រាជធានីភ្នំពេញ ៖ តារាសម្តែងហង្ស ម៉ារិនី ដែលលេចធ្លោជាមួយសកម្មភាពមនុស្សធម៌កន្លងមក ត្រូវបានមហាជនស្គាល់យ៉ាងច្បាស់ ស្រាប់តែបានបើកមុខជំនួញថ្មីមួយ ជាថៅកែហាងរក្សាសម្រស់ដ៏ធំមួយ ដែលនាំចូលផលិតលផលមកពីកូរ៉េ ដោយស្រីស្អាតរូបនេះ ចំណាយទុនដលទៅជិត២០ម៉ឺនដុល្លារឯណោះ ។
ការជាប់ងារជាថៅកែហាងផលិតផលសម្រស់នេះ ហង្ស ម៉ារិនី មើលទៅដូចជាគេចមុនផុតពីព័ត៌មាន ដែលតែងតែលើកឡើងលើតារាស្រីឱ្យតែចំណាយអ្វីធំដុំ បើកមុខរបរច្បាស់ជាមានសង្សារ ឬគូស្នេហ៍ទ្រព្យស្តុកជួយយិតយោងជាក់ជាមិនខាន ។
នៅពេលជជីកសួរនាំពីបញ្ហានេះ ស្រីតូចច្រឡឹងហង្ស ម៉ារិនី បានរៀបរាប់ថា ហាងរបស់នាងមានឈ្មោះថា«Unique» ដែលទើបតែបើកដំណើរការក្តៅៗ មានទីតាំងតាមបណ្តោយផ្លូវម៉ៅសេទង់ ម្តុំស្តុបផ្សារដើម.គ នៅទល់មុខក្រុមហ៊ុនមិត្តហ្វូន ។ លុះនៅពេលជជីកសួរនាំពីបញ្ហានេះ ស្រីតូចច្រឡឹងបានរៀបរាប់ថា ហាងនេះជារបស់បងស្រីធម៌របស់នាងមានឈ្មោះថា អ៊ា ប៉ហ៊ាប ដែលស្រឡាញ់រាប់អាននាង ទើបបណ្តោយឲ្យប្រើរូបនាងដាក់តាំងមុខហាងលើប៉ាណូ ព្រមទាំងអនុញ្ញាតិឲ្យនាងចុះផលិតវីដេអូចែកចាយផលិតផល និងឃោសនាផលិតផលនោះដែរ ។
យ៉ាងណា តាមការលើកឡើងពីតារាសិល្បៈសុទ្ធតែលើកឡើងថា ហង្ស ម៉ារិនី ពិតជាម្ចាស់ហាងសម្រស់ខាងលើ ដោយសារតែនាងធ្លាប់ប្រកាសថា ចង់បើកហាងផលិតផលនាំចូលពីក្រៅប្រទេសយកមកប្រជែងទីផ្សារកន្លងមក។
យ៉ាងណាម៉ារិនីបានអះអាងថា ដំណឹងបើកហាងនេះមានគេសួរនាំច្រើនតែនាងមិនខ្វល់នោះទេ ការណ៍ពិតនៅលើរូបនាងនាងដឹងតែខំឃោសនាផលិតផលទាំងនោះ មកពីកូរ៉េដែលមានផលិតផលរក្សាសម្រស់ច្រើនមុខមិនថា ផលិតផលសម្រស់ស្បែកមុខដងខ្លួន និងសក់សុទ្ធតែនាំចូលពីកូរ៉េតែម្តង ។
ចែករំលែកព័តមាននេះ