កាលពីថ្ងៃទី១២ មីនា ភាពតានតឹងមិនធ្លាក់ចុះឡើយរវាងតួួកគី និងហូឡង់ ដោយក្រុងអង់ការ៉ា មិនព្រមនៅស្ងៀមឡើយ ក្រោយពីរដ្ឋមន្ត្រីតួកគី២រូប ត្រូវច្រានមិនឱ្យចូលដែនដីហូឡង់ជាកន្លែងរដ្ឋមន្ត្រីទាំង២រូបនេះ
កាលពីថ្ងៃទី១២ មីនា ភាពតានតឹងមិនធ្លាក់ចុះឡើយរវាងតួួកគី និងហូឡង់ ដោយក្រុងអង់ការ៉ា មិនព្រមនៅស្ងៀមឡើយ ក្រោយពីរដ្ឋមន្ត្រីតួកគី២រូប ត្រូវច្រានមិនឱ្យចូលដែនដីហូឡង់ជាកន្លែងរដ្ឋមន្ត្រីទាំង២រូបនេះត្រូវទៅធ្វើយុទ្ធនាការឃោសនាដល់ជនជាតិតួកគីរស់នៅហូឡង់សម្រាប់ការបោះប្រជាមតិមួយនាថ្ងៃទី១៦ មេសាខាងមុខ ។
ដោយលើកឡើងពីការវាយប្រហារខាងវោហាសាស្ត្ររបស់តួកគីប្រឆាំងហូឡង់ជាដៃគូអឺរ៉ុបរបស់លោក នាយករដ្ឋមន្ត្រីដាណឺម៉ាក់ លោក LARS LOKKE RASMUSSEN ស្នើថា ទស្សនកិច្ចដែលគ្រោងធ្វើនាខែនេះរបស់សមភាគីតួកគី លោក BINALI YILDIRIM អាចផាត់ចោល ។
ហូឡង់ពុំមែនជាប្រទេសអឺរ៉ុបដំបូងគេដែលលុបចោលបណ្តាកិច្ចប្រជុំនយោបាយដែលត្រូវចូលរួមដោយបណ្តារដ្ឋមន្ត្រីតួួកគីសម្រាប់យុទ្ធនាការគាំទ្រការកែទម្រង់រដ្ឋធម្មនុញ្ញសំដៅពង្រឹងអំណាចប្រធានាធិបតីឡើយ ។ អាជ្ញាធរហូឡង់នាថ្ងៃទី១១ មីនា បានរុញច្រានរដ្ឋមន្ត្រីតួកគី២រូបមិនឱ្យចូលរួមក្នុងកិច្ចប្រជុំឃោសនាក្នុងដែនដីខ្លួនគឺមិនឱ្យយន្តហោះរដ្ឋមន្ត្រីការបរទេសចុះលើដែនដីខ្លួន ហើយរដ្ឋមន្ត្រីគ្រួសារតួកគី លោកស្រី FATMA BETUL SAYAN KAYA ត្រូវប៉ូលិសហូឡង់នាំមកកាន់ព្រំដែនអាល្លឺម៉ង់ក្រោយរារាំងលោកស្រីមិនឱ្យចូលអគារស្ថានកុងស៊ុលតួកគីនៅទីក្រុង ROTTERDAM ហើយប្រកាសថា លោកស្រីជាមនុស្សពុំបានការលើដែនដីហូឡង់ ។
នាពេលយប់ថ្ងៃទី១១ មីនា ប៉ូលិសហូឡង់បានប្រើឆ្កែ និងកាណុងបាញ់ទឹក បំបែកបាតុករជាច្រើនរយនាក់ដែលប្រមូលផ្តុំគ្នានៅមុខស្ថានកុងស៊ុលតួកគីនៅក្រុង ROTTERDAM ហើយមនុស្សច្រើននាក់រងការវាយរបស់ប៉ូលិសដោយដំបង ។
ទន្ទឹមនឹងនេះ អាជ្ញាធរតួកគីបានបិទស្ថានទូតហូឡង់ប្រចាំក្រុងអង់ការ៉ា ព្រមទាំងស្ថានកុងស៊ុលនៅក្រុងអុីស្តង់ប៊ុលដែលនៅមុខស្ថានកុងស៊ុលនេះមានបាតុករជាច្រើនរយនាក់ ។
ប្រធានាធិបតីតួកគី លោករីស៊ីបតៃយីប អ័រដូហ្គាន បានព្រមានកាលពីថ្ងៃទី១២ មីនា ថា ពិតណាស់ពួកគេនឹងត្រូវបង់តម្លៃ ហើយឱ្យពួកគេដឹងដែរអ្វីដែលហៅថា ការទូត ។ ខ្ញុំគិតថា លទ្ធិណាហ្ស៊ីស្លាប់បាត់ទៅហើយ តែខ្ញុំយល់ខុសសោះ ។ លទ្ធិណាហ្ស៊ីនៅរាយប៉ាយនៅឡើយក្នុងអឺរ៉ុប ។ អឺរ៉ុបបង្ហាញពីមុខមាត់ពិតរបស់ខ្លួនហើយ ៕
ចែករំលែកព័តមាននេះ