រាជធានីភ្នំពេញ ៖ បុរសម្នាក់បើកបររ៉ឺម៉ក់កង់បីប្រញាប់ទៅយកក្មួយទៅមន្ទីរពេទ្យគន្ធបុប្ផា ដោយបើកបរមិនមានការប្រុងប្រយ័ត្នបានទៅបុករថយន្តកុងតឺន័រកំពង់ចតចោល…
រាជធានីភ្នំពេញ ៖ បុរសម្នាក់បើកបររ៉ឺម៉ក់កង់បីប្រញាប់ទៅយកក្មួយទៅមន្ទីរពេទ្យគន្ធបុប្ផា ដោយបើកបរមិនមានការប្រុងប្រយ័ត្នបានទៅបុករថយន្តកុងតឺន័រកំពង់ចតចោល បណ្តាលឱ្យរងរបួសបាក់ភ្លៅម្ខាង ។ ហេតុការណ៍នេះបានបង្កឱ្យមានការភ្ញាក់ផ្អើលកាលពីវេលាម៉ោង១០នឹង២០នាទីថ្ងៃទី២៨ កុម្ភៈ ឆ្នាំ២០១៧ នៅតាមបណ្តោយផ្លូវជាតិលេខ៣ ស្ថិតក្នុងភូមិព្រៃព្រីងខាងត្បូង សង្កាតលចោមចៅ ខណ្ឌពោធិ៍សែនជ័យ ។
ចំពោះជនរងគ្រោះដោយមិនបានស្គាល់ឈ្មោះបើកបររ៉ឺម៉ក់កងបីក្នុងទិដៅពីត្បូងទៅជើងរងរបួសធ្ងន់បាក់ភ្លៅខាងស្តាំ ។ ចំណែករថយន្តកុងតឺន័រដែលចតចោល ពាក់ស្លាកលេខ ភ្នំពេញ 3D-4344 ពណ៌លឿង ។
តាមប្រភពព័ត៌មានពីកន្លែងកើតហេតុបាននិយាយថា មុនពេលកើតហេតុរថយនបង្កខាងលើដោយចតចោលនៅលើផ្លូវ ហើយអ្នកបើកបររថយន្តបានចូលទៅញាំអីនៅកន្លែងកើតហេតុ បន្ទាប់មកស្រាប់តែមានរ៉ឺម៉ក់កង់បីបានបើកបុករថយន្តកុងតឺន័រពីក្រោយបណ្តាលឱ្យរងរបួសធ្ងន់បែបនេះ ។
ប្រភពពីជនរងគ្រោះបាននិយាយទៀតថា រូបគាត់បើកកង់រ៉ឺម៉ក់កង់បីប្រញាប់ទៅយកម៉ូយរបស់គាត់ដែលបានខលហៅឱ្យដឹកក្មេងទៅមន្ទីរពេទ្យគន្ធបុប្ផា ហើយដោយមិនមានការប្រុងប្រយ័ត្នគួបផ្សំនឹងផ្លូវងងឹតផង ។ ប៉ុន្តែភាគីខាងរថយន្តបាននិយាយថា រថយន្តរបស់គាត់បានបើកភ្លើងសេញ៉ូបំភ្លឺផ្លូវដែរតែជនរងគ្រោះមិនបានមើលមុខបានជាបុកបែបនេះ ។
ពេលភ្លាមៗនោះជនរងគ្រោះត្រូវបានរថយន្តសង្គ្រោះបន្ទាន់ឯកជនបានដឹកយកទៅសង្គ្រោះភ្លាមៗផងដែរ តែដោយអាការៈធ្ងន់ធ្ងរពេកមន្ទីរពេទ្យឯកជននោះក៏បានបញ្ជូនបន្តទៅកាន់មន្ទីរពេទ្យកេតុមាលាតែម្តង ៕
ចែករំលែកព័តមាននេះ