ជនតិរច្ឆានចាប់រំលោ.ភក្មេងស្រីមិនបាន វាយនឹងដុំថ្មស្លា.ប់និងរបួស
ខេត្តបាត់ដំបង ៖ ជនជាឃាតករដ៏ឃោរឃៅម្នាក់បានប្រើដុំឥដ្ឋ វាយសម្លា.ប់ទារិកាអាយុជាង១ខែម្នាក់ ដែលកំពុងដេកនៅក្នុងមុង និងបងស្រីរបស់នាងអាយុ៤ឆ្នាំម្នាក់ទៀត
ខេត្តបាត់ដំបង ៖ ជនជាឃាតករដ៏ឃោរឃៅម្នាក់បានប្រើដុំឥដ្ឋ វាយសម្លា.ប់ទារិកាអាយុជាង១ខែម្នាក់ ដែលកំពុងដេកនៅក្នុងមុង និងបងស្រីរបស់នាងអាយុ៤ឆ្នាំម្នាក់ទៀត
ខេត្តបាត់ដំបង ៖ ជនជាឃាតករដ៏ឃោរឃៅម្នាក់បានប្រើដុំឥដ្ឋ វាយសម្លាប់ទារិកាអាយុជាង១ខែម្នាក់ ដែលកំពុងដេកនៅក្នុងមុង និងបងស្រីរបស់នាងអាយុ៤ឆ្នាំម្នាក់ទៀតឲ្យរបួសធ្ងន់ ខណៈបងស្រីអាយុ១១ឆ្នាំ និងម្ដាយរបស់នាង រួមទាំងអ្នកភូមិម្នាក់ទៀតរងរបួសស្រាល ដោយសារតែជនដៃដល់រូបនោះខឹងចាប់រំលោភកូនស្រីជនរងគ្រោះមិនបានសម្រេច ត្រូវម្ដាយរបស់នាងទាន់ក៏ស្រែកឆោឡោឲ្យអ្នកភូមិជួយអន្តរាគមន៍ ។
បើតាមសមត្ថកិច្ចដែលបានស្រាវជ្រាវអំពើដ៏សាហាវព្រៃផ្សៃនេះ បានឲ្យដឹងថា បានកើតឡើងនៅវេលាម៉ោង៨និង១០នាទីយប់ថ្ងៃទី២ មីនា នៅភូមិគីឡូ១៣ ឃុំសន្តិភាព ស្រុកសំពៅលូន ដែលបង្កឡើងដោយជនពាលឈ្មោះ ហុង ពិសី អាយុ៣០ឆ្នាំ រស់នៅក្នុងភូមិ ឃុំកើតហេតុខាងលើ ។
លោកឧត្តមសេនីយ៍ត្រី ជេត វណ្ណនី ស្នងការរងនគរបាលខេត្តបានមានប្រសាសន៍ថា ជនជាប់ចោទឈ្មោះ ហុង ពិសី មានមុខរបរមិនពិតប្រាកដ ។ ជននេះបានយកដុំឥដ្ឋបានវាយក្រុមគ្រួសារជនរងគ្រោះបណ្ដាលឲ្យទារិកាអាយុ១ខែម្នាក់ឈ្មោះ សួន នុត ស្លាប់ រីឯអ្នករបួស៤នាក់ ១-ឈ្មោះ ប្រាក់ ផល្លា អាយុ៣០ឆ្នាំ ជាម្ដាយរបួសស្រាល ២-ឈ្មោះ សួន ស្បៃ ភេទស្រី អាយុ១១ឆ្នាំ របួសស្រាល ៣-ឈ្មោះ សួន ធិ ភេទស្រី អាយុ៤ឆ្នាំ រងរបួសធ្ងន់ ។ រីឯបុរសម្នាក់ដែលរត់ទៅជួយមិនទាន់ស្គាល់ឈ្មោះ តែរងរបួសស្រាល ខណៈឪពុករបស់នាងរវល់ទៅស៊ីឈ្នួលលីដំឡូងឲ្យគេមិនបាននៅផ្ទះនោះទេ ។
លោក ជេត វណ្ណនី បានបញ្ជាក់ថា អំពើឃាតកម្មនេះបានកើតឡើង បន្ទាប់ពីជនដៃដល់រូបនេះ ព្យាយាមចាប់ក្មេងស្រីឈ្មោះ សូន ស្បៃ អាយុ១១ឆ្នាំ ក្នុងបំណងរំលោភសេពសន្ថវៈ តែមិនបានសម្រេចដោយសារនាងស្រែកប្រាប់ឲ្យម្ដាយជួយ និងមានការស្រែកឆោឡោ ទើបជនដៃដល់ទាញដុំឥដ្ឋវាយយ៉ាងឃោរឃៅទៅលើកូនតូចៗដែលកំពុងដេកក្នុងមុង បណ្ដាលឲ្យស្លាប់និងរបួសធ្ងន់ធ្ងរបែបនេះពេញមួយផ្ទះ ។
អ្នកភូមិដែលជួយអន្តរាគមន៍បាននិយាយថា ឈ្មោះ ហុង ពិសី លបចូលផ្ទះស្ត្រីឈ្មោះ ប្រាក់ ផល្លា ហើយចាប់ខ្ទប់មាត់កូនស្រីរបស់គាត់ឈ្មោះ សួន ស្បៃ អាយុ១១ឆ្នាំ ក្នុងបំណងចាប់រំលោភ តែនាងបានស្រែកហើយរត់ទៅប្រាប់ម្តាយ ។ អ្នកភូមិនិយាយថា គ្រានោះម្ដាយនាងក៏ស្ទុះទៅសួរនាំឈ្មោះ សី តែជននេះមិនតបទេ បែរជាស្ទុះទៅទាញដុំឥដ្ឋវ៉ៃទាំងម្តាយ ទាំងកូនបណ្តាលឱ្យរបួសបែកក្បាលទាំង២នាក់។ សាក្សីដដែលបន្តថា ភ្លាមៗនោះម្ដាយនិងកូនស្រី ក៏រត់ទៅរកអ្នកជិតខាងជួយខណៈកូនស្រីតូចៗរបស់គាត់២នាក់កំពុងដេកលក់ក្នុងមុង ។
ស្ថិតក្នុងស្ថានភាពបែបនេះ និងឃើញកូនស្រីតូចៗរបស់ស្ត្រីរងគ្រោះកំពុងដេកលក់ជនដៃដល់ស្ទុះទៅទាញដុំឥដ្ឋនៅក្បែរនោះ វាយសំពងក្បាលទារិកានិងបងប្អូនស្រីទាំង២នាក់នោះរហូតទាល់តែទារិកាអាយុជាង១ខួបស្លាប់ និងបងរបស់នាងអាយុ៤ឆ្នាំ របួសធ្ងន់ផុងលលាដ៍ក្បាល។ ពេលនោះម្ដាយរបស់នាង និងបុរសម្នាក់ទៀតក៏បានចូលទៅប្រវាយប្រតប់គ្នា រហូតធ្វើឲ្យម្ដាយនិងកូនស្រីអាយុ១១ឆ្នាំ រួមទាំងបុរសម្នាក់ដែលមកជួយផងរងរបួសបែកក្បាល ។ រីឯជនដៃដល់ក៏បានរត់គេចខ្លួនបាត់ភ្លាមៗទាំងយប់ ។
លោកឧត្តមសេនីយ៍ត្រី ជេត វណ្ណនី ស្នងការរងខេត្តបានថ្លែងថា អំពើឃាតកម្មខាងលើនេះមានចរិតឃោរឃៅបំផុតដែលមិនអាចលើកលែងបាន ។ លោកថា ជនដៃដល់ឈ្មោះ ហុង ពិសី បានប្រើដុំឥដ្ឋវាយទៅលើមនុស្ស៥នាក់ បណ្ដាលឲ្យមានស្លាប់និងរបួស រួចរត់គេចខ្លួនបាត់ទាំងយប់ តែយើងបានស្គាល់អត្តសញ្ញាណជនដៃដល់នេះហើយ ។ លោកស្នងការរងបាននិយាយថា ទារិកាដែលស្លាប់ ត្រូវជនដៃដល់វាយឲ្យរបួសធ្ងន់លើផ្ទៃមុខនិងក្បាល ។ រីឯបងស្រីនាងឈ្មោះ សួន ធិ អាយុ៤ឆ្នាំ របួសធ្ងន់ផុងលលាដ៍ក្បាលធ្ងន់ធ្ងរ ហើយត្រូវបញ្ជូនភ្លាមៗទៅកាន់មន្ទីរពេទ្យបង្អែកខេត្ត ។
ប៉ុន្តែលោកស្នងការរងបានប្រាប់ថា ដោយសារនាងរបួសធ្ងន់ពេក ទើបខាងមន្ទីរពេទ្យខេត្តបាត់ដំបង សម្រេចបញ្ជូនបន្តទៅកាន់មន្ទីរពេទ្យខេត្តសៀមរាបដើម្បីសង្ក្រោះបន្ទាន់ ។ លោកបានបញ្ជាក់បន្ថែមថា បើតាមព័ត៌មានរហូតមកដល់ពេលនេះ គឺក្មេងស្រីនោះត្រូវក្រុមគ្រូពេទ្យនៅខេត្តសៀមរាបកំពុងសង្គ្រោះបន្ទាន់។ ពេលនេះមន្ត្រីជំនាញកំពុងចុះពិនិត្យទីតាំងកើតហេតុ ដើម្បីសួរនាំ និងកំពុងស្វែងរកតាមចាប់ខ្លួនជនដៃដល់ ៕
ចែករំលែកព័តមាននេះ