មន្ត្រីគយក្រឡាប់រថយន្តម្នាក់ឯងស្លា.ប់ក្បែរផ្លូវ
ខេត្តតាកែវ ៖ មន្ត្រីការិយាល័យគយនិងរដ្ឋាករច្រកទ្វារអន្តរជាតិភ្នំដិនម្នាក់ បានស្លា.ប់ភ្លាមៗនៅនឹងកន្លែង ដោយមិនមានអ្នកណាម្នាក់បានដឹងភ្លាមៗឡើយ
ខេត្តតាកែវ ៖ មន្ត្រីការិយាល័យគយនិងរដ្ឋាករច្រកទ្វារអន្តរជាតិភ្នំដិនម្នាក់ បានស្លា.ប់ភ្លាមៗនៅនឹងកន្លែង ដោយមិនមានអ្នកណាម្នាក់បានដឹងភ្លាមៗឡើយ
ខេត្តតាកែវ ៖ មន្ត្រីការិយាល័យគយនិងរដ្ឋាករច្រកទ្វារអន្តរជាតិភ្នំដិនម្នាក់ បានស្លាប់ភ្លាមៗនៅនឹងកន្លែង ដោយមិនមានអ្នកណាម្នាក់បានដឹងភ្លាមៗឡើយ ខណៈជនរងគ្រោះបើករថយន្តតែម្នាក់ឯង ហើយជួបគ្រោះថ្នាក់ក្រឡាប់រថយន្ត ។
ហេតុការណ៍នេះ បានកើតឡើងកាលពីវេលាម៉ោងប្រមាណជា៣និង៣០នាទីទៀបភ្លឹថ្ងៃទី៦ ខែមីនា តាមផ្លូវជាតិលេខ២ ស្ថិតក្នុងភូមិត្រើយទន្លាប់ ឃំុព្រះបាទជាន់ជំុ ស្រុកគីរីវង់។
លោកវរសេនីយ៍ទោ យ៉ុគ សារ៉ាត់ អធិការនគរបាលស្រុកគិរីវង់ បានឲ្យដឹងថា មន្ត្រីគយដែលស្លាប់នេះឈ្មោះ អ៊ីវ សុខុម ភេទប្រុសអាយុ៤៩ឆ្នាំ រស់ភូមិចំការឪឡឹក សង្កាត់កាកាប ខណ្ទពោធិ៍សែនជ័យ រាជធានីភ្នំពេញ។ ទោះជាយ៉ាងណា ករណីនេះសមត្ថកិច្ចមិនបានដឹងពីពេលវេលាគ្រោះថ្នាក់ច្បាស់លាស់ទេ គឺទាល់តែនៅវេលាម៉ោង៥និង៣០នាទីព្រឹក ទើបមានប្រជាពលរដ្ឋមករាយការណ៍ប្រាប់នគរបាល ។
លោកអធិការបន្តថា ជនរងគ្រោះជិះរថយន្តនីស្សាន់ណាវ៉ារ៉ា ពណ៌ស ពាក់ផ្លាកលេខ ភ្នំពេញ២W-៤៦៧៩ តែម្នាក់ឯងធ្វើដំណើរពីខាងត្បូងទៅជើង ។ លុះទៅដល់ចំណុចខាងលើ មិនដឹងជាមូលហេតុអ្វី ស្រាប់តែរថយន្តបានក្រឡាប់មកខាងកើតផ្លូវជាច្រើនត្រឡប់ ឯជនរងគ្រោះបានខ្ទាតចេញពីរថយន្តស្លាប់ភ្លាមនៅនឹងកន្លែង ។
ក្រោយពេលពិនិត្យរួច នគរបាលបានប្រគល់សពទៅឱ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