បានប្រពន្ធសាច់សខ្ចី ផ្ទុះភ្លើងប្រចណ្ឌក្លាយជាឃាតករក្នុងដីថៃ
ខេត្ដបន្ទាយមានជ័យ ៖ បុរសម្នាក់ទើបរៀបការថ្មីៗ បានប្រពន្ធសាច់សខ្ចី នាំទៅធ្វើការនៅប្រទេសថៃ ក៏កើតរោគប្រចណ្ឌ ហើយក្លាយខ្លួនជាឃាតករដ៏កំណាចមួយ
ខេត្ដបន្ទាយមានជ័យ ៖ បុរសម្នាក់ទើបរៀបការថ្មីៗ បានប្រពន្ធសាច់សខ្ចី នាំទៅធ្វើការនៅប្រទេសថៃ ក៏កើតរោគប្រចណ្ឌ ហើយក្លាយខ្លួនជាឃាតករដ៏កំណាចមួយ
ខេត្ដបន្ទាយមានជ័យ ៖ បុរសម្នាក់ទើបរៀបការថ្មីៗ បានប្រពន្ធសាច់សខ្ចី នាំទៅធ្វើការនៅប្រទេសថៃ ក៏កើតរោគប្រចណ្ឌ ហើយក្លាយខ្លួនជាឃាតករដ៏កំណាចមួយ ។
ក្នុងហេតុការណ៍នេះ ស្ត្រីម្នាក់បានស្លាប់បន្ទាប់ពីបញ្ជូនទៅដល់មន្ទីរពេទ្យដោយសារមនុស្សមួយក្រុមព្រួតគ្នាកាប់ និងវាយឲ្យរងរបួសធ្ងន់លើទឹកដីថៃ ក្នុងកំហឹងភ្លើងប្រចណ្ឌ
មួយ ។ ស្ដ្រីរងគ្រោះឈ្មោះ ជុំ មឿត អាយុ៤០ឆ្នាំ ជាកម្មករសំណង់នៅប្រទេសថៃ ក្នុងខេត្តប៉ាធំថានី និងមានទីលំនៅភូមិសាមគ្គី ឃុំគោករមៀត ស្រុកថ្មពួក ជាពលករទៅធ្វើការនៅប្រទេសថៃ ។ ជនរងគ្រោះត្រូវគេកាប់របួសសៀតផ្កាខាងស្តាំ និងវាយជាច្រើនដំបង ហើយស្លាប់ពេលបញ្ជូនទៅដល់មន្ទីពេទ្យ ។
ជួបសម្ភាសដល់លំនៅឋាននារសៀលថ្ងៃទី៥ មីនា បុរសជាប្តីស្ត្រីរងគ្រោះឈ្មោះ សៃ មួត អាយុ៤០ឆ្នាំ បានអះអាងប្រាប់កោះសន្ដិភាពថា ដើមចមដែលបណ្តាលឱ្យកើតអំពើហិង្សាខាងលើ ដំបូងមកពីបុរសជនជាតិខ្មែរម្នាក់ ជាកម្មករដូចគ្នាឈ្មោះ សៀវ មិនស្គាល់ត្រកូល បានមករករឿងគាត់ដោយចោទថា បានលួចស្រឡាញ់ប្រពន្ធរបស់គេ ដែលទើបរៀបការថ្មោងថ្មី ខណៈគាត់មិនដឹងខ្លួនទាល់តែសោះ ។
បុរសខាងលើបន្តថា ក្នុងហេតុការណ៍ផ្ទុះជម្លោះនោះ កើតឡើងនៅម៉ោង៩យប់ថ្ងៃទី២ មីនា ដោយក្រុមជនដៃដល់ទំនងជាប៉ុនប៉ងសម្លាប់គាត់ ប៉ុន្ដែដោយសារមិនជួបគាត់ ទើបក្រុមកំណាចទាំងនោះក៏នាំគ្នាព្រួតវាយ និងកាប់ប្រពន្ធរបស់គាត់ឲ្យរបួសធ្ងន់តែម្តង ដើម្បីរំសាយកំហឹងហើយមើលទៅ ។ ចំណែកកូនច្បងស្ត្រីរងគ្រោះឈ្មោះ ជុំ ណាង ភេទស្រី អាយុ២៥ឆ្នាំ ដែលអះអាងថា ស្ថិតក្នុងហេតុការណ៍នៅឯប្រទេសថៃនោះដែរ និយាយថា មុនកេីតហេតុមានបុរសមួយក្រុមបានមកសួររកឪពុករបស់នាង ។ ខណៈម្តាយនាងចេញទៅជួប ដោយនិយាយថា បើមានរឿងអ្វីចាំជួបចរចាគ្នានៅពេលព្រឹកស្អែក ។ និយាយបានប៉ុណ្ណោះ ស្រាប់តែក្រុមបុរសទាំងនោះនាំគ្នាព្រួតវាយ និងកាប់ម្តាយនាងតែម្តង ។
គ្រួសាររងគ្រោះអះអាងថា បានស្គាល់អត្តសញ្ញាណឃាតករអស់ហើយ និងបានដាក់ពាក្យបណ្តឹងទាមទាររកយុត្តិធម៌ នៅព្រឹកថ្ងៃចន្ទនេះ ក្នុងនោះគ្រួសាររងគ្រោះក៏បានអំពាវនាវសុំមន្ត្រី និងសមត្ថកិច្ច ក្រសួងពាក់ព័ន្ធ មេត្តាជួយធ្វើយ៉ាងណាជួយចាប់ជនដៃដល់ និងបក្សពួកដើម្បីយកមកផ្តន្ទាទោសផង ព្រោះពេលនេះពួកគេកំពុងគេចខ្លួនមកពីដីថៃហើយ ម្នាក់នៅខេត្តកំពត និង២នាក់ជាបងប្អូនបង្កើតនៅខេត្តបន្ទាយមានជ័យ ។
ជនរងគ្រោះមិនត្រូវបានសាច់ញាតិយកសពត្រឡប់មកស្រុកទេ គឺបូជាលើទឹកដីថៃ ។ បុរសជាប្តី និងកូនៗ យកធាតុមកធ្វើបុណ្យតាមប្រពៃណីនៅឯលំនៅឋាន ៕
ចែករំលែកព័តមាននេះ