ខុសគ្នា1ម៉ោងសោះធ្វើឱ្យមនុស្ស2នាក់របួសធ្ងន់នៅក្រុងស្វាយរៀង
ខេត្តស្វាយរៀង ៖ ខុសគ្នាតែ1ម៉ោងមានគ្រោះថ្នាក់
ខេត្តស្វាយរៀង ៖ ខុសគ្នាតែ1ម៉ោងមានគ្រោះថ្នាក់
ខេត្តស្វាយរៀង ៖ ខុសគ្នាតែមួយម៉ោងមានគ្រោះថ្នាក់ចរាចរណ៍២កន្លែងផ្សេងគ្នាបណ្តាលឲ្យរបួសធ្ងន់២នាក់នៅថ្ងៃទី១៥ មីនា មូលហេតុគឺបើកបរម៉ូតូមានល្បឿនលឿន និងបត់ឆ្វេងខ្វះការប្រុងប្រយត្ន័ ។ ករណីទី១ កើតឡើងវេលាម៉ោង១២និង១០នាទីរសៀលថ្ងៃទី១៥ មីនា នៅចំណុចភូមិមេភ្លើង សង្កាត់ស្វាយរៀងក្រុងស្វាយរៀង បង្កឡើងដោយយុវជនម្នាក់ជិះម៉ូតូបុកសិស្សដើរតាមថ្នល់ចំពាក់កណ្តាលខ្លួនពីក្រោយដួលបោកទៅលើថ្នល់របួសបែកមុខ បែកក្បាល ធ្ងន់ធ្ងរសន្លប់នៅនឹងកន្លែង ត្រូវសមត្ថកិច្ចបញ្ជូនទៅមន្ទីរពេទ្យខេត្តដើម្បីសង្គ្រោះ និងចាប់ខ្លួនជនបង្កយកទៅទីបញ្ជាការដ្ឋានកងរាជអាវុធហត្ថខេត្ត ។
ករណីទី២ កើតឡើងនៅវេលាម៉ោង១និង១៥នាទីរសៀលថ្ងៃទី១៥ មីនា នៅលើកំណាត់ផ្លូវជាតិលេខ១ត្រង់ចំណុចកែងផ្លូវបំបែកជាបីខាងមុខពោងទឹក ជាប់របងវិទ្យាល័យ ស្វាយរៀង ស្ថិតក្នុងភូមិស្រះវង្សសង្កាត់ស្វាយរៀង ក្រុងស្វាយរៀង បណ្តាលឲ្យបុរស់ម្នាក់រងរបួសធ្ងន់ធ្ងរ ។ សមត្ថកិច្ចបានឲ្យដឹងថា មុនពេលកើតហេតុគេឃើញបុរស់ម្នាក់មិនស្គាល់ឈ្មោះបានបើកម៉ូតូមួយគ្រឿងម៉ាកហុងដាសេ១២៥ ពណ៏ខ្មៅ ពាក់ស្លាកលេខ ស្វាយរៀង 1G-4555 លើកំណាត់ផ្លូវជាតិលេខ១ ក្នុងទិសដៅពីកើតមកលិច លុះមកដល់ផ្លូវបំបែកជាបីក៏បានបត់ឆ្វេងខ្វះការប្រុងប្រយត្ន័មិនមើលក្រោយ ស្រាប់តែមានរថយន្ត១គ្រឿងម៉ាកសាំយ៉ុង ពណ៏ខៀវ ពាក់ស្លាកលេខ ភ្នំពេញ 2P-1447 បើកបរស្របទិសគ្នាពីកើតមកលិចដែរយ៉ាងលឿនចាប់ហ្វ្រាំងមិនទាន់ក៏បុកម៉ូតូចំពាក់កណ្ដាលពេញទំហឹងខ្ទាតម៉ូតូ និងមនុស្សដួលទៅលើថ្នល់របួសធ្ងន់ធ្ងរ រីឯរថយន្តបង្កជ្រុលចង្កូតទៅខាងឆ្វេងធ្លាក់ពីលើផ្លូវចូលហាវថ្នល់ដែលមានកំពស់ជិត៥ម៉ែត្របណ្ដាលអោយខូចខាតផ្នែកខាងមុខរថយន្តទាំងស្រុង។ រីឯអ្នកបើករថយន្តឈ្មោះ ខៅ សៅ ភេទប្រុស អាយុ៣៤ឆ្នាំមានទីលំនៅភូមិព្រែកខ្សាយ ឃុំព្រែកខ្សាយ ស្រុកពាមរក៏ ខេត្តព្រៃវែង និងអ្នករួមដំណើរបានចេញពីក្នុងរថយន្តមិនមានរងរបួសអ្វីនោះទេ ៕
ចែករំលែកព័តមាននេះ