ទីក្រុងការ៉ាកាស ៖ ប្រទេសវ៉េណេស៊ុយអេឡាគ្រោងរកចំណូលឲ្យបាន១០ប៊ីលានដុល្លារអាមេរិកពីការនាំចេញប្រេងឆ្នាំនេះ ប្រសិនបើតម្លៃប្រេងឆៅអន្តរជាតិបន្តកើនឡើង។ នេះបើយោងតាមព័ត៌មានផ្លូវការបានឲ្យដឹងកាលពីថ្ងៃសៅរ៍ ។
ទីក្រុងការ៉ាកាស ៖ ប្រទេសវ៉េណេស៊ុយអេឡាគ្រោងរកចំណូលឲ្យបាន១០ប៊ីលានដុល្លារអាមេរិកពីការនាំចេញប្រេងឆ្នាំនេះ ប្រសិនបើតម្លៃប្រេងឆៅអន្តរជាតិបន្តកើនឡើង។ នេះបើយោងតាមព័ត៌មានផ្លូវការបានឲ្យដឹងកាលពីថ្ងៃសៅរ៍ ។
លោក Jesus Faria រដ្ឋមន្ត្រីក្រសួងពាណិជ្ជកម្ម និងវិនិយោគបរទេស បានបញ្ជាក់ក្នុងកិច្ចប្រជុំកំពូលអាជីវកម្មមួយនៅភាគខាងលិចរដ្ឋ Zulia និងសរសើរដល់កិច្ចខិតខំប្រឹងប្រែងរបស់លោកប្រធានាធិបតី Nicolas Maduro ក្នុងការរក្សាកិច្ចព្រមព្រៀងជាមួយអង្គការបណ្តាប្រទេសនាំប្រេងចេញ (OPEC) ដើម្បីកាត់បន្ថយផលិតកម្ម និងរក្សាស្ថិរភាពទីផ្សារប្រេងពិភពលោក ។
លោក Faria មានប្រសាសន៍ថា ៖ «តម្លៃប្រេងបានកើនឡើង ហើយចំណូលបន្ថែមនឹងមានពី៨-១០ប៊ីលានដុល្លារអាមេរិក ។ នេះក៏ដោយសារគោលនយោបាយប្រេងរបស់លោកប្រធានាធិបតី Maduro » ។
លោកបន្ថែមថា ការកើនឡើងនៃតម្លៃប្រេងនឹងជួយឱ្យសេដ្ឋកិច្ចវ៉េណេស៊ុយអេឡាងើបឡើងវិញ ប៉ុន្តែលោកក៏បានសង្កត់ធ្ងន់ផងដែរទៅលើសកម្មភាពនាំចេញផ្សេងទៀត ។ លោកថា ៖ « កិច្ចខិតខំប្រឹងប្រែងរបស់យើងគឺផ្តោតលើផលិតភាពនៃសេដ្ឋកិច្ច និងការនាំចេញមិនមែនប្រពៃណី » ។
រដ្ឋាភិបាលបានធ្វើកំណែទម្រង់សារពើពន្ធជាថ្មី ដោយអនុញ្ញាតឱ្យក្រុមហ៊ុននាំចេញរក្សាទុកនូវប្រាក់ចំណូល៨០%របស់ខ្លួនដែលបានពីការលក់នៅបរទេស និងត្រូវគេមើលឃើញថា ជាវិធានការជំរុញដល់កំណើនសេដ្ឋកិច្ច ។
« កំណែទម្រង់នេះនឹងផ្តល់ភាពងាយស្រួលដល់នីតិវិធីនាំចេញរបស់ប្រទេសវ៉េណេស៊ុយអេឡា និងធ្វើឱ្យអ្នកផលិតរីករាយលើការចំណាយពេលវេលាខ្លី ចំណាយតិច និងទទួលបានប្រាក់ចំណេញច្រើន » ។ នេះបើយោងតាមលោក Faria ៕
ចែករំលែកព័តមាននេះ