រាជធានីភ្នំពេញ ៖ ផលិតកម្មរ៉េដភីកឆើ បានសម្រាំងស្នាដៃថ្មីរបស់ខ្លួនលើទីផ្សារម្តងទៀតហើយ ។ ស្នាដៃថ្មីនេះទាក់ទាញបានការចាប់អារម្មណ៍ពីទូរទស្សនិកជន គឺភាពយន្តខ្នាតធំរឿង «ផ្ទះសសរកណ្តាល» ។
រាជធានីភ្នំពេញ ៖ ផលិតកម្មរ៉េដភីកឆើ បានសម្រាំងស្នាដៃថ្មីរបស់ខ្លួនលើទីផ្សារម្តងទៀតហើយ ។ ស្នាដៃថ្មីនេះទាក់ទាញបានការចាប់អារម្មណ៍ពីទូរទស្សនិកជន គឺភាពយន្តខ្នាតធំរឿង «ផ្ទះសសរកណ្តាល» ។
ពិធីសម្ពោធចាក់បញ្ចាំងកាលពីល្ងាចថ្ងៃទី៦ មីនា ២០១៧នៅផ្សារទំនើបស្ទឹងមានជ័យថ្មី សម្រាប់រឿង «ផ្ទះសសរកណ្តាល» ក្រោមវត្តមានមន្ត្រីក្រសួងវប្បធម៌ និងវិចិត្រសិល្បៈ និងផលិតករជាច្រើននាក់ ។ រឿងនេះគឺជារឿងបែបកំប្លែង និងភ័យរន្ធត់ ចំណាយពេលផលិតប្រមាណ៣ខែ និងទុនប្រមាណជាង៤ម៉ឺនដុល្លារអាមេរិក ។
លោកឌៀម សុវណ្ណារ៉ា ចាងហ្វាងផលិតកម្ម Red Picture ឱ្យដឹងថា ភាពយន្តនេះខុសប្លែកពីរឿង មុនៗដោយផលិតកម្មបានជ្រើសរើសតារាសម្តែងថ្មីដែលមានទេពកោសល្យខ្ពស់ចូលរួម សម្តែងជាមួយតារាជើងចាស់ ។ រឿងនេះផ្តល់ឱកាសច្រើនដល់តារាសម្តែងថ្មីដើម្បីទទួលបានការសម្តែងមួយកាន់តែល្អជាងមុន ។ រឿង «ផ្ទះសសរកណ្តាល» តម្រូវចិត្តមនុស្សគ្រប់វ័យ ពិសេសអ្នកនិយមភាពយន្តភ័យរន្ធត់ កំប្លែង និងមនោសញ្ចេតនា ។
នាយពែកមី និយាយថា រឿង«ផ្ទះសសរកណ្តាល» ពិតជាប្លែកអារម្មណ៍ដោយសារមានការផ្លាស់ប្តូរសជាតិសម្តែង ពិសេសតារាសម្តែងថ្មីដែលមានទេពកោសល្យ ។ ក្នុងរឿងនេះនាយពែក មី និងតារាសម្តែងល្បីជាច្រើននាក់មិនមានសាច់រឿងច្រើនក្នុងការសម្តែងទេ ប៉ុន្តែជាភាពយន្តដែលសម្រិតសម្រាំង និងមានឈុតឆាកគួរឲ្យចាប់អារម្មណ៍ ។
តំណាងនាយកដ្ឋានភាពយន្តបានកោតសរសើរចំពោះផលិតកម្ម Red Picture ព្យាយាមយកអ្វីដែលថ្មីសម្រាប់បម្រើអារម្មណ៍ទស្សនិកជន ។ ក្រៅពីរឿងដែលមានគុណភាព ផលិតកម្មក៏បង្កប់អត្ថន័យអប់រំ និងបញ្ជាក់ពីអត្តសញ្ញាណជាតិខ្មែរ ។ ដូច្នេះផលិតកម្មត្រូវបន្តរក្សាគោលជំហរផលិតភាពយន្តប្រកបដោយគុណភាពប្រកួតប្រជែងនេះទៀត ៕
ចែករំលែកព័តមាននេះ