ការដើរគឺជាការហាត់ប្រាណដ៏ងាយស្រួលបំផុត ។ អ្នកអាចដើរគ្រប់ពេល និងគ្រប់ទីកន្លែង។ ធម្មជាតិតម្រូវឲ្យយើងដើរ និងរត់ឲ្យបានច្រើនក្នុងមួយថ្ងៃ តែយើងបានចំណាយពេលភាគច្រើនអង្គុយនៅតុការងារ។ តើអ្នកធ្លាប់ឆ្ងល់ទេថា
ការដើរគឺជាការហាត់ប្រាណដ៏ងាយស្រួលបំផុត ។ អ្នកអាចដើរគ្រប់ពេល និងគ្រប់ទីកន្លែង។ ធម្មជាតិតម្រូវឲ្យយើងដើរ និងរត់ឲ្យបានច្រើនក្នុងមួយថ្ងៃ តែយើងបានចំណាយពេលភាគច្រើនអង្គុយនៅតុការងារ។ តើអ្នកធ្លាប់ឆ្ងល់ទេថា អ្វីនឹងកើតឡើងនៅពេលដែលអ្នកចាប់ផ្តើមដើរ ? បម្រែបម្រួលសារធាតុគីមីជាច្រើននឹងកើតមាននៅខាងក្នុងរាងកាយនៅពេលអ្នកដើរ ហើយវាផ្តល់នូវផលប្រយោជន៍ជាច្រើនដល់សុខភាពរបស់អ្នក ។
ការណ៍ពិតទី១ បន្ទាប់ពីការដើរចំនួន៥នាទី រាងកាយរបស់អ្នកចង់ធ្វើឱ្យអ្នកមានអារម្មណ៍ថាមានថាមពល ។ ដូច្នេះវាចាប់ផ្តើមបញ្ចេញសារធាតុគីមីមួយចំនួនចូលទៅក្នុងកោសិកា។ សារធាតុគីមីទាំងនោះផលិតថាមពលនៅពេលអ្នកដើរ ។
ការណ៍ពិតទី២ ចង្វាក់បេះដូងរបស់អ្នកនឹងកើនឡើង(ពី៧០ទៅ១០០ដងក្នុងមួយនាទី) ។ បេះដូងរបស់អ្នកនឹងបូមឈាមបន្ថែមទៀតចូលទៅក្នុងសាច់ដុំរបស់អ្នក។ នៅពេលអ្នកបង្កើនល្បឿននៃការដើរ ចង្វាក់បេះដូងរបស់អ្នកនឹងកើនឡើងដូចគ្នា ហើយការដុតកាឡូរីក្នុងរាងកាយក៏កើនឡើងផងដែរ ។
ការណ៍ពិតទី៣ សន្លាក់របស់អ្នកចាប់ផ្តើមបញ្ចេញជាតិរំអិលដើម្បីកាត់បន្ថយការឡើងរឹង និងធ្វើឱ្យការដើររបស់អ្នកមានភាពងាយស្រួល ។ សរសៃឈាមរបស់អ្នកចាប់ផ្តើមរីកបន្តិច ហើយបូមឈាមបានកាន់តែច្រើនចូលទៅក្នុងសាច់ដុំដែលធ្វើការកាន់តែខ្លាំងឡើង ។
ការណ៍ពិតទី៤ ជារៀងរាល់នាទី រាងកាយរបស់អ្នកដុតកាឡូរីប្រហែល៥ទៅ៦កាឡូរីនៅពេលដែលអ្នកដើរ ។ ជាទូទៅនៅពេលដែលអ្នកសម្រាក រាងកាយរបស់អ្នកអាចដុតកាឡូរីបានតែមួយប៉ុណ្ណោះក្នុងមួយនាទី ។ ប្រសិនបើអ្នកបន្តការដើរ រាងកាយរបស់អ្នកនឹងចាប់ផ្តើមប្រើប្រាស់កាបូអីុដ្រាត និងជាតិខ្លាញ់ជាប្រភពថាមពល ៕
ចែករំលែកព័តមាននេះ