ថៅកែផ្សារបឹងកុកយកផ្លូវថ្នល់ធ្វើអាជីវកម្ម សមត្ថកិច្ចចុះទៅរៀបចំដូចវែកចក
ខេត្តកំពង់ចាម ៖ ផ្សារបឹងកុកដែលមានទីតាំងស្ថិតនៅក្នុងសង្កាត់កំពង់ចាម ក្រុងកំពង់ចាម ត្រូវបានគេមើលឃើញថា កំពុងតែយកផ្លូវថ្នល់ធ្វើអាជីវកម្ម
ខេត្តកំពង់ចាម ៖ ផ្សារបឹងកុកដែលមានទីតាំងស្ថិតនៅក្នុងសង្កាត់កំពង់ចាម ក្រុងកំពង់ចាម ត្រូវបានគេមើលឃើញថា កំពុងតែយកផ្លូវថ្នល់ធ្វើអាជីវកម្ម
ខេត្តកំពង់ចាម ៖ ផ្សារបឹងកុកដែលមានទីតាំងស្ថិតនៅក្នុងសង្កាត់កំពង់ចាម ក្រុងកំពង់ចាម ត្រូវបានគេមើលឃើញថា កំពុងតែយកផ្លូវថ្នល់ធ្វើអាជីវកម្ម ទោះបីជាកម្លាំងសមត្ថកិច្ចបានចុះទៅជួយរៀបចំសណ្តាប់
ធ្នាប់យ៉ាងណាក្តីក៏នូវតែមិនដំណើរការល្អដែរ គឺក្រោយពីសមត្ថកិច្ចបានដកមកវិញនោះ អ្នកលក់នាំគ្នាទៅលក់លើផ្លូវដដែល ប្រៀបដូចជាវែកចកយ៉ាងដូច្នោះ។ ស្ត្រីអ្នកលក់បន្លែម្នាក់ វ័យជាង៥០ឆ្នាំ ប្រាប់ឲ្យដឹងនៅព្រឹកថ្ងៃទី៧ មីនា ២០១៧នេះថា គាត់ត្រូវបាន ក្រោកពីសម្រាន្តនៅវេលាម៉ោង២ទាបភ្លឺ ដើម្បីធ្វើដំណើរមកផ្សារបឹងកុក រៀបចំលក់បន្លែ ដោយលក់នៅលើថ្នល់តែម្តង ហើយត្រូវបង់ភាស៊ីឲ្យទៅឈ្មោះ ក្លូ ចំនួន១.០០០រៀល។
ការលក់នេះអាចបានត្រឹមរហូតដល់វេលាម៉ោង៧ព្រឹក នឹងត្រូវគេដេញឲ្យទៅលក់នៅកន្លែងផ្សេងហើយ ព្រោះបើពុំនោះទេនឹងនាំឲ្យស្ទះចរាចរណ៍តាមផ្លូវ។ លោកវរសេនីយ៍ត្រី ស៊ាម យូសេង អធិការរងនគរបាលក្រុងកំពង់ចាម ទទួលផែនសណ្តាប់ធ្នាប់ប្រាប់ឲ្យដឹងថា នាពេលកន្លងមកលោកចាន់ ផល្លី អភិបាលក្រុងកំពង់ចាម នៅពេលដែលមានហេតុការណ៍ ស្ទះផ្លូវនៅមុខផ្សារបឹងកុកនោះ ក៏បានចាត់ឲ្យរូបលោកដឹកនាំកម្លាំងចុះទៅរៀបចំសណ្តាប់ធ្នាប់នៅពេលព្រឹកៗ។
នៅពេលណាដែលឃើញសមត្ថកិច្ច ទៅដល់ និងបានណែនាំប្រាប់ ក៏នាំគ្នាលើកបន្លែចេញពីលើផ្លូវថ្នល់ទៅលក់នៅបរិវេណផ្សារបឹងកុក ប្រសិនណាបើមិនឃើញនគរបាលនោះទេ មិនមានអ្នកណាម្នាក់ហ៊ានរំលោភបំពានយកផ្លូវលក់ដូរទំនិញឡើយ។ តែនៅពេលដែលនគរបាលបានដកមកកាន់អធិការដ្ឋានគរបាលក្រុងកំពង់ចាមវិញ ក្រុមអ្នកលក់ដូរបាននាំគ្នាទៅលក់លើផ្លូវដដែលហ្នឹង។ ការចុះទៅរៀបចំទីនោះគឺច្រើនលើកច្រើនសារមកហើយ មើលទៅដូចមានមិនមានប្រសិទ្ធិភាពនោះទេ ហើយរូបលោកក៏មិនចង់ប្រើតាមវិធានការច្បាប់ដែរ ហើយក៏មិនដែលចុះទៅចាប់យកបន្លែបោះលើកដាក់រថយន្តដែរ គឺដោយគ្រាន់តែប្រាប់អាជីវករលក់ដូរតែប៉ុណ្ណោះ។
លោកវរសេនីយ៍ត្រី ស៊ាម យូសេង អធិការរងនគរបាលក្រុងកំពង់ចាម បញ្ជាក់ថា ទីតាំងផ្លូវថ្នល់មុខផ្សារបឹងកុកនោះត្រូវបានគេនាំគ្នាលក់ដូរជាអចិន្ត្រៃយ៍ ដែលបានកើតជាយូរមកហើយ បន្តរហូតមកដល់សព្វថ្ងៃនេះ។ លោកថា កាលពីមុនកន្លែងផ្ញើកង់ ត្រូវបានគេរៀបចំទៅដាក់នៅកន្លែងផ្សេង និងបានឲ្យអ្នកលក់ដូរទៅលក់ទីនោះ ឃើញថាបានល្អប្រសើរតែមួយរយៈ ហើយក្រោយមកបាននាំគ្នាមកលក់ដូរលើផ្លូវថ្នល់ដដែល ។ លោកនៅតែមានផែនការចុះទៅរៀបចំសណ្តាប់ធ្នាប់ មុខផ្សារបឹងកុកនោះបន្តទៀតតាមការណែនាំរបស់លោកអភិបាលក្រុងកំពង់ចាម ធ្វើយ៉ាងណាដើម្បីកុំឲ្យកកស្ទះផ្លូវថ្នល់សម្រាប់ពលរដ្ឋធ្វើដំណើរឆ្លងកាត់ទៅវិញទៅមកនោះ៕
ចែករំលែកព័តមាននេះ