ចាក់សោព្រះវិហារបណ្ដេញចៅអធិការរឿងប្រមូលលុយក្នុងរណ្តៅសីមា
ខេត្ដកំពត ៖ ពុទ្ទបរិស័ទនិងគណៈកម្មការអាចារ្យវត្ត បានចាក់សោព្រះវិហារមិនឱ្យព្រះសង្ឃចូលដោយចោទថា ព្រះចៅអធិការប្រមូលលុយអស់ពីរណ្ដៅសីមា
ខេត្ដកំពត ៖ ពុទ្ទបរិស័ទនិងគណៈកម្មការអាចារ្យវត្ត បានចាក់សោព្រះវិហារមិនឱ្យព្រះសង្ឃចូលដោយចោទថា ព្រះចៅអធិការប្រមូលលុយអស់ពីរណ្ដៅសីមា
ខេត្ដកំពត ៖ ពុទ្ទបរិស័ទនិងគណៈកម្មការអាចារ្យវត្ត បានចាក់សោព្រះវិហារមិនឱ្យព្រះសង្ឃចូលដោយចោទថា ព្រះចៅអធិការប្រមូលលុយអស់ពីរណ្ដៅសីមា ។ អធិករណ៍នេះបានកើតឡើងនៅវត្ដតូបដែលមានទីតាំងនៅក្នុងភូមិអូរច្រនៀង ឃុំកំពង់ត្រាចខាងលិច ស្រុកកំពង់ត្រាច ។ ទីអារាមនេះបានធ្វើពីធីបុណ្យបញ្ចុះសីមារយៈពេល៣យប់ទើបរួចរាល់ ចាប់ពីថ្ងៃទី១ដល់ថ្ងៃទី៤ មីនា ។ តែនៅយប់ថ្ងៃទី២ មីនា នោះចៅអធិការព្រះនាម ហ៊ុន ភៀន បានប្រមូលលុយនៅក្នុងរណ្ដៅសីមា និងយប់ទី៣ មីនា យកជណ្ដើចុះប្រមូលលុយក្នុងរណ្ដៅសីមាបន្តទៀត ។ ប៉ុន្ដែពេលនោះគណៈកម្មការអាចារ្យវត្ត និងពុទ្ធបរិស័ទ បានភ្ញាក់ផ្អើលទាំងយប់ ហើយរណ្ដៅសីមាដែលមានលុយនៅក្នុងនោះក៏ត្រូវបានលុបជិតឈឹងផងដែរ ។
បន្ទាប់ពីមានរឿងហេតុកើតឡើង ទើបគណៈកម្មការអាចារ្យវត្តបានសម្រេចចាក់សោព្រះវិហារអស់រយៈពេល៤ថ្ងៃមកហើយ ទើបនៅរសៀលថ្ងៃទី៨ មីនា ក៏មានការប្រជុំក្នុងនោះមានលោក ជួន សុភា អភិបាលរងស្រុកកំពង់ត្រាច លោក ឈុំ ឆាយ៉ា ប្រធានការិយាល័យធម្មការ និងសាសនាស្រុក ព្រះអនុគណស្រុក រួមទាំងពុទ្ធបរិស័ទចំណុះជើងវត្ត ។
លោក មាស សម្បតិ្ត អាចារ្យវត្តបានប្រាប់ឱ្យដឹងថា មុនពេលបុណ្យបញ្ចុះសីមាបានប្រជុំម្ដងទៅពីរដងហើយ ដោយមិនឱ្យនរណាម្នាក់ចុះក្នុងរណ្ដៅសីមាទេ គឺត្រូវតែលុបទាំងអស់ ដោយធ្វើតាមបណ្ដាំលោក គាំ សាអ៊ួង ជាអាចារ្យធំវត្តតូប ដែលទើបតែស្លាប់ទៅថ្មីៗ ប៉ុន្តែចៅអធិការមានគំនិតមិនល្អ ។
លោកតាម្នាក់ទៀតឈ្មោះ ប្រាក់ ស៊ុន អាយុ៨៨ឆ្នាំ និយាយថា រឿងរ៉ាវទាក់ទងនឹងចៅអធិការ បានកើតរឿងម្ដងហើយម្ដងទៀត ហាក់ដូចជាមិនស្ដាប់អ្នកណាម្នាក់សោះ ។ លោកតារូបនេះបានសុំឱ្យនិមន្តចាកចេញពីវត្តតែម្ដងទៅ ទុកតទៅទៀតនាំអាស្រូវ ។
ពុទ្ធបរិស័ទជាច្រើននាក់បានសំណូមពរឱ្យចៅអធិការវត្តនិមន្តចេញតែម្ដង ព្រោះចៅអធិការអង្គនេះមិនមានអ្នកគាំទ្រទេ ទើបតែមកគង់នៅវត្តមិនទាន់បានមួយឆ្នាំមានរឿងមិនចេះចប់ ។
លោក ជួន សុភា អភិបាលរងស្រុកកំពង់ត្រាច មានប្រសាសន៍ថា រឿងវត្តតូបនេះបានប្រជុំ៤ដងហើយ នៅតែដោះស្រាយមិនចេញ តែពេលនេះបើពុទ្ធបរិស័ទមិនគាំទ្រ សូមព្រះអង្គនិមន្តចេញក៏ល្អ ព្រោះនិមន្តទៅស្រុកបារាំង ទៅស្រុកថៃ ក៏ស្រេចតែលោក ។
ព្រះសង្ឃនាម ហ៊ុន ភៀន ជាចៅអធិការមិនមានសង្ឃដិកាតបតអ្វីទេ និងសង្ឃមួយអង្គទៀតក៏ត្រូវនិមន្តចេញដែរ គឺបាននិមន្ដចេញទាំង២អង្គ ក្រោយពេលបាតុភាពកើតឡើង ។ ព្រោះលោកទាំងពីរអង្គដែលបាននិមន្តយ៉ាងទាន់ហន់ចេញពីវត្តតូបនេះ មិនទាន់បានតែងតាំងជាផ្លូវការនៅឡើយទេ ៕
ចែករំលែកព័តមាននេះ