ឡិចស៊ិស RX330 ព្រលះកាមរីបាឡែនឡើងទក់សាច់
រាជធានីភ្នំពេញ ៖ រថយន្តពីរគ្រឿងបើកបរខ្វះប្រុងប្រយ័ត្ន និងការយោគយល់គ្នាបណ្តាលឱ្យរថយន្តទាំងពីរគ្រឿងបុកគ្នាពេញទំហឹង
រាជធានីភ្នំពេញ ៖ រថយន្តពីរគ្រឿងបើកបរខ្វះប្រុងប្រយ័ត្ន និងការយោគយល់គ្នាបណ្តាលឱ្យរថយន្តទាំងពីរគ្រឿងបុកគ្នាពេញទំហឹង
រាជធានីភ្នំពេញ ៖ រថយន្តពីរគ្រឿងបើកបរខ្វះប្រុងប្រយ័ត្ន និងការយោគយល់គ្នាបណ្តាលឱ្យរថយន្តទាំងពីរគ្រឿងបុកគ្នាពេញទំហឹង បណ្ដាលឲ្យឱ្យមានអ្នករងរបួសធ្ងន់ម្នាក់ និងស្រាល៤នាក់ដែលហេតុការណ៍នេះបានកើតឡើងនៅវេលាម៉ោង២និង៥០នាទីរំលងអធ្រាត្រឈានចូលថ្ងៃទី១៤ មីនា ចំណុចស្តុបបូកគោ ផ្លូវព្រះមុន្នីវង្សកែងនឹងផ្លូវម៉ៅសេទុង សង្កាត់បឹងត្របែក ខណ្ឌចំការមន ។
តាមប្រភពព័ត៌មានពីកន្លែងកើតបានឱ្យដឹងថា គេបានឃើញរថយន្តម៉ាកកាមរីបាឡែន ពណ៌ស្ករ ពាក់ស្លាកលេខ ភ្នំពេញ 2AL-8492 បានធ្វើដំណើរតាមផ្លូវព្រះមុនីវង្ស ក្នុងទិសដៅពីជើងទៅត្បូងខណៈមកដល់ចំណុចកើតហេតុដែលជាផ្លូវបំបែកជាបួន ព្រមទាំងមានស្តុបទៀតនោះក៏ស្រាប់តែមានរថយន្តបង្កម៉ាកឡិចស៊ីសRX330 ពណ៌ស ពាក់ស្លាកលេខ ភ្នំពេញ 2AN-9235 ជិះគ្នាបីនាក់ដោយស្ត្រីជាអ្នកបើកបរបានធ្វើដំណើរតាមផ្លូវម៉ៅសេទុង ក្នុងទិសដៅពីកើតទៅលិចបោះពួយក្នុងល្បឿនលឿនព្រមទាំងស្រវឹងផងនោះបានជ្រុលទៅបុកនឹងរថយន្តបាឡែនចំផ្នែកខាងមុខចំហៀងខាងឆ្វេងពេញទំហឹង បណ្តាលឱ្យបាឡែនរេចង្កូតទៅបុកនឹងបង្គោលភ្លើងស្តុបបាក់ដួលដល់ដីអស់មួយដើម និងធ្វើឱ្យរថយន្តរងការខូចខាតកំពិតផ្នែកខាងមុខចំហៀងខាងឆ្វេង និងវៀចរ៉ូទីលខាងឆ្វេង ចំណែកអ្នកបើកបររងរបួសដៃខាងឆ្វេងធ្ងន់ និង២នាក់ទៀតរងរបួសស្រាល ហើយទាំងបីនាក់ត្រូវមិត្តភក្ដិដឹកយកទៅសង្គ្រោះនៅមន្ទីរពេទ្យ ។
ដោយឡែកខាងរថយន្តបង្កម៉ាកឡិចស៊ីសភ្លាមៗនោះធ្វើឲ្យរថយន្តវិលបត់ក្បាលត្រឡប់ក្រោយរងការខូចខាតខ្ទេចផ្នែកខាងមុខ និងផ្ទុះពោងសុវត្ថិភាព ចំណែកអ្នកបើកបរព្រមទាំងអ្នករួមដំណើររងរបួសស្រាលមិនបានទៅពេទ្យនោះទេ ។ បន្តិចក្រោយមកឃើញមានតំណាងខាងរថយន្តទាំងពីរបានមកធ្វើការចរចារគ្នា ដោយខាងរថយន្តបង្កឡិចស៊ីសបានយល់ព្រមចេញថ្លៃការជួសជុល និងព្យាបាលរបួសឱ្យទៅខាងរថយន្តបាឡែនដើម្បីបញ្ចប់រឿង តែដោយសារតែមានការប៉ះពាល់ដល់សម្បត្តិរដ្ឋធ្វើឱ្យបាក់បង្គោលភ្លើងស្តុប រថយន្តទាំងពីរត្រូវសមត្ថកិច្ចជំនាញមកវាស់វែងរួចស្ទួចយកទៅរក្សាទុកនៅការិយាល័យចរាចរណ៍ផ្លូវគោករាជធានីដើម្បីធ្វើការដោះស្រាយសំណងរដ្ឋ ៕
ចែករំលែកព័តមាននេះ