លោក កឹម សុខា ថាគ្មានពេលនិយាយជាមួយបក្សតូចតាច ទុកវេលាប្រកួតប្រជែងជាមួយបក្សកាន់អំណាច
រាជធានីភ្នំពេញ ៖ ប្រធានគណបក្សសង្គ្រោះជាតិ លោក កឹម សុខា ដែលទើបតែឡើងថ្មីបានអះអាងថា លោកគ្មានពេលឆ្លើយឆ្លងជា
រាជធានីភ្នំពេញ ៖ ប្រធានគណបក្សសង្គ្រោះជាតិ លោក កឹម សុខា ដែលទើបតែឡើងថ្មីបានអះអាងថា លោកគ្មានពេលឆ្លើយឆ្លងជា
រាជធានីភ្នំពេញ ៖ ប្រធានគណបក្សសង្គ្រោះជាតិ លោក កឹម សុខា ដែលទើបតែឡើងថ្មីបានអះអាងថា លោកគ្មានពេលឆ្លើយឆ្លងជាមួយគណបក្សនយោបាយតូចតាចដែលទើបបង្កើតនោះទេ ដោយទុកពេលវេលាធ្វើគោលនយោបាយដើម្បីប្រកួតប្រជែងជាមួយគណបក្សកាន់អំណាចវិញ ។
លោកកឹម សុខា បានលើកឡើងក្នុងវគ្គផ្សព្វផ្សាយផ្ទៃក្នុងនូវគោលនយោបាយអាទិភាព៥ចំណុចសម្រាប់ការបោះឆ្នោតឃុំ-សង្កាត់ដល់សកម្មជននៅរាជធានីភ្នំពេញ នាព្រឹកថ្ងៃទី១៤ ខែមីនានៅទីស្នាក់ការគណបក្សថា ចាប់ពីពេលនេះទៅឈប់រំលឹកនិយាយពីរឿងអតីតកាលកន្លងមក ដោយងាកមកធ្វើការប្រកួតប្រជែងគោលនយោបាយវិញ ។ លោកថា លោកគ្មានពេលសម្រាប់ឆ្លើយតបជាមួយគណបក្សនយោបាយតូចៗដែលទើបបង្កើតនោះទេ ។ ដោយសារតែដៃគូប្រជែងជាមួយគណបក្សសង្គ្រោះជាតិនោះមានតែគណបក្សកាន់អំណាចបច្ចុប្បន្នតែប៉ុណ្ណោះ ។
លោកបានគូសបញ្ជាក់ថា៖ «ជាទស្សនៈរបស់ខ្ញុំ ក្នុងនាមជាអ្នកដឹកនាំ ខ្ញុំចង់ឲ្យខ្មែរយើងនាំគ្នាគិត និងកសាងអនាគតកាលមួយដ៏ប្រសើរជាជាងការអួត ឬការបន្តុះបង្អាប់គ្នា គាស់កកាយរឿងអតីតកាល។ ខ្ញុំយល់ឃើញថា ចំពោះមនុស្សជំនាន់នេះ ទោះបីអ្នកនយោបាយខំបង្ហាញនូវគុណសម្បត្ដិពីអតីតកាលយ៉ាងណាក៏ដោយ ក៏ពួកគេនៅតែចង់ដឹងថា តើបច្ចុប្បន្ន និងទៅអនាគត អ្នកនយោបាយ ឬអ្នកដឹកនាំនោះធ្វើអ្វី ធ្វើយ៉ាងណាដើម្បីអនាគតពួកគេ និងអនាគតប្រទេសជាតិរបស់គេ នេះជាការប្រកួតគោលនយោបាយ» ។
នៅចំពោះមុខសកម្មជនរបស់ខ្លួនប្រមាណជា២០០នាក់ លោកកឹម សុខា បានស្នើដល់សកម្មជនទាំងអស់ឈប់កកាយរឿងអតីតកាលមក ពិសេសនោះរឿងថ្ងៃ៧មករា ដែលគណបក្សកាន់អំណាចតែងតែប្រារព្ធខួបជារៀងរាល់ឆ្នាំ ។ លោកថា រឿងអតីតកាលត្រូវបានប្រជា ជនដឹងឮអស់ហើយ ថាអ្វីល្អ និងអ្វីអាក្រក់ ។
ចំពោះការលើកឡើងរបស់មេបក្សប្រឆាំងនេះ នៅថ្ងៃដដែលនោះអ្នកនាំពាក្យគណបក្សកាន់អំណាចបានលើកឡើងថា ជាការសន្យាខ្យល់ របស់មេបក្សប្រឆាំងផងដែរ ។
លោក សុខ ឥសាន ពន្យល់ថា ខ្យល់គឺមានន័យថា មើលមិនឃើញ ស្ទាបមិនបាន ដូច្នេះសន្យាខ្យល់ គឺជាពាក្យសន្យាចោល ថាហើយមិនបានធ្វើ មិនបានអនុវត្តតាមពាក្យនិយាយនោះ ដើម្បីឲ្យឃើញលទ្ធផលជាក់ស្តែង ។
