ខ្លាំងបាត់ ! ឆក់កាបូបស្ពាយស្ត្រីជនជាតិបរទេស ត្រូវសមត្ថកិច្ច…
រាជធានីភ្នំពេញ ៖ ស្ដ្រីជនជាតិហូរឡង់ម្នាក់ខណៈកំពុងតែដើរតាមផ្លូវចេញពីហូបអាហារត្រលប់ទៅសណ្ឋាគារវិញត្រូវបានជនសង្ស័យដែលមានគ្នា២នាក់បានធ្វើសកម្មភាពឆក់
រាជធានីភ្នំពេញ ៖ ស្ដ្រីជនជាតិហូរឡង់ម្នាក់ខណៈកំពុងតែដើរតាមផ្លូវចេញពីហូបអាហារត្រលប់ទៅសណ្ឋាគារវិញត្រូវបានជនសង្ស័យដែលមានគ្នា២នាក់បានធ្វើសកម្មភាពឆក់
រាជធានីភ្នំពេញ ៖ ស្ដ្រីជនជាតិហូរឡង់ម្នាក់ខណៈកំពុងតែដើរតាមផ្លូវចេញពីហូបអាហារត្រលប់ទៅសណ្ឋាគារវិញត្រូវបានជនសង្ស័យដែលមានគ្នា២នាក់បានធ្វើសកម្មភាពឆក់យកកាបូបស្ពាយ តែមិនបានសំរេចហើយជនសង្ស័យទាំងពីរនាក់នោះក៏ត្រូវសមត្ថកិច្ចដេញឃាត់ខ្លួនបានភ្លាមៗផងដែរ ។
ហេតុការណ៍នេះបង្កឱ្យមានការភ្ញាក់ផ្អើលនៅវេលាម៉ោង២០និង១៥នាទីយប់ថ្ងៃទី២៧ កុម្ភៈ ឆ្នាំ២០១៧ នៅចំណុចផ្លូវ៣១០កែងនឹងផ្លូវ៦៣ សង្កាត់បឹងកេងកង១ ខណ្ឌចំការមន ជនរងគ្រោះមានឈ្មោះ Talma verschuur Anglai ភេទស្រី ជនជាតិហូឡង់ អាយុ២២ឆ្នាំ ចូលមកធ្វើការទេសចរណ៍កម្សាន្តនៅកម្ពុជា ស្នាក់នៅសណ្ឋាគារ ក្នុងសង្កាត់បឹងកេងកង១ ខណ្ឌចំការមន ។
ជនសង្ស័យមានឈ្មោះ ឈុន ជានាត ភេទប្រុស អាយុ១៩ឆ្នាំ មុខរបរជាងតុទូ ស្នាក់នៅភូមិកោះនរា សង្កាត់និរោធ ខណ្ឌច្បារអំពៅ (ជាអ្នកបើកម៉ូតូ) ចំណែកម្នាក់ទៀតមានឈ្មោះ ជា រ៉ា ភេទប្រុស អាយុ១៧ឆ្នាំ មុខរបរជាងតុទូ ស្នាក់នៅសង្កាត់ផ្សារកណ្តាល១ ខណ្ឌដូនពេញ (ជាអ្នកឆក់) សមត្ថកិច្ចក៏បានដកហូតម៉ូតូម៉ាកហ្ស៊ុយសុគីនិកពណ៌ខ្មៅលាយក្រហម ពាក់ស្លាកលេខ ភ្នំពេញ 1CG-0574 ដែលជនសង្ស័យជិះធ្វើសកម្មភាពចំនួនមួយគ្រឿង ។
តាមសម្ដីអ្នកបកប្រែឱ្យស្ត្រីជនជាតិហូឡង់បានឱ្យដឹកថា ជនរងគ្រោះគាត់បានចេញពីហូបអាហារនៅម្តុំហាងមួយនៅផ្លូវ៦៣ គោលបំណងