សារព័ត៌មានចិនផ្សាយថា បុរសម្នាក់លុតជង្គង់សុំគូស្នេហ៍រៀបការនៅយប់មួយកណ្ដាលក្រុងណាននីង ខេត្ដគ័ងស៊ី ភាគខាងត្បូងប្រទេសចិន ប៉ុន្ដែលទ្ធផលអវិជ្ជមានដោយហេតុផលថា ផ្ទះរបស់គេគ្មានបន្ទប់ទឹក ។
រឿងហេតុនោះឆ្លុះបញ្ចាំងពីបញ្ហារើសអើងចំនួន២ករណីនៅប្រទេសចិន ទី១ បុរសដែលនៅលីវភាគច្រើនមិនអាចរកគូស្រករបាន ព្រោះការមិនស្មើភាព ។ ទី២ ថ្លៃផ្ទះនៅតាមទីក្រុងមានតម្លៃខ្ពស់ ។ ម្យ៉ាងទៀតចំនួនស្ដ្រីនៅប្រទេសចិនមានចំនួនទាបជាងបុរស ដោយសារតែការពេញនិយមកូនប្រុស ទុកស្នងត្រកូល ។
ក្រៅពីនេះតួនាទីជាកូនកំលោះនៅប្រទេសចិន មិនមែនជាភាពងាយស្រួលទេ គឺជាភាគីទទួលបន្ទុកលើការចំណាយ ពិសេសលើថ្លៃបណ្ណាការ ។ បញ្ហានេះធ្វើឱ្យពលរដ្ឋចិនទូទៅបង្ហាញពីគោលគំនិតយល់ឃើញចំពោះព្រឹត្ដិការណ៍ដែលបុរសបាត់បង់ស្នេហាចំនួន២ចំណុចផ្សេងគ្នា ដោយខ្លះបានរិះគន់ខាងស្រី ឯខ្លះទៀតយល់ថា នាងមានសិទ្ធិទាមទារវត្ថុទាំងនេះ ព្រោះជាកត្ដាមូលដ្ឋានតាមទំនៀមទម្លាប់របស់ចិន ៕
ចែករំលែកព័តមាននេះ