អ្នកណាមិនភ័យស្លន់ស្លោរទាំងព្រលឹងចុងសក់នោះបើនៅសុខៗចឹងៗអី…
រាជធានីភ្នំពេញ ៖ រថយន្តមួយគ្រឿងបានឆ្លងចរន្តអគ្គិសនីឆេះយ៉ាងខ្លាំង
រាជធានីភ្នំពេញ ៖ រថយន្តមួយគ្រឿងបានឆ្លងចរន្តអគ្គិសនីឆេះយ៉ាងខ្លាំង
រាជធានីភ្នំពេញ ៖ រថយន្តមួយគ្រឿងបានឆ្លងចរន្តអគ្គិសនីឆេះយ៉ាងខ្លាំងពេលដែលកំពុងតែបើកបរនៅតាមផ្លូវក្បែរវិមានឯករាជ្យបង្កឱ្យមានការភ្ញាក់ផ្អើលយ៉ាងខ្លាំងទៅដល់កម្លាំងមានសមត្ថកិច្ចខណ្ឌដូនពេញ សំណាងល្អត្រូវបានអ្នកជិតខាងជួយបាញ់ទឹកពន្លត់ទាន់ពេលវេលាទើបមិនបង្កឱ្យរងការខូចខាតធ្ងន់ធ្ងរនោះ ។ ហេតុការណ៍នេះដែរបានកើតឡើងកាលពីវេលាម៉ោង១០និង ៣០នាទីព្រឹក ថ្ងៃទី១៥ មីនា នៅចំណុចមុខផ្ទះលេខ៣៥ (ខាងកើតវិមានឯករាជ្យ) ផ្លូវព្រះសុរាម្រិត ក្នុងសង្កាត់ចតុមុខ ខណ្ឌដូនពេញ ។
តាមប្រភពព័ត៌មានពីនគរបាលប៉ុស្តិ៍ចតុមុខម្នាក់បានប្រាប់ឱ្យដឹងថា មុនពេលកើតហេតុ រថយន្តពណ៌ស ពាក់ស្លាកលេខភ្នំពេញ 2Z-0413 មួយគ្រឿងបើកបរដោយបុរសម្នាក់រួមទាំងមានស្ត្រីចំនួនពីរនាក់រួមដំណើរផងដែរនោះ បានបើកបរក្នុងទិសដៅពីកើតទៅលិចកំពុងតែបើកបរសុខៗនោះ លុះមកដល់ចំណុចខាងលើក៏ស្រាប់តែចេញអណ្តាតភ្លើង និងផ្សែងខ្មៅហុយទ្រលោមឆេះនៅផ្នែកខាងមុខរថយន្ត ភ្លាមនោះអ្នកបើកបរក៏ព្យាយាមបួងចង្កូតចូលចតនៅលើចិញ្ចើមផ្លូវ និងនាំគ្នាស្ទុះបើកទ្វារចុះចេញពីក្នុងរថយន្តទាំង៣នាក់ទាំងព្រលឹងចុងសក់តែម្តង។
តាមប្រភពដែលបានប្រាប់បន្តទៀតថា ពេលដែលអ្នកបើកបរ និងអ្នកជិះប្រុស ស្រីទាំង៣នាក់បានឈប់ និងនាំគ្នារត់ចេញពីក្នុងរថយន្ដដែលកំពុងតែឆេះនោះអស់ហើយ ក៏មានការភ្ញាក់ផ្អើលទៅដល់អ្នកជិតខាងជួយទាញទុយោទឹកមកជួយបាញ់ពន្លត់ទាន់ពេលវេលា និងមិនបានបង្កឱ្យឆេះរងការខូចខាតធ្ងន់ធ្ងរឡើយ ។ រថយន្តខាងលើនេះដែរបានបង្កឡើងដោយសារតែការឆ្លងចរន្តអគ្គិសនីដោយបានឆេះបំផ្លាញអស់គ្រឿងផ្នែកខាងមុខមួយចំនួន និងមិនអាចបើកបរបានឡើយហើយក៏ជារថយន្តដែលទើបតែបានធ្វើការប្តូរម៉ាស៊ីនរួចហើយនាពេលថ្មីៗនេះ ៕
ចែករំលែកព័តមាននេះ