រាជធានីភ្នំពេញ ៖ លោកឡេង ណាវ៉ាត់ត្រា ជាម្ចាស់ផលិតកម្មហ្គាឡាក់ស៊ីភាពយន្ត បានបោះទុនទឹកប្រាក់ជាច្រើន ដើម្បីលើកស្ទួយវិស័យភាពយន្តខ្មែរ តាមការពេញចិត្ត និងចំណូលចិត្ត រហូតជួយផ្តល់ការងារដល់តារាៗសម្តែង និងក្រុមពាក់ព័ន្ធជាមួយភាពយន្តខ្មែរ ។
យ៉ាងណាមិញ លោកមានប្រវត្តិការងារតស៊ូក្នុងជីវិតយ៉ាងលំបាក មុននឹងក្លាយជាអ្នកធូរធា ររស់នៅសមរម្យភ្នែកញាតិដល់សព្វថ្ងៃនេះ ។ ផលិតករវ័យក្មេងមិនចុះចាញ់ និងឆាកជីវិត លោកណាវ៉ាត់ត្រា បានថ្លែងថា លោកមិនមានអ្វីចែកជូនបងប្អូនមហាជននោះទេ មានតែគំនិតនិងបទពិសោធន៍ដែលធ្លាប់ឆ្លងកាត់កាលពីមុនទៅកូរ៉េ និងពេលទៅធ្វើការរោងចក្រនៅកូរ៉េ ។
លោកថា គោលបំណងរបស់លោកចង់ឱ្យបងប្អូនពលករខ្មែរធ្វើការនៅកូរ៉េចេះជំនះព្យាយាមយកឈ្នះការលំបាកឱ្យបាន កុំអស់សង្ឃឹមហើយប្រឹងរកប្រាក់សន្សំទុកអាចងាកមកទិញដីស្រែ ទុកដាក់តាមសមត្ថភាពបានខ្លះ ដើម្បីជាទ្រព្យជាប់ខ្លួនបានទុកលក់វិញចំណេញខ្លះស្របពេលដែលប្រទេសកម្ពុជាហក់លឿនក្នុងការអភិវឌ្ឍ ។
បើមិនមានការចង់ទិញដីស្តុកទុក បងប្អូនអាចរកគំនិតផ្សេង ក៏បានធ្វើបែបណាឱ្យតែជីវិតបានផ្លាស់ប្តូរខ្លះ និងហ៊ានប្រថុយចំពោះការរកស៊ី ។ លោកបានរំលឹកដល់រឿងពីមុនទៀតថាបើងាកមកគិតរឿងមុន ចំពោះក្រុមគ្រួសារលោកលំបាកណាស់នៅផ្ទះស្លឹកលោកឪពុករែកដីធ្វើការម្តាយជាស្ត្រីមេផ្ទះដែលមើលថែកូនៗ ចំណែកលោកនិងបងប្អូនរកតែបាយហូបឲទៀងសឹងថាមិនបានផង។
អ្វីទាំងអស់នេះ លោកគ្រាន់តែចង់ជួយចែករំលែកបទពិសោធន៌ខ្លះ ហើយអរគុណដល់ពលករកូរ៉េទាំងអស់ ដែលស្រឡាញ់គាំទ្រផលិតកម្មរបស់លោករហូតមក និងបងប្អូនក្នុងស្រុកតែងតែគាំទ្រខ្សែភាពយន្តរបស់ផលិតកម្មហ្គាឡាក់ស៊ីផងដែរ ។ លោកនឹងរិះរកខ្សែរឿងថ្មីៗផលិតបន្តទៀតចែកជូនអ្នកគាំទ្រ ។
ចែករំលែកព័តមាននេះ