ប្រទេសជប៉ុន ៖ អ្នកប្រឹក្សាម្នាក់របស់លោកនាយករដ្ឋមន្ត្រីជប៉ុន Shinzo Abe បាននិយាយកាលពីថ្ងៃពុធថា ជប៉ុននឹងប្រាប់ទៅសហរដ្ឋអាមេរិកក្នុងការចរចាសេដ្ឋកិច្ចរបស់ពួកគេថា រាល់ពន្ធគយដែលរដ្ឋាភិបាល
ប្រទេសជប៉ុន ៖ អ្នកប្រឹក្សាម្នាក់របស់លោកនាយករដ្ឋមន្ត្រីជប៉ុន Shinzo Abe បាននិយាយកាលពីថ្ងៃពុធថា ជប៉ុននឹងប្រាប់ទៅសហរដ្ឋអាមេរិកក្នុងការចរចាសេដ្ឋកិច្ចរបស់ពួកគេថា រាល់ពន្ធគយដែលរដ្ឋាភិបាលអាមេរិកចង់អនុម័តលើផលិតផលនាំចូលនោះ មិនស្របនឹងច្បាប់របស់អង្គការពាណិជ្ជកម្មពិភពលោក (WTO) ឡើយ ។
លោក Yasutoshi Nishimura និយាយទៀតថា ប្រទេសជប៉ុននឹងមិនសម្រេចកិច្ចព្រមព្រៀងពាណិជ្ជកម្មទ្វេភាគីជាមួយសហរដ្ឋអាមេរិកទេ ហើយការចរចាប្រហែលជាមិនអាចចាប់ផ្តើមក្នុងពេលឆាប់ៗនេះឡើយ ព្រោះសហរដ្ឋអាមេរិកកំពុងផ្តោតលើកិច្ចព្រមព្រៀង NAFTA ។ លោកបាននិយាយក្នុងបទសម្ភាសន៍មួយថា ៖ « ពួកយើងមិនចង់ឲ្យពន្ធគយល្មើសនឹងច្បាប់ WTO ដោយយកវាធ្វើជាប្រព័ន្ធពន្ធសម្រាប់ជំរុញការនាំចេញទេ » ។
លោក Abe និងលោក Donald Trump បានព្រមព្រៀងកាលពីខែមុនថា នឹងបង្កើតគម្រោងសម្រាប់ការសន្ទនាសេដ្ឋកិច្ច ដើម្បីពិភាក្សាពីការធ្វើពាណិជ្ជកម្ម និងការវិនិ យោគហេដ្ឋារចនាសម្ព័ន្ធ ប៉ុន្តែប្រទេសទាំងពីរមិនទាន់កំណត់កាលបរិច្ឆេទការចរចានេះឡើយ ។
សមាជិកសភាជប៉ុនមួយចំនួនព្រួយបារម្ភពីគំនិតការពារនិយមរបស់សហរដ្ឋអាមេរិក និងការត្រឡប់ទៅរកជម្លោះពាណិជ្ជកម្មនាឆ្នាំ១៩៨០ បន្ទាប់ពីលោក Trump រិះគន់ការនាំចូលយានយន្តរបស់ជប៉ុន ពេលលោកឡើងកាន់តំណែងនាខែមករា ។
ប៉ុន្តែលោក Trump បានបន្ថយការរិះគន់ប្រទេសជប៉ុន បន្ទាប់ពីមានកិច្ចប្រជុំជាមួយលោក Abe ខណៈអ្នកដឹកនាំទាំងពីររូបព្រមព្រៀងថា នឹងបើកការសន្ទនាសេដ្ឋកិច្ច ។
លោក Nishimura និយាយថា ជប៉ុនមានចំណាប់អារម្មណ៍ក្នុងការប្រើប្រាស់កិច្ចសន្ទនាថ្មីជាមួយសហរដ្ឋអាមេរិកនេះមកពិភាក្សាពីការវិនិយោគហេដ្ឋារចនាសម្ព័ន្ធ ជំរុញការវិនិយោគផ្ទាល់ដទៃ និងការនាំចូលថ្មប្រេងរបស់សហរដ្ឋអាមេរិក ប៉ុន្តែសេដ្ឋវិទូ និងសមាជិកសភាមួយចំនួនព្រួយបារម្ភថា សហរដ្ឋអាមេរិកអាចប្រើប្រាស់កិច្ចសន្ទនានេះដើម្បីរិះគន់គោលនយោបាយរូបិយវត្ថុ និងការផ្តល់ភាពងាយស្រួលផ្នែករូបិយវត្ថុរបស់ជប៉ុន ៕
ចែករំលែកព័តមាននេះ