ខេត្តកោះកុង ៖ ប្រភពពីមន្រ្តីមួយចំនួនបាននិយាយថា រថយន្តសណ្តោងរ៉ឺម៉កកង់១០ដែលក្រឡាប់នៅស្រុកបទុមសាគរកាលពីព្រឹកព្រលឹមថ្ងៃទី១៣ មីនាហើយក្អួតចេញឡេលាបស្បែង គោជល់និងស្ករគ្រាប់នោះ ជាប្រភេទទំនិញគេចពន្ឋ ។
គួររំឮកថា កាលពីវេលាម៉ោង០៥ និង៣០នាទីទៀបភ្លឺថ្ងៃទី១៣ មីនា ២០១៧ រថយន្តសណ្តោងរ៉ឺម៉កកង់ដប់មួយគ្រឿង បានក្រឡាប់ផ្ងារជើងធ្លាក់ចេញពីផ្លូវប្រមាណ២០ម៉ែត្រ និងធ្លាក់ទំនិញចេញពីក្នុងរថយន្តចោលវាលស្រែទាំងអស់ ។ ហេតុការណ៍នេះ កើតឡើងលើកំណាត់ផ្លូវជាតិលេខ48 ត្រង់នៅចំណុចអូរម្កាក់ ក្នុងភូមិជីមាល ឃុំអណ្តូងទឹក ស្រុកបទុមសារគរ ។ បើតាមប៉ូលិសថា ករណីនេះកើតឡើងដោយសារអ្នកបើកបរងងុយដេក ។ លោកអធិការបញ្ជាក់ទៀតថា រថយន្តខាងលើជាប្រភេទរថយន្តដឹកទំនិញ ហើយដឹកទំនិញពីច្រកទ្វារអន្តរជាតិចាំយាម ឆ្ពោះទៅរាជធានីភ្នំពេញ ។ លុះមកដល់កន្លែងកើតហេតុ ក៏រេចង្កូតធ្លាក់កាវថ្នល់ក្រឡាប់ផ្ងារជើងតែម្តង ហើយពេលក្រឡាប់ក្អួតចេញទំនិញជាច្រើនមុខដូចជា ស្ករគ្រាប់ ភេសជ្ជៈគោជល់ និង ជាពិសេសឡេលាភស្បែក ដែលជាទំនិញដែលមានអត្រាពន្ធខ្ពស់។ លោកអធិការបន្ថែមទៀតថា ហេតុការណ៍នេះ បណ្តាលឱ្យអ្នកបើកបរ និងព្រូឡានរងរបួសស្រាល ។ ចំណែកទំនិញត្រូវបានរងការខូចខាតជាងពាក់កណ្តាល ដែលមុខទំនិញទាំងនោះ មានទំងន់សរុបប្រមាណជាង30តោន ៕
ចែករំលែកព័តមាននេះ