ផ្ទុះបាតុភាពសាជាថ្មីទៀត កំពង់ដព្រែកលៀបកោះដាច់ ទារថ្លៃឆ្លងរថយន្តដឹកដែក150$
រាជធានីភ្នំពេញ ៖ ថៅកែកំពង់ដព្រែកលៀប-កោះដាច់ ដែលល្បីខាងកា.ប់ឆៅទាររថយន្តហួសលើសពីសៀវភៅបន្ទុក បានផ្ទុះបាតុភាពជាថ្មីកាលពីយប់ថ្ងៃទី៦ ខែមីនា
រាជធានីភ្នំពេញ ៖ ថៅកែកំពង់ដព្រែកលៀប-កោះដាច់ ដែលល្បីខាងកា.ប់ឆៅទាររថយន្តហួសលើសពីសៀវភៅបន្ទុក បានផ្ទុះបាតុភាពជាថ្មីកាលពីយប់ថ្ងៃទី៦ ខែមីនា
រាជធានីភ្នំពេញ ៖ ថៅកែកំពង់ដព្រែកលៀប-កោះដាច់ ដែលល្បីខាងកាប់ឆៅទាររថយន្តហួសលើសពីសៀវភៅបន្ទុក បានផ្ទុះបាតុភាពជាថ្មីកាលពីយប់ថ្ងៃទី៦ ខែមីនា ដោយ
ទារប្រាក់ពីរថយន្តដឹកដែកមួយគ្រឿង១៥០ដុល្លារ ព្រមទាំងមានទំនាស់ពាក្យសម្តីគ្នា ជាមួយនឹងអ្នកកាសែតដែលបានចុះទៅថត និងសួរនាំផងដែរ ។
នេះជាបាតុភាពថ្មីមួយទៀតក្នុងចំណោមបាតុភាពជាច្រើន ដែលកន្លងមកបានផ្ទុះបាតុភាពជាមួយអ្នកនាង ខាត់ សុឃីម ជាអ្នកចម្រៀង ដោយទារថ្លៃរថយន្តដឹកសម្ភារសម្អាងការក្នុង១ជើង១០០ដុល្លារ ។ បន្ទាប់ពីផ្ទុះបាតុភាព នេះ នៅព្រឹកថ្ងៃទី៧ ខែមីនា លោកឃ្លាំង ហួត អភិបាលខណ្ឌជ្រោយចង្វា បានបញ្ជាឲ្យអភិបាលរងខណ្ឌ កោះហៅម្ចាស់អាជីកម្មទូកដ មកព្រមាន និងធ្វើកិច្ចសន្យាបញ្ឈប់មិនឱ្យទារលុយពីអ្នកធ្វើដំណើរលើសពីសៀវភៅបន្ទុកឬកាប់ឆៅតាមចិត្តបែបនេះតទៀត ។
តាមព័ត៌មានឱ្យដឹងថា កាលពីវេលាព្រលប់ថ្ងៃទី៦ ខែមីនា មានរថយន្តស្ទូចដឹកដែកចំណុះ៥តោនមួយគ្រឿង មកឆ្លងទូកដព្រែកលៀបទៅចុងកោះដាច់ ដែលមានទីតាំងនៅក្បែរអតីតសណ្នាគារឆាយហុង ក្នុងភូមិកៀនឃ្លាំង សង្កាត់ព្រែកលៀប ខណ្ឌជ្រោយចង្វា ។ ពេលនោះថៅកែដបានទារថ្លៃចម្លង១៥០ដុល្លារ ដែលថ្លៃហួសហេតុ ដោយម្ចាស់ដចាត់ទុកថារថយន្តនោះមិនបានចែងនៅក្នុងសៀវភៅបន្ទុក ។ ដោយសារបែបនេះ ម្ចាស់រថយន្តក៏បានទូរស័ព្ទទៅម្ចាស់ដែកសុំជួបដើម្បីសុំចុះតម្លៃ តែម្ចាស់ដរូបនោះមិននិយាយរកដោយប្រាប់ថា ជាប់រវល់និងបានប្រើសម្តីមិនសមរម្យទៀតផង ។ តាមព័ត៌មានឱ្យដឹងទៀតថា នៅយប់នោះ អ្នកសារព័ត៌មានក៏បានទៅសួរនាំ និងថតទិដ្ឋភាពកំពងដ ព្រមទាំងស្លាកសរសេរតារាងតម្លៃ ក៏បានផ្ទុះបាតុភាព ដោយអ្នកទូកដបានហៅបងប្អូនស្ទុះមកប្រតាយចាប់យកម៉ាស៊ីនថត និងថតអ្នកយកព័ត៌មានវិញ ។
គួរបញ្ជាក់ថា កន្លងមកកំពង់ចម្លងមួយនេះ ល្បីឈ្មោះខ្លាំងណាស់ខាងកាប់ឆៅ ដោយទារតម្លៃលើសពីសៀវភៅបន្ទុក ។ ចំណែករថយន្តដែលមិនមាននៅក្នុងសៀវភៅបន្ទុក គឺទារតាមអំពើចិត្ត និងធ្វើឱ្យផ្ទុះបាតុភាពជាច្រើនលើកច្រើនសាមកហើយ ដូចជារឿងរថយន្តអ្នកចម្រៀង ខាត់ សុឃីម រឿងផ្ញើមាន់យកមាន់គេស៊ីអស់ ពេលគេសួរនាំថា ស្អុយបោះចោល និងរថយន្តដឹកសពមិនឆ្លងទេ បើត្រូវតែឆ្លងទារថ្លៃកប់ពពក ។ ក្រៅពីនេះ នៅមានរថយន្តដឹកដែក គ្រឿងសំណង់ជាច្រើនឱ្យតែមិនមានក្នុងសៀវភៅ បន្ទុក គឺយកលេសទារតាមអំពើចិត្ត ។ ទន្ទឹមនោះលោក ឃ្លាំង ហួត អភិបាលខណ្ឌ ក៏បានហៅព្រមាននិងធ្វើកិច្ចសន្យាជាច្រើនលើកមកហើយ ដែរ តែម្ចាស់ដនៅតែមិនគោរពនិងបង្កឱ្យមានការថ្មាំងថ្នាក់ជាញឹកញាប់ដដែល ។
កន្លងមកលោកអភិបាលខណ្ឌ ឃ្លាំង ហួត ធ្លាប់ណែនាំឱ្យម្ចាស់អាជីវកម្មទាំងអស់ធ្វើកិច្ចសន្យាបញ្ឈប់ការទារលុយលើសពីសៀវភៅបន្ទុកដែលមន្ទីរសេដ្ឋកិច្ចនិងហិរញ្ញវត្ថុរាជធានីភ្នំពេញបានកំណត់តម្លៃ និងតម្រូវឱ្យម្ចាស់ទូកដនីមួយៗធ្វើស្លាកប៉ាណូបិទតារាងតម្លៃនៅកំពង់ចម្លងទៀតផង ។ ការចម្លងរាល់ថ្ងៃ ត្រូវអនុវត្តទៅតាមពេលវេលាកំណត់ដោយចាប់ពីម៉ោង៤ព្រឹកដល់ម៉ោង៨និង៣០នាទីយប់ ប៉ុន្តែបើមានករណីបន្ទាន់ដូចជាស្ត្រីឈឺពោះឆ្លងទន្លេ ប្រជាពលរដ្ឋ ឈឺថ្កាត់យប់ព្រលប់ រថយន្តដឹកសពត្រូវជួយចម្លងដោយមិនឱ្យឆ្លៀតឱកាសយកលើសតម្លៃឡើយ ប៉ុន្តែនៅតែគ្មានប្រសិទ្ធភាព ។
នៅក្នុងតារាងតម្លៃរបស់មន្ទីរសេដ្ឋកិច្ចនិងហិរញ្ញវត្ថុ បានកំណត់ថា រថយន្តមធ្យមឆ្លងម្តង១ម៉ឺនរៀល រថយន្តតូច៦ពាន់រៀល រទេះសេះ២ពាន់រៀល មនុស្សម្នាក់ម៉ូតូ១គ្រឿង១.០០០រៀល កង់១មនុស្សម្នាក់៧០០រៀល គោ ក្របី សេះ ២០០០រៀល សម្ភារ១០០គីឡូក្រាម៥០០រៀល អង្ករ១បាវ៣០០រៀល ៕
ចែករំលែកព័តមាននេះ