រាជធានីភ្នំពេញ ៖ លោកម៉ុង កាណែត អតីតអ្នកថតជំនាញភាពយន្តកើតជំងឺក្រិនថ្លើម និងចូល សម្រាកព្យាបាននៅមន្ទីរពេទ្យជាច្រើនថ្ងៃមកហើយ ។ លោកម៉ុង កាណែត បានទទួលការឧបត្ថម្ភពីសប្បុរសជនតាមរយៈក្រុមយុវជន LKF Family ។ ការជួយឧបត្ថមនោះព្រោះក្តីអាណិតអាសូរ និងដើម្បីជួយសម្រួលដល់ការលំបាករបស់ក្រុមគ្រួសារអតីតអ្នកជំនាញថតភាពយន្ត ក្នុងអំឡុងទសវត្ស៩០រូបនោះ ។
ការនាំប្រាក់អំណោយទៅជូនលោកម៉ុង កាណែត កាលពីរសៀលថ្ងៃទី៨ ខែមីនា ឆ្នាំ២០១៧ ដោយសមាជិកក្រុមយុវជនLKF Family (ស្រលាញ់គ្រួសារខ្មែរ) ។ ប្រាក់ទាំងនោះជារបស់សប្បុរសជន រួមជាមួយប្រាក់ដែលប្រមូលបានពីក្រុមLKF Family ។ ប្រាក់អំណោយចំនួន៥៩៥ដុល្លារ និង៩០.០០០រៀល បានប្រគល់ជូននៅបន្ទប់សម្រាកព្យាបាលជំងឺលេខ១១៤ នៃមន្ទីរពេទ្យមិត្តភាពខ្មែរ-សូវៀត ។
លោកម៉ុង កាណែត បានថ្លែងអំណរគុណចំពោះសប្បុរជន និងក្រុមយុវជនLKF ដែល ឧបត្ថម្ភប្រាក់ដើម្បីជួយសម្រួលដល់ការលំបាកនិងថ្លៃព្យាបាលជំងឺរបស់លោក ។
លោកម៉ុង កាណែត មានជំងឺក្រិនថ្លើមប្រភេនCធ្ងន់ រយៈពេលប្រមាណ២ខែកន្លងមកហើយ ។ លោកចូលសម្រាកព្យាបាលនៅមន្ទីពេទ្យមិត្តភាពខ្មែរ-សូវៀត លើកទីមួយរយៈពេល១សប្តាហ៍ប៉ុណ្ណោះ ត្រូវក្រុមគ្រូពេទ្យឲ្យត្រឡប់ទៅផ្ទះវិញ ។ ចំណែកលើកទីពីរនេះមានរយៈពេលជិត២សប្តាហ៍មកហើយ ។
ស្ថិតក្នុងវ័យ៥២ឆ្នាំ លោកម៉ុង កាណែត មានជំងឺក្រិនថ្លើមប្រភេទC និងមានកូនកណ្តុរចំនួន៣គ្រាប់នៅក្នុងពោះវៀនធ្វើឱ្យលោកដេកដាបលើកន្ទេលងើបស្ទើរមិនរួច ។ ពេលនេះលោកកំពុងតែជួបការខ្វះខាតប្រាក់សម្រាប់ព្យាបាលបន្ដ ៕
ចែករំលែកព័តមាននេះ