ក្នុងពិធីតាំងពិព័រណ៍រថយន្តនៅទីក្រុងហ្សឺណែវ រថយន្តVolkswagen បានដាក់បង្ហាញម៉ូដែលរថយន្តចុងក្រោយរបស់ខ្លួនសម្រាប់ប្រើប្រាស់នាពេលអនាគត ព្រោះវាបំពាក់នូវបច្ចេកវិទ្យាបើកបរដោយខ្លួនឯង ហើយ
ក្នុងពិធីតាំងពិព័រណ៍រថយន្តនៅទីក្រុងហ្សឺណែវ រថយន្តVolkswagen បានដាក់បង្ហាញម៉ូដែលរថយន្តចុងក្រោយរបស់ខ្លួនសម្រាប់ប្រើប្រាស់នាពេលអនាគត ព្រោះវាបំពាក់នូវបច្ចេកវិទ្យាបើកបរដោយខ្លួនឯង ហើយអ្វីដែលពិសេសជាងគេបំផុតគឺ មានកន្លែងអង្គុយធំទូលាយ ។
ម៉ូដែលថ្មីរបស់Volkswagen មានឈ្មោះថា Sedric ហើយត្រូវបានក្រុមហ៊ុនពណ៌នាថាជា Comfortable Lounge on Wheels ឬ កន្លែងអង្គុយពោរពេញទៅដោយផាសុកភាព ដែលមានកង់ ។ ម្យ៉ាងទៀត អ្វីដែលអ្នកត្រូវបញ្ជា គឺជាការចុចនៅលើអេក្រង់ជាការស្រេច ។
វាត្រូវបានគេមើលឃើញថា ជារថយន្តសម្រាប់អនាគតយ៉ាងពិតប្រាកដ ។
Sedric ត្រូវបានគេច្នៃម៉ូដឡើងមានទម្រង់ធំទូលាយនៅផ្នែកខាងក្នុងរថយន្ត ដែលអាចឲ្យអ្នកជិះដាក់អីវ៉ាន់បានច្រើន ។ វាមានកៅអីអង្គុយចំនួន៤ដែលដាក់ទល់មុខគ្នានឹងបត់បាន។ រថយន្តនេះដំណើរការដោយអាគុយមានរាងសំប៉ែត ដែលត្រូវបានគេដាក់នៅក្រោមរថយន្ត ហើយវាដំណើរការដោយប្រព័ន្ធចរន្តអគ្គិសនី ។ Sensors ដែលបញ្ជាឲ្យបើកបរដោយខ្លួនឯង និងបច្ចេកវិទ្យាកុំព្យូទ័រ ត្រូវបានគេបំពាក់នៅផ្នែកខាងមុខរថយន្ត និងនៅពីក្រោយកង់ ។
ម្ចាស់រថយន្តSedricថ្មីរបស់volkswagenនឹងត្រូវចុចអ្វីដែលគេហៅថា ប៊ូតុងដែលមានតួនាទី ជាសោរថយន្តផង និងជាឧបករណ៍ជួយប្រាប់ម្ចាស់វាឲ្យដឹងថា រថយន្តSedricមកដល់ហើយ តាមរយៈរំញ័រ ឬប្តូរពណ៌របស់វា ហើយវាក៏ជាឧបករណ៍បញ្ជារថយន្តតាមរយៈកម្មវិធីApp ផងដែរ ដូចជាបង្ហាញពីពេលវេលាដែលអ្នកទៅដល់គោលដៅ ។
ប៊ូតុងត្រូវក្រុមហ៊ុននិយាយថា វាបង្កើតទំនាក់ទំនងរវាងម្ចាស់និងរថយន្ត Sedric ។
ពេលអង្គុយក្នុងរថយន្ត អ្នកដំណើរអាចប្រើសំឡេងបញ្ជារថយន្តឲ្យទៅកន្លែងដែលអ្នកត្រូវទៅ ឬ យើងចង់ធ្វើអ្វីមួយក្នុងរថយន្តក្នុងពេលធ្វើដំណើរ។ ដើម្បីការពារកម្លាំងខ្យល់ Sedric បំពាក់ដោយកញ្ចក់ OLED ដែលអាចបង្ហាញឲ្យអ្នកធ្វើដំណើរទទួលបានការកម្សាន្ត និងអាចទាក់ទងគ្នា ឬប្រែជាកញ្ចក់ថ្លាល្អសម្រាប់ឲ្យអ្នកជិះមើលទេសភាពខាងក្រៅរថយន្តបានយ៉ាងច្បាស់ ឬបង្ហាញនូវទីកន្លែងដែលមានទេសភាពស្រស់ស្អាតដែលអ្នកជិះចាប់អារម្មណ៍ ។
ក្រុមហ៊ុនVolswegen និយាយថា វាជារថយន្តដែលទំនើបទាន់សម័យបំផុត និងបាន បំពាក់នូវបច្ចេកវិទ្យាថ្មីខុសគេ និងងាយស្រួលប្រើប្រាស់ ។ សូម្បីដែលជនពិការភ្នែក ក៏អាចប្រើប្រាស់រថយន្តនេះបានយ៉ាងងាយស្រួលផងដែរ ។
រថយន្តនេះ មិនត្រូវបានក្រុមហ៊ុនបំពាក់ឡូហ្គោទេ ហើយក៏ប្រហែលជាត្រូវក្រុមហ៊ុនដាក់ឲ្យដំណើរការសេវាជារថយន្តដឹកអ្នកដំណើរនៅជាយក្រុង ៕
ចែករំលែកព័តមាននេះ