ស្ករកៅស៊ូ និងនំបុ័ង អាចមិនល្អសម្រាប់សុខភាពរបស់អ្នក ។ នេះបើយោងតាមការសិក្សាថ្មីមួយបានបង្ហាញ ។ ការទទួលទានអាហារមានសារធាតុញៀនរយៈពេលវែង អាចធ្វើឲ្យរាងកាយងាយនឹងឆ្លងមេរោគ នេះបើ
ស្ករកៅស៊ូ និងនំបុ័ង អាចមិនល្អសម្រាប់សុខភាពរបស់អ្នក ។ នេះបើយោងតាមការសិក្សាថ្មីមួយបានបង្ហាញ ។ ការទទួលទានអាហារមានសារធាតុញៀនរយៈពេលវែង អាចធ្វើឲ្យរាងកាយងាយនឹងឆ្លងមេរោគ នេះបើយោងតាមអ្នកវិទ្យាសាស្ដ្របានអះអាង ។
ក្រុមអ្នកស្រាវជ្រាវបានបញ្ជាក់ថា ឌីអុកស៊ីតទីតាន ត្រូវបានគេរកឃើញនៅក្នុងអាហារនៅក្រោមរូបភាពជា E១៧១ ។ វាអាចបំផ្លាញរចនាសម្ព័ន្ធកោសិកាក្នុងពោះវៀន ហើយវាមិនត្រឹមតែអនុញ្ញាតឱ្យបាក់តេរីដែលបង្កគ្រោះថ្នាក់ចូលទៅក្នុងប្រព័ន្ធរំលាយអាហារបន្ថែមទៀតនោះទេ ប៉ុន្តែវាថែមទាំងទប់ស្កាត់មិនឲ្យមានការស្រូបយកសារធាតុចិញ្ចឹមមួយចំនួនទៀតផង ។
ក្រុមអ្នកស្រាវជ្រាវបានធ្វើតេស្តដោយបន្ថែមអាហារមួយពេល ដែលមានសារធាតុតូចៗនៃអុកស៊ីតទីតានីញ៉ូមទៅលើគំរូតូចមួយនៃកោសិកាពោះវៀនអស់រយៈពេលជាង៤ម៉ោង ។ ពួកគេក៏បានធ្វើតេស្តគំរូដូចគ្នានេះ ជាមួយអាហារ៣ពេល ដែលគេបានចាត់ទុកថា ជាការប៉ះពាល់រ៉ាំរ៉ៃ ។ ប៉ុន្តែមានតែការប៉ះពាល់ទៅនឹងសារធាតុញៀននេះ ម្តងហើយម្តងទៀតប៉ុណ្ណោះដែលអាចផ្តល់លទ្ធផលអវិជ្ជមាន ។ នេះបើយោងតាមការសិក្សាដោយសាកលវិទ្យាល័យ Binghamton ។
ការប៉ះពាល់រ៉ាំរ៉ៃ អាចមានឥទ្ធិពលទៅលើសមត្ថភាពនៃកោសិកាពោះវៀន មានឈ្មោះថា microvilli ដែលវាត្រូវបានបង្កើតឡើងដើម្បីជួយស្រូបយកសារធាតុចិញ្ចឹម ។ មិនត្រឹមតែប៉ុណ្ណោះ វាថែមទាំងធ្វើឲ្យចុះខ្សោយពោះវៀន និងធ្វើឲ្យពិបាកស្រូបយកស័ង្កសី ជាតិដែក និងអាស៊ីតខ្លាញ់ ។ លើសពីនេះទៅទៀត សមត្ថភាពក្នុងការបំបែកអាហារត្រូវ ក៏អាចមានលទ្ធផលអវិជ្ជមានផងដែរ ។ នេះបើយោងតាមការសិក្សាដែលចុះផ្សាយក្នុងព្រឹត្តិបត្រ NanoImpact បានរកឃើញ ៕
ចែករំលែកព័តមាននេះ