លោកបញ្ជាក់ថា នៅក្នុងរឿងនយោបាយ អ្នកនយោបាយមួយចំនួនតែងតែប្រើពាក្យឃោសនាដោយសន្យាថា បើបោះឆ្នោតឲ្យបក្សខ្ញុំ បក្សខ្ញុំនឹងជូននេះ ជូននោះ ជួយនេះ ជួយនោះ។ សម្តីបែបនោះគ្រាន់តែជាវោហារសាស្ត្រប៉ុណ្ណោះ មិនមែនជាវត្ថុដែលបានសន្យានោះទេ គឺមានតែការនិយាយសន្យាប៉ុណ្ណោះ ។ នេះហើយហៅថាសន្យាខ្យល់ ។ ឧទាហរណ៍ បក្សប្រឆាំងសន្យាថា បោះឆ្នោតឲ្យខ្ញុំមក ខ្ញុំនឹងដំឡើងប្រាក់ខែឲ្យបាន១លានទាបបំផុត ។ ពាក្យ១លានគ្រាន់តែជាតួលេខប៉ុណ្ណោះ តែមិនបានធ្វើជាក់ស្តែងដើម្បីឲ្យបាន១លាននោះទេ គឺគ្រាន់តែថាហើយ ចោលទៅ ។ លោកថា ទន្ទឹមនឹងមានការសន្យានេះ ក៏មានការធ្វើជាក់ស្តែងបានលទ្ធផលពិតៗដែរ ដែលករណីនេះ គេមិនហៅថាសន្យាខ្យល់ទេ ។ គឺថាហើយធ្វើតែម្តង ឬមួយមិនថាទេ តែមានផែនការគិតគូរដើម្បីអនុវត្តឲ្យបាន នេះក៏ចាត់ទុកថា ជាអ្នកធ្វើដែរ មិនមែនជាអ្នកសន្យាខ្យល់ទេ ។
ជាមួយគ្នានោះដែរប្រធានគណបក្សសង្គ្រោះជាតិ (CNRP) ក៏បានប្រាប់ទៅថ្នាក់ដឹកនាំ និងសមាជិកបក្សរបស់ខ្លួនកុំនិយាយពីគូប្រកួតប្រជែងច្រើនពេក ព្រោះធ្វើបែបនេះ កាត់បន្ថយការបង្កជម្លោះ ដោយសារគូប្រកួតមិនមែនមានតែប្រជាពលរដ្ឋក្នុងប្រទេសទេ គឺនៅទូទាំងពិភពលោក ។
លោកបានបញ្ជាក់ថា៖ «ខ្ញុំសុំបងប្អូន មិនបាច់និយាយពីគេច្រើនពេកទេ គិតពីរឿងយើងវិញ ។ រឿងគេមិនមែនដឹងតែប្រជាពលរដ្ឋក្នុងប្រទេសទេ ពិភពលោកទាំងមូលដឹងអស់ហើយ អ្នកណាជាអ្នកណា ។ អញ្ចឹងយើងកុំរវល់ គេកើតមកពីណា គេមកដល់ណាហើយ គេនាំទៅណាទៀត គឺប្រជាពលរដ្ឋខ្មែរ ក៏ដូចពិភពលោកដឹងទាំងអស់ បើដូច្នេះមិនបាច់ទេ»។ លោកបន្តថា ដើម្បីបន្ថយការបង្កជម្លោះ យើងអត់ចង់ឈ្លោះទេ យើងអត់ត្រូវការឈ្លោះទេ យើងត្រូវការធ្វើដំណើរទៅមុខដើម្បីប្រយោជន៍ជាតិ និងប្រជាពលរដ្ឋ ។
ពាក់ព័ន្ធនឹងការប្រកួតប្រជែងជាមួយគណបក្សនេះដែរ លោក កឹម សុខា ថ្លែងថា លោកគ្មានពេលជួបនឹងគណបក្សនយោបាយតូចៗនោះទេ ។ លោកបញ្ជាក់ថា សមាជិកបក្សមិនត្រូវរវីរវល់ឆ្លើយឆ្លងជាមួយអ្នកដែលមិនទាន់មានកម្រិតប្រកួតជាមួយបក្សនាំតែខាតពេលអត់ប្រយោជន៍ ។ ជួនកាលអ្នកខ្លះ ក្រុមខ្លះ គេចេះតែចង់ឲ្យខ្ញុំឆ្លើយជាមួយគេ ខ្ញុំវាអត់មានពេលឆ្លើយជាមួយទេ ពីព្រោះមិនមែនជាគូប្រកួត»។
លោកបានគូសបញ្ជាក់ទៀតថា ធម្មតាគូប្រកួតត្រូវឡើងសង្វៀនមានតែ១គូទេ បើរវល់តែនិយាយជាមួយអ្នកក្រៅច្រើនពេក ក្រែងភ្លាត់ស្នៀត បើចៀសបានគួរកុំរវល់តែម្តង ។ ជាមួយគ្នានោះដែរប្រធានបក្សប្រឆាំងលើកឡើងថា កាលពីដើមឡើយគណបក្សយើង អ្នកស្នេហាជាតិ អ្នកប្រជាធិបតេយ្យ ពិបាករកពេលចេញទៅឃោសនា ពេលចុះទៅម្តងៗខំពន្យល់ប្រជាពលរដ្ឋដោយចំណាយពេលច្រើន។ លោកថា ឆាកនយោបាយ មិនមែនដូចឆាកល្ខោនទេ ឆាកនយោបាយពោរពេញទៅដោយការប្រកួតប្រជែងដណ្ដើមអំណាចគ្នា ៕
ចែករំលែកព័តមាននេះ