វៀតណាម និងឡាវជំរុញចំណូលពាណិជ្ជកម្មដល់10%នៅឆ្នាំនេះ
ប្រទេសវៀតណាម ៖ កាលពីថ្ងៃចន្ទនាយករដ្ឋមន្ត្រីវៀតណាម លោក Nguyen Xuan Phuc បានជំរុញប្រទេសវៀតណាម និងឡាវឲ្យខិតខំបង្កើនប្រាក់ចំណូលពាណិជ្ជកម្មទ្វេភាគីដល់១០% នៅឆ្នាំនេះ ។
ប្រទេសវៀតណាម ៖ កាលពីថ្ងៃចន្ទនាយករដ្ឋមន្ត្រីវៀតណាម លោក Nguyen Xuan Phuc បានជំរុញប្រទេសវៀតណាម និងឡាវឲ្យខិតខំបង្កើនប្រាក់ចំណូលពាណិជ្ជកម្មទ្វេភាគីដល់១០% នៅឆ្នាំនេះ ។
លោក Phuc បានលើកពីសំណើនេះក្នុងកិច្ចប្រជុំជាមួយលោកស្រីរដ្ឋសភាឡាវ Pany Yathotu នៅក្រុងហាណូយ ។
លោក Phuc ឲ្យដឹងថា ប្រទេសទាំងពីរគួរតែបន្តពង្រីកកិច្ចសហប្រតិបត្តិការក្នុងវិស័យសន្តិសុខ ការពារជាតិ សេដ្ឋកិច្ច ពាណិជ្ជកម្ម វិនិយោគ អប់រំ និងការបណ្តុះបណ្តាល។ នេះបើតាមគេហទំព័ររដ្ឋាភិបាលវៀតណាម ។
នាយករដ្ឋមន្ត្រីវៀតណាមបានស្នើឱ្យភាគីទាំងពីរបន្តលុបបំបាត់ឧបសគ្គជើងហោះហើរហាណូយ-វៀងចន្ទន៍ ដោយធ្វើឱ្យប្រសើរឡើងនូវការតភ្ជាប់ច្រករបៀងសេដ្ឋកិច្ចពីខាងកើតទៅលិច, សហប្រតិបត្តិការអណ្តូងរ៉ែប៉ូតាស្យូមក្នុងខេត្ត Khammouane របស់ឡាវ ព្រមទាំងអនុវត្តកិច្ចព្រមព្រៀងរបស់ប្រទេសទាំងពីរ ស្តីពីការអភិវឌ្ឍគម្រោងវារីអគ្គិសនីនៅឡាវ ។
ចំណែកលោកស្រី Yathotu ឱ្យដឹងក្នុងកិច្ចប្រជុំថា ក្រុមហ៊ុនវៀតណាមកាន់តែច្រើនបានមកវិនិយោគនៅប្រទេសឡាវ ។ លោកស្រីថ្លែងថា ៖ « ប្រទេសឡាវសកម្មក្នុងការបន្ថែម និងកែប្រែច្បាប់លើកកម្ពស់ការវិនិយោគដើម្បីបង្កើតលក្ខខណ្ឌអំណោយផលថែមទៀតសម្រាប់វិនិយោគិន រួមទាំងក្រុមហ៊ុនមកពីប្រទេសវៀតណាមផងដែរ » ។
ប្រធានរដ្ឋសភាឡាវបានមកទស្សនកិច្ចនៅប្រទេសវៀតណាម កាលពីថ្ងៃអាទិត្យកន្លងមក តាមការអញ្ជើញរបស់លោកស្រីប្រធានរដ្ឋសភាវៀតណាម Nguyen Thi Kim Ngan ។
គួរបញ្ជាក់ថា ប្រទេសវៀតណាម និងឡាវបានបង្កើតចំណងការទូតតាំងពីឆ្នាំ១៩៦២ មកម្ល៉េះ ៕
ចែករំលែកព័តមាននេះ