បេប៊ី នៅមិនសុខដោយសារបុរស «ក្ររហាម»
រាជធានីភ្នំពេញ ៖ តារាសម្តែង និងចម្រៀងកញ្ញាបេប៊ី បានព្រមានម្ចាស់ហ្វេសប៊ុកមួយដែលតែងតែតាមរំខាន និងជេរនាងជាបន្តបន្ទាប់ ។ បេប៊ី បានដាក់ពាក្យប្ដឹងរួចហើយទៅលើម្ចាស់ហ្វេសប៊ុកឈ្មោះ
រាជធានីភ្នំពេញ ៖ តារាសម្តែង និងចម្រៀងកញ្ញាបេប៊ី បានព្រមានម្ចាស់ហ្វេសប៊ុកមួយដែលតែងតែតាមរំខាន និងជេរនាងជាបន្តបន្ទាប់ ។ បេប៊ី បានដាក់ពាក្យប្ដឹងរួចហើយទៅលើម្ចាស់ហ្វេសប៊ុកឈ្មោះ
រាជធានីភ្នំពេញ ៖ តារាសម្តែង និងចម្រៀងកញ្ញាបេប៊ី បានព្រមានម្ចាស់ហ្វេសប៊ុកមួយដែលតែងតែតាមរំខាន និងជេរនាងជាបន្តបន្ទាប់ ។ បេប៊ី បានដាក់ពាក្យប្ដឹងរួចហើយទៅលើម្ចាស់ហ្វេសប៊ុកឈ្មោះ «មនុស្សក្ររហាម» ដោយសារតាមយាយីនាងជិតមួយឆ្នាំកន្លងមក ។
កញ្ញាបេប៊ី តាមរយៈវីដេអូឃ្លីប កាលពីពេលថ្មីៗកន្លងមករៀបរាប់ឲ្យដឹងថា មនុស្សមិនស្គាល់អត្តសញ្ញាណ និងបានប្រើប្រាស់ឈ្មោះ «មនុស្សក្ររហាម» តែងតែចូលcommand និងឆាតទៅនាង ដោយប្រើពាក្យអាក្រក់ ប៉ុន្តែនាងមិនដែលតបតឡើយ ។
ដោយសារម្ចាស់ហ្វេសប៊ុករូបនោះនៅតែបន្ដជេរប្រមាថរូបនាងទៀតនាងបានដាក់ពាក្យប្ដឹង ។ បន្ទាប់ពីនាងដាក់ពាក្យប្ដឹងមកជននោះហាក់ស្ងប់ស្ងាត់បន្តិច ប៉ុន្តែមួយរយៈចុងក្រោយនេះលេចឡើងមកវិញ និងប្រើប្រាស់ហ្វេសប៊ុកជាច្រើនទៀតបន្តជេរនាង ។ បើទោះជាមានបញ្ហាបែបនេះកើតឡើងក៏ដោយ បេប៊ីនៅតែមិនតបត ព្រោះចាត់ទុកថា ម្ចាស់ហ្វេសប៊ុកនោះជាមនុស្សបាតសង្គម ទើបគេហ៊ានធ្វើរឿងបែបនេះឡើង ។
ដោយការជេរប្រមាថដែលមិនអាចទទួលយកបាននោះ ទើបបេប៊ីចេញសារព្រមានម្តងទៀតថានឹងប្តឹងដើម្បីឲ្យសមត្ថិកិច្ចស្រាវជ្រាវ និងចាប់ខ្លួនជននោះ ។
បេប៊ី បញ្ជាក់ថា នាងនិយាយបែបនេះមិនមែនជាពាក្យកម្លា ឬបន្លាចឲ្យជននោះលែងហ៊ានទេ ប៉ុន្តែជាវិធីល្អតែមួយគត់សម្រាប់តបតព្រោះនាងបានស្គាល់មុខគេច្បាស់ និងមានភស្តុតាងច្រើនទៀតសម្រាប់ដាក់បន្ទុក ។
កន្លងមកបុរសម្នាក់នោះបានស្កាត់ទៅជួបបេប៊ីដល់ស្ថានីយទូរទស្សន៍ស៊ីធីអ៊ិន ក្នុងពេលនាងកំពុងLive ផ្ទាល់ ប៉ុន្តែនាងសុំអន្តរាគមន៍ពីសន្តិសុខឲ្យចាប់ចេញ ខណៈគេនៅតែព្យាយាមស្រែកចង់ជួបមុខនាងផ្ទាល់ ទោះចូលគុកក៏ដោយ ។
ចំពោះបញ្ហាដែលកើតឡើងនេះ បេប៊ី បានសម្តែងការព្រួយបារម្ភពីសុវត្ថិភាពផ្ទាល់ខ្លួន ព្រោះនាងត្រូវចេញទៅសម្តែងតាមទីកន្លែងជាច្រើន ។ បេប៊ីនឹងរៀបចំឯកសារប្តឹង ព្រមទាំងអំពាវនាវដល់ប្រិយមិត្តអ្នកគាំទ្រ ប្រសិនបើឃើញហ្វេសប៊ុក «មនុស្សក្ររហាម» ឆាតទៅ ឬក៏Command អ្វីនោះ បើអាចសូមជួយរក្សាទុកជាឯកសារឲ្យរូបនាងផង ។ បើអ្នកណាស្គាល់ជននោះសូមផ្តល់ដំណឹងដល់រូបនាង ព្រោះនាងកំពុងតែតាមរកគេ ៕
ចែករំលែកព័តមាននេះ