ការពិតនៅកម្ពុជា សិទ្ធិមនុស្សអាចល្អជាងប្រទេសមួយចំនួន ព្រោះគ្មានទោសប្រហារជីវិត
រាជធានីភ្នំពេញ ៖ ការិយាល័យឧត្តមស្នងការអង្គការសហប្រជាជាតិ(អ.ស.ប)ទទួលបន្ទុកសិទ្ធិមនុស្សនៅកម្ពុជា នៅព្រឹកថ្ងៃទី១០ ខែមីនា ឆ្នាំ២០១៧
រាជធានីភ្នំពេញ ៖ ការិយាល័យឧត្តមស្នងការអង្គការសហប្រជាជាតិ(អ.ស.ប)ទទួលបន្ទុកសិទ្ធិមនុស្សនៅកម្ពុជា នៅព្រឹកថ្ងៃទី១០ ខែមីនា ឆ្នាំ២០១៧
រាជធានីភ្នំពេញ ៖ ការិយាល័យឧត្តមស្នងការអង្គការសហប្រជាជាតិ(អ.ស.ប)ទទួលបន្ទុកសិទ្ធិមនុស្សនៅកម្ពុជា នៅព្រឹកថ្ងៃទី១០ ខែមីនា ឆ្នាំ២០១៧ បានរៀបសន្និសីទស្តីពី«ស្ថានភាពសិទ្ធិមនុស្សនៅកម្ពុជា» ។ សន្និសីទនេះប្រារព្ធធ្វើនៅសណ្ឋាគារសាន់វេ ដោយមានការចូលរួមពីលោកស្រី វ៉ាន់ ហ៊ីលី តំណាងការិយាល័យឧត្តមស្នងការ អ.ស.ប ទទួលបន្ទុកសិទ្ធិមនុស្សប្រចាំនៅកម្ពុជា លោក កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា និងតំណាងសង្គមស៊ីវិល សហជីពមួយចំនួនទៀត ។
លោក កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា ថ្លែងថា លោកបានស្គាល់គណបក្សនយោបាយមួយចំនួន និងសូមឲ្យបងប្អូនប្រុងប្រយ័ត្នចំពោះគណបក្សនយោបាយ(បក្សប្រឆាំង) ។ អ្នកខ្លះនៅពេលមិនទាន់កាន់អំណាចជាទ្រឹស្តីល្អណាស់ តែដល់ពេលជាក់ស្តែងយ៉ាងមេច ។ គណបក្សនោះ(សិទ្ធិមនុស្ស)ថាគាំទ្រសិទ្ធិសម្តែងមតិរបស់តំណាងរាស្ត្រតែដេញតំណាងរាស្ត្រ ។
លោកបានលើកឡើងថា កាលពីលោកនៅជាមួយគណបក្សប្រឆាំងត្រូវបានគេគំរាមកំហែងប៉ុន្តែនៅពេលមកនៅជាមួយគណបក្សកាន់អំណាច គ្មាននរណាគំរាមទេ ទោះលោកនៅក្នុងគណបក្សប្រឆាំងក៏គណបក្សកាន់អំណាចមិនដែលគំរាមលោកដែរ។
លោក កែវ រ៉េមី បន្តថា មានសង្គមស៊ីវិលខ្លះបានរិះគន់ជេរប្រមាថលោក នៅពេលដែលលោកមកនៅជាមួយគណបក្សប្រជាជនកម្ពុជា ។ លោកលើកឡើងថា «អស់លោកមិនស្គាល់គណបក្សទាំងនោះទេ មានតែខ្ញុំទេដែលធ្លាប់នៅជាមួយអ្នកទាំងនោះបានដឹង ។ ពេលនោះគេមិនបានគិតពីសិទ្ធិក្នុងការជ្រើសរើសគណបក្សនយោបាយនោះទេ ។
លោក កែវ រ៉េមី ថ្លែងទៀតថា ដើម្បីធានាបានសិទ្ធិជាមូលដ្ឋាន មានកត្តាសំខាន់គឺ សន្តិភាព ស្ថិរភាពនយោបាយ ។ នៅពេលណាប្រជាជនគោរពច្បាប់ ការដឹកនាំប្រទេសក៏ងាយស្រួល។ ចំពោះច្បាប់ចរាចរណ៍វិញ កាលណារាំងផ្លូវមិនឲ្យធ្វើដំណើរត្រូវជាប់គុក។ យើងត្រូវអប់រំពលរដ្ឋយើងឲ្យយល់ដឹងពីច្បាប់ គោរពច្បាប់ទាំងអស់គ្នា ។
លោក កែវ រ៉េមី បញ្ជាក់ថា «យើងត្រូវធ្វើច្បាប់មួយដែលយើងទាំងអស់គ្នាគោរព»។
លោកបានថ្លែងប្រាប់អ្នកកាសែតនៅក្រៅបន្ទប់ប្រជុំថា គ្មានមនុស្សណាល្អទាំងអស់នោះទេ អ្នកមិនទាន់កាន់អំណាចនៅពេលណាកាន់អំណាចបានបន្តិចអាចវក់នឹងអំណាច ពេលហ្នឹងមានអ្វីមកទប់បុគ្គលនេះ គឺមានតែច្បាប់ ។
នៅពេលអ្នកកាសែតសួរថា លោក គឹម សុខ ត្រូវបានចាប់ខ្លួនដោយមិនទុកពេលសូម្បីមួយថ្ងៃរកមេធាវីក៏អត់ផង ? លោកបានអះអាងថា វាប្រហែលជាទាក់ទងនឹងនីតិវិធីតុលាការរឿងបន្ទាន់តែមិនខុសច្បាប់ទេ ។
លោក កែវ រ៉េមី លើកឡើងថា បើលោកគឹម សុខ គ្មានមេធាវី គឺរូបលោកអាចរកមេធាវីជួយដល់គាត់បាន ។ ប៉ុន្តែវាជាបញ្ហាស្មុគស្មាញបន្តិច ហើយលោកធ្វើការងារនេះដោយប្រុងប្រយ័ត្នណាស់អាចថា យើងជ្រៀតជ្រែកតុលាការ។ ចំពោះប្រទេសមួយចំនួន មានស្ថានភាពសិទ្ធិមនុស្សធ្ងន់ធ្ងរជាកម្ពុជា ។ លោកបន្តថា ៖ «ស្ថានភាពសិទ្ធិមនុស្សនៅកម្ពុជា អាចល្អជាងប្រទេសមួយចំនួននាពេលបច្ចុប្បន្ន» ។ ទោះបីជាយ៉ាងណា យើងមានភាពល្អជាងគេ គ្មានទោសសម្លាប់មនុស្ស ។
ចំណែក លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត(គ.ជ.ប)បានលើកឡើងក្នុងសន្និសីទថា៖ ការិយាល័យបោះឆ្នោតក្រុមប្រឹក្សាឃុំ-សង្កាត់ ចាប់ផ្តើមពីម៉ោង៧ព្រឹកដល់ម៉ោង៣រសៀល ហើយការរាប់សន្លឹកឆ្នោតនឹងត្រូវធ្វើនៅទីនោះតែម្តង ។ ឯកសារដែលបម្រើឲ្យការងារបោះឆ្នោតបានតែ២ទេ ដែលកាលពីមុនមានចំនួន១២ ក្នុងនោះអត្តសញ្ញាណប័ណ្ណសញ្ជាតិខ្មែរ និងឯកសារសម្រាប់បញ្ជាក់អត្តសញ្ញាណសម្រាប់ការបោះឆ្នោត ។ គ.ជ.ប បានចុះកិច្ចសហការជាមួយក្រសួងមហាផ្ទៃ និងក្រសួងការពារជាតិ ដើម្បីការពារសន្តិសុខសម្រាប់ការបោះឆ្នោត ។
លោក ហង្ស ពុទ្ធា បានលើកឡើងថា គ.ជ.ប បានត្រៀមជាស្រេចរៀបចំដាក់ កៅអីតំណាងក្រុមប្រឹក្សានៅតាមឃុំ-សង្កាត់ចំនួន១១.៥៧២កៅអី នៅតាមឃុំ-សង្កាត់ទូទាំងប្រទេស ។ លោកសូមឲ្យសាធារណជនតាមដានឲ្យជាប់នូវនីតិវិធីរបស់ គ.ជ.ប និងស្វាគមន៍ចំពោះការរៀបចំការបោះឆ្នោតដោយក្តីស្រឡាញ់។
នៅពេលសួរថា រាល់លិខិតស្នាមពេលឃោសនា ឬសារទាំងឡាយ គ.ជ.ប ត្រូវពិនិត្យសារនោះ ឬស្ថានប័នណា ? លោក ហង្ស ពុទ្ធា បានលើកឡើងថា សំណួរនេះចង់សំដៅលើសាររបស់គណបក្សនយោបាយមួយនោះដែលមិនបានដាក់មក គ.ជ.ប ដើម្បីពិភាក្សាគ្នានោះទេ។ គ.ជ.ប មិនបានយកករណីនេះមកពិភាក្សាចំពោះសារដែលគណបក្សបានលើកឡើងដ៏ចម្រូងចម្រាសនាពេលថ្មីៗនេះទេ ។
លោក ហង្ស ពុទ្ធា បានលើកឡើងថា ការឃោសនា គណបក្សនយោបាយ និងសង្គមស៊ីវិលអាចប្រើប្រាស់សារបាន តែត្រូវដាក់មក គ.ជ.ប ដើម្បីឆ្លងយោបល់ សារទាំងនោះអាចប្រឈមនឹងសាធារណជន ។
លោក គល់ បញ្ញា ប្រធានអង្គការខុមហ្វ្រែល បានលើកឡើងថា គោលការណ៍បោះឆ្នោតដោយសេរីនិងយុត្តិធម៌ និងគោលការណ៍ប្រជាធិបតេយ្យសេរីពហុបក្សនៅកម្ពុជា មិនមែនជាកម្មសិទ្ធិរបស់គណបក្សណាមួយនោះទេ ។ វាមិនមែនជានិយាម សមិទ្ធផលរបស់គណបក្សដែលមានសំឡេងភាគច្រើននោះទេ ។ វាជាសមិទ្ធផលនៃការស្រុះស្រួលគ្នារវាងគណបក្សដែលមានជម្លោះក្នុងទសវត្សរ៍ឆ្នាំ៨០ និងដើមទសវត្សរ៍ឆ្នាំ៩០ យើងបានរៀបចំកិច្ចព្រមព្រៀងទីក្រុងប៉ារីស ។
លោកបានលើកឡើងថា ៖ កិច្ចព្រមព្រៀងក្រុងបា៉រីសនេះមិនមែនតែភាគីកម្ពុជានោះទេ គឺភាគីពាក់ព័ន្ធដែលមានជម្លោះ ស្រុះស្រួលគ្នាបង្កើតឲ្យមានការរៀបចំការបោះឆ្នោតមួយ ដោយសេរីនិងយុត្តិធម៌ ។
លោក គល់ បញ្ញា បានលើកឡើងទៀតថា«យើងបានខិតខំទាំងអស់គ្នា ទាំងគណបក្សនយោបាយ និងភាគីពាក់ព័ន្ធនានា» ។ ការបោះឆ្នោតខាងមុខនេះអាចមានការប្រឈម ដែលទាមទារឲ្យមានការយកចិត្តទុកដាក់ពីអាជ្ញាធរមានសមត្ថកិច្ច ។
លោកស្រីតំណាងការិយាល័យឧត្តមស្នងការ អ.ស.ប ថ្លែងថា «យើងខ្ញុំគ្រោងរៀបចំឲ្យមានកិច្ចពិភាក្សាជាហូរហែលើប្រធានបទសមស្របមួយចំនួនដូចបានបញ្ជាក់នៅក្នុងកម្មវិធីសន្និសីទនេះ ផ្អែកលើចំណេះដឹងរបស់វាគ្មិនមកពីគ្រប់ស្រទាប់ជាន់ថ្នាក់ ។ លោកស្រីបន្ថែមថា ៖ «ខ្ញុំមានសេចក្តីរីករាយ សូមអញ្ជើញលោក លោកស្រី ឬតំណាងចូលរួមក្នុងសន្និសីទនេះ ដែលសង្ឃឹមថានឹងមានការពិភាក្សាយ៉ាងផុលផុស» ។
លោកស្រីថ្លែងទៀតថា នេះជាសន្និសីទជាសាធារណៈ និងចាត់ទុកជាលំហាត់ធ្វើការបូកសរុបលទ្ធផលលើបញ្ហាសំខាន់ៗខាងសិទ្ធិមនុស្សនាពេលបច្ចុប្បន្ន ។ ដោយសារតែគោលបំណងនៃសន្និសីទនេះ មានបញ្ចូលផ្នែកអប់រំសាធារណៈកម្មវិធីនេះបើកចំហសម្រាប់សាធារណជនចូលរួមបញ្ចេញយោបល់ ដែលកន្លែងមានកំណត់និងទាមទារឲ្យមានការចុះឈ្មោះជាមុន ៕
ចែករំលែកព័តមាននេះ