ការរត់បែបហាត់កីឡាវាធ្វើឱ្យអ្នកមានអាយុវែង កាត់បន្ថយភាពតានតឹងធ្វើឱ្យការចងចាំមានភាពប្រសើឡើង និងកាត់បន្ថយហានិភ័យ នៃជំងឺសរសៃឈាមបេះដូង ។
អត្ថប្រយោជន៍មួយទៀតក្នុងចំណោមអត្ថប្រយោជន៍ជាច្រើននៃការរត់
ការរត់បែបហាត់កីឡាវាធ្វើឱ្យអ្នកមានអាយុវែង កាត់បន្ថយភាពតានតឹងធ្វើឱ្យការចងចាំមានភាពប្រសើឡើង និងកាត់បន្ថយហានិភ័យ នៃជំងឺសរសៃឈាមបេះដូង ។
អត្ថប្រយោជន៍មួយទៀតក្នុងចំណោមអត្ថប្រយោជន៍ជាច្រើននៃការរត់ វាធ្វើឱ្យការរួមភេទរបស់អ្នកមានភាពល្អប្រសើរជាងមុន និងបានយូរជាងមុន ។
ខាងក្រោមនេះគឺជាភស្តុតាងដែលបញ្ជាក់ថា ការរត់មានអត្ថប្រយោជន៍ចំពោះជីវិតលើគ្រែរបស់អ្នក ។
១-បង្កើនចំណង់ផ្លូវភេទ
ជំហានដំបូងឆ្ពោះទៅរកការមានជីវិតសិចល្អគឺការមានចំណង់ផ្លូវភេទ ។ ការសិក្សាមួយក្នុងឆ្នាំ ២0១៣ ដែលធ្វើឡើងដោយក្រុមអ្នកស្រាវជ្រាវនៅសាកលវិទ្យាល័យTexas នៅទីក្រុងAustin បានសិក្សាពីឥទ្ធិពលនៃការធ្វើលំហាត់ប្រាណលើស្ត្រីដែលបានប្រើថ្នាំបំបាត់ទុក្ខព្រួយដែលមានផលប៉ះពាល់ដល់ចំណង់ផ្លូវភេទ។ ការសិក្សានេះបានផ្តល់នូវភស្តុតាងគ្រប់គ្រាន់ក្នុងការបង្ហាញថា ការររត់ និងសកម្មភាពហាត់ប្រាណផ្សេងទៀតអាចជួយបង្កើនចំណង់ផ្លូវភេទ ។ ការសិក្សានេះបានសន្និដ្ឋានថាការធ្វើលំហាត់ប្រាណរយៈពេល៣0នាទី មុនពេលរួមភេទកាត់បន្ថយផលប៉ះពាល់នៃថ្នាំនេះ និងបង្កើនចំណង់ផ្លូវភេទ ។
២-នាំឱ្យមានការកើនឡើងកម្រិតអ៊័រម៉ូន testosterone
កម្រិតអ៊័រម៉ូនtestosteroneដើរតួនាទីយ៉ាងសំខាន់ក្នុងការគ្រប់គ្រងចំណង់ផ្លូវភេទទាំងបុរសនិងស្ត្រី ។ វិទ្យាសាស្ត្របានបង្ហាញឱ្យដឹងថាអ្នកដែលមានកម្រិតអ៊័រម៉ូនtestosteroneខ្ពស់នឹងមានសកម្មភាពផ្លូវភេទច្រើន។ ចំពោះស្ត្រី បរិមាណtestosteroneកើនឡើងនៅពេលជិត និងក្នុងអំឡុងពេលបញ្ចេញពងអូវុល គឺជាពេលដែលពួកគេមានមានអារម្មណ៍ស្រើបស្រាលក្នុងការរួមភេទ ។ មានភស្តុតាងវិទ្យាសាស្ត្រគ្រប់គ្រាន់ជាច្រើនដែលបញ្ជាក់ថា ការរត់ជួយជំរុញអ៊័រម៉ូនtestosterone ហើយជាលទ្ធផលវានឹងជួយឱ្យអ្នករួមភេទយ៉ាងមានសេចក្តីសុខ ។
៣-ធ្វើឱ្យការឈានដល់ចំណុចកំពូលកាន់តែលឿន ការរត់អាចជួយឱ្យអ្នកឈានដល់ចំណុចកំពូលបានយ៉ាងគាប់ចិត្ដ។ នៅក្នុងការស្រាវជ្រាវនៃស្ត្រីចំនួន៥.៥00នាក់ នៅហ្វាំងឡង់អាយុចាប់ពី៤០ទៅ៥០ឆ្នាំ ក្រុមអ្នកស្រាវជ្រាវបានរកឃើញពីលទ្ធផលវិជ្ជមានទាក់ទងនឹងការធ្វើលំហាត់ប្រាណ និងការឈានដល់ចំណុចកំពូលខ្លាំង។
ការសិក្សានៅក្នុងរដ្ឋTexasបានសង្កេតឃើញថា ស្ត្រីដែលបានធ្វើលំហាត់ប្រាណមុនពេលរួមភេទអាចឈានដល់ចំណុចកំពូលបានយ៉ាងឆាប់រហ័ស និងខ្លាំងក្លា ។
៤-ជួយគ្រប់គ្រងបញ្ហាងាប់លិង្គ
បញ្ហាងាប់លិង្គគឺជាការអសមត្ថភាពក្នុងការធ្វើឱ្យលិង្គឡើងរឹងគ្រប់គ្រាន់ក្នុងពេលរួមភេទ ។
ការប៉ាន់ស្មានបានបង្ហាញថា បុរសម្នាក់ក្នុងចំណោម១0នាក់ មានបញ្ហាងាប់លិង្គនៅពេលណាមួយនៃជីវិតរបស់គាត់ ។ ប៉ុន្តែការរត់អាចធ្វើឱ្យលំហូរឈាមហូរក្នុងល្បឿនមួយដែលល្អចំពោះសុខភាព វាក៏អាចជួយកាត់បន្ថយបញ្ហាងាប់លិង្គបានផងដែរ ៕
ចែករំលែកព័តមាននេះ