គួរឱ្យអាណិតខ្លាំងណាស់ ! ក្មេងប្រុសអាយុ២ឆ្នាំត្រូវរថយន្តធុនធំបុក
ខេត្តបន្ទាយមានជ័យ ៖ រថយន្តធុនធំទៅដឹកមាន់តាមព្រំដែនបានបុកក្មេងរត់កាត់ផ្លូវបណ្តាលរបួសធ្ងន់ត្រូវបានសង្គ្រោះបន្ទាន់
ខេត្តបន្ទាយមានជ័យ ៖ រថយន្តធុនធំទៅដឹកមាន់តាមព្រំដែនបានបុកក្មេងរត់កាត់ផ្លូវបណ្តាលរបួសធ្ងន់ត្រូវបានសង្គ្រោះបន្ទាន់ ដែលគ្រោះថ្នាក់នេះបានកើតឡើងនៅវេលាម៉ោង៨និង៣០នាទីថ្ងៃទី១២ មីនា នៅតាមផ្លូវ២៥៨D ស្ថិតក្នុងភូមិកូនត្រី ឃុំកូបស្រុកអូរជ្រៅ ។ កុមារារងគ្រោះមានឈ្មោះ ឆា នុន អាយុ២ឆ្នាំ រស់នៅភូមិកើតហេតុខាងលើ ។
បើតាមមន្ត្រីនគរបាលចរាចរណ៍បានប្រាប់ថា នៅពេលគ្រោះថ្នាក់ចរាចរណ៍កើតឡើងគឺរថយន្តធុនធំម៉ាក ហ្វុយសូយីឌុប ពណ៌ស ពាក់ស្លាក់លេខ តាកែវ3A-0537 ទៅរកដឹកមាត់តាមបន្ទាត់ព្រំដែន ខណៈពេលដែលបើកបរតាមផ្លូវលេខ២៥៨D ក្នុងទិសដៅពីត្បូងទៅជើងក្នុងល្បឿនលឿនបានបុកកុមារារងគ្រោះដែលរត់កាត់ផ្លូវរបួសធ្ងន់ ។
មន្ត្រីនគរបាលបានបញ្ជាក់ថា ក្រោយពេលគ្រោះថ្នាក់កើតឡើងមន្ត្រីនគរបាលជំនាញបានចុះទៅពិនិត្យមើល មូលហេតុគ្រោះថ្នាក់កើតឡើងគឺបណ្តាលមកពីអ្នកបើកបរថយន្តបើកបរហួសល្បឿនកំណត់ក្នុងទីប្រជុំជន និងឪពុកម្តាយកុមារារងគ្រោះគ្មានការប្រុងប្រយ័ត្នទើបបណ្តាលឱ្យកុមារារងគ្រោះថ្នាក់ដោយរថយន្តបុកយ៉ាងធ្ងន់ធ្ងរត្រូវបានសង្គ្រោះបន្ទាន់ ចំណែកអ្នកបើកត្រូវបានរត់គេចខ្លួន ។ ដោយឡែករថយន្តដែលបង្កត្រូវបានយកទៅរក្សាទុកនៅអធិការនគបាលក្រុងប៉ោយប៉ែតដើម្បីអនុវត្តតាមច្បាប់ ៕
ចែករំលែកព័តមាននេះ