហារដែលកំពុង
ខេត្តក្រចេះ ៖ មន្ត្រីជាន់ខ្ពស់ទទួលបន្ទុកនាយកដ្ឋានកាំកុងត្រូល បានសម្តែងក្តីមោទនភាពយ៉ាងក្រៃលែងនៅពេលដែលរកឃើញថា មុខទំនិញជាផលិតផលម្ហូបអារហារដែលកំពុង
ខេត្តក្រចេះ ៖ មន្ត្រីជាន់ខ្ពស់ទទួលបន្ទុកនាយកដ្ឋានកាំកុងត្រូល បានសម្តែងក្តីមោទនភាពយ៉ាងក្រៃលែងនៅពេលដែលរកឃើញថា មុខទំនិញជាផលិតផលម្ហូបអារហារដែលកំពុង តែដាក់លក់ក្នុងទីផ្សាខេត្តក្រចេះថា មិនមានសារធាតុគីមីហាមឃាត់ដែលបង្កប៉ះពាល់សុខ ភាពអ្នកទទួលទាននោះ។ បើទោះបីជាខេត្តនេះមានទីផ្សារធំទូលាយក៏ងាយក្នុងការនាំទំនិញឆ្លងដែនពីប្រទេសជិតខាង មិនតែប៉ុណ្ណោះខេត្តនេះកន្លងមកធ្លាប់ផ្ទុះនូវបាតុភាពពុលចំណីអាហារជាច្រើនលើកច្រើនសារបានបង្កឲ្យមានមនុស្សស្លាប់ និងរងគ្រោះរាប់សិបនាក់យ៉ាងណាក្តី។
ការមានប្រសាសន៍ដោយសម្តែងនូវក្តីមោទនភាពបែបនេះរបស់លោក ម៉ក់ ពេជ្ជរិទ្ធ ប្រតិភូរាជរដ្ឋាភិបាលទទួលបន្ទុកជាអគ្គនាយកដ្ឋានកាំកុងត្រូល បានធ្វើឡើងនៅព្រឹកថ្ងៃទី១៥ មីនា ក្នុងពេលដែលឯកឧត្តមប្រតិភូបានដឹកនាំមន្ត្រីជំនាញមកពីនាយកដ្ឋានកាំកុងត្រូលជាច្រើននាក់ សហការណ៍ជាមួយមន្ទីរពាណិជ្ជកម្មខេត្ត ចុះយុទ្ធនាការពិនិត្យគុណភាពមុខទំនិញ បន្លែផ្លែឈើផលិតផលម្ហូបអារហារនៅផ្សារសាមគ្គីក្រុងក្រចេះ។ ដោយលោក ម៉ក់ ពេជ្ជរិទ្ធ បានប្រសាសន៍លើកឡើងថា ដោយសារតែពលរដ្ឋមានការយល់ដឹងច្រើនលើមុខទំនិញ ផលិតផលមានគុណភាពរ ឬគ្មានគុណភាព ទើបពួកគាត់បានត្រួតពិនិត្យយ៉ាងល្អិតល្អន់មុនពេលនាំមកដាក់លក់។
មួយវិញទៀតមុខទំនិញជាគ្រឿងឧបភោគបរិភោគដែលពួកគាត់បានយកមកដាក់លក់ ក្នុងនោះភាគច្រើនជាទំនិញនាំចូលមកពីរាជធានីភ្នំពេញគឺទំនិញទាំងនោះ បានឆ្លងកាត់ការត្រួតពិនិត្យពីជំនាញកាំកុងត្រូលជាច្រើនលើកច្រើនសាររួចមកហើយ។ ក្រុមមន្ត្រីជំនាញនាយកដ្ឋានកាំកុងត្រូលដែលបានចុះអនុវត្តត្រួតពិនិត្យ ក៏បានអះអាងឲ្យដឹងដែរថា មានមុខទំនិញជាច្រើនដូចជា បន្លែ ផ្លែឈើ ដែលជាផលិតផលចំណីអារហារ ក៏ដូចជាគ្រឿងឧបភោគបរិភោគផ្សេងទៀត ដែលពលរដ្ឋ កំពុងតែដាក់លក់នៅក្នុងផ្សារសាមគ្គី ក្រុងក្រចេះត្រូវបានយកមកពិនិត្យដើម្បីវិភាគរកសារធាតុគីមីហាមឃាត់ ក៏ដូចជាគុណភាពទំនិញ ជាមួយរថយន្តចល័តពិសេសរបស់នាយកដ្ឋានកាំកុងត្រូលតែក៏មិនត្រូវបាន រកឃើញនោះទេ។
ក្រុមមន្ត្រីបានលើកឡើងថា ក្នុងយុទ្ធនាការចុះពិនិត្យវិភាគមុខទំនិញរបស់មន្ត្រីជំនាញកាំកុងត្រូលដែលបានធ្វើឡើងរយៈពេល២ខែជាប់ៗគ្នានៅតាមផ្សារនៅទូទាំងប្រទេស គឺមានមុខទំនិញបន្លែផ្លែឈើចំនួន៧តោន ក្នុងនោះនៅខេត្តក្រចេះមានចំនួនជាង២០០គីឡូក្រាម ត្រូវបានរកឃើញថាមានសារធាតុគីមីហាមឃាត់ និងខូចគុណភាព និងក៏ត្រូវកម្ទេចចោល។ បញ្ជាក់ប្រាប់អ្នកសារព័ត៌មានឲ្យដឹងបន្តក្នុងយុទ្ធនាការនោះ ប្រតិភូរាជរដ្ឋាភិបាលទទួលបន្ទុក ជាអគ្គនាយកដ្ឋានកាំកុងត្រូលលោកម៉ក់ ពេជ្ជរិទ្ធ បានអះអាងថា សកម្មភាពការអនុវត្តចុះ ត្រួតពិនិត្យលើមុខទំនិញនៅតាមផ្សារទូទាំងប្រទេស គឺនឹងត្រូវអនុវត្តធ្វើឡើងជាប់ជាប្រចាំ ដើម្បីពង្រឹង និងបង្កើនសមត្ថភាពទំនិញនាំចូលតាមច្រកពំដែន ក៏ដើម្បីធានាឲ្យបាននូវសុខភាព ដល់ប្រជាពលរដ្ឋជាអ្នកប្រើប្រាស់។
ជាមួយនឹងការមានប្រសាសន៍លើកឡើងដោយសង្កត់ធ្ងន់បែបនេះ ពីមន្ត្រីជាន់ខ្ពស់របស់នាយកដ្ឋានកាំកុងត្រូល បានធ្វើឲ្យពលរដ្ឋនៅខេត្តក្រចេះសម្តែងការជឿជាក់ជាមួយនឹងគុណភាពមុខទំនិញផលិតផលអាហារដែលពួកគាត់បានទិញមកទទួលទានសព្វថ្ងៃ។ ខណៈដែល រយៈកាលពីឆ្នាំកន្លងទៅជាប់ៗគ្នា ពលរដ្ឋនៅខេត្តក្រចេះ មានការព្រួយបារម្ភទៅនឹងការពុលចំណីអារហារ។ ដោយកាលនោះមានមនុស្សជាច្រើននាក់បានស្លាប់ និងរងគ្រោះពិការអវយវៈ ដោយសាររងនូវសារធាតុពុល ដូចជាពុលស្រាស ពុលសាច់ឆ្កែ និងពុលបន្លែត្រីសាច់ជាដើមនោះ៕
ចែករំលែកព័តមាននេះ