ប្រទេសចិន ៖ ការប្រើប្រាស់ធ្យូងថ្មរបស់ចិនបានថយចុះរយៈពេល៣ឆ្នាំជាប់គ្នាក្នុងឆ្នាំ២០១៦ ។ នេះបើយោងតាមទិន្នន័យពីរដ្ឋាភិបាល ខណៈប្រទេសសេដ្ឋកិច្ចធំជាងគេទី២លើពិភពលោកមួយនេះ បានប្រើប្រាស់ប្រេងឥន្ធនៈដែលប៉ះពាល់ខ្លាំងដល់បរិស្ថាន ។
ការប្រើប្រាស់ធ្យូងថ្មបានធ្លាក់ចុះ៤,៧% ជារៀងរាល់ឆ្នាំក្នុងឆ្នាំ២០១៦ និងភាគហ៊ុនធ្យូងថ្មក្នុងប្រភពថាមពលរបស់ប្រទេសនេះធ្លាក់ចុះ៦២%។ នេះបើយោងតាមការិយាល័យស្ថិតិជាតិ ។
ចំណែកផលិតកម្មធ្យូងថ្មសរុបក៏បានធ្លាក់ចុះ៩% ឬស្មើនឹង៣,៤១ប៊ីលានតោនផងដែរនៅឆ្នាំ២០១៦ ។
« ការប្រើប្រាស់ធ្យូងថ្មប្រហែលជាឈានដល់កម្រិតខ្ពស់បំផុតនៅឆ្នាំ២០១៤ » ។ នេះបើតាមក្រុមបរិស្ថាន ។
ក្រុមខាងលើបន្ថែមថា ៖ « គេនៅតែព្រួយបារម្ភពីការស្ទុះងើបឡើងវិញចំពោះតម្រូវការធ្យូងថ្ម ប្រសិនបើចិននៅតែបន្តជំរុញសេដ្ឋកិច្ច ដោយការវិនិយោគហេដ្ឋារចនាសម្ព័ន្ធ» ។
អង្គការ Greenpeace និយាយថា ទិន្នន័យថ្មីបង្ហាញថា ការបំភាយឧស្ម័នកាបូនិករបស់ចិនអាចនឹងថយចុះ១% ក្នុងឆ្នាំ២០១៧ ។ វាអាចជាឆ្នាំទី៤ នៃការធ្លាក់ចុះការបំភាយឧស្ម័នកាបូនិក ឬស្ថិតនៅកម្រិតសូន្យ ។
ទីប្រឹក្សាគោលនយោបាយរបស់អង្គការនេះ លោក Li Shuo ថ្លែងថា ៖ « និន្នាការនេះផ្តល់ក្តីសង្ឃឹមថា ការបំភាយឧស្ម័នកំពូលជាសកលអាចនឹងស្ថិតក្នុងការគ្រប់គ្រង លុះត្រាតែប្រទេសធំៗជាអ្នកបំភាយឧស្ម័នចម្បងបញ្ឈប់ការប្រើប្រាស់ប្រេងឥន្ធនៈ និងកាត់បន្ថយការបំភាយឧស្ម័នកាបូនិក » ។
លោកព្រមានថា លទ្ធផលនេះនឹងពឹងផ្អែកលើកិច្ចសហប្រតិបត្តិការពីសហរដ្ឋអាមេរិក ក្រោមការដឹកនាំរបស់ប្រធានាធិបតី Donald Trump ។
កាលពីខែធ្នូ រដ្ឋាភិបាលក្រុងប៉េកាំងនិយាយថា នឹងកាត់បន្ថយសមត្ថភាពផលិតធ្យូងថ្មប្រចាំឆ្នាំចំនួន៨០០លានតោន ខណៈព្យាយាមដោះស្រាយបញ្ហាគ្រាប់មីនគ្មានសុវត្ថិភាព និងកាត់បន្ថយការបំពុលបរិយាកាស ។
រដ្ឋាភិបាលប្តេជ្ញាថា នឹងកាត់បន្ថយការប្រើប្រាស់ថាមពលដែលបំពុលដល់បរិស្ថាន ហើយការផ្លាស់ប្តូរនេះក៏ដោយសារតែបញ្ហាសេដ្ឋកិច្ចផងដែរ ៕
ចែករំលែកព័តមាននេះ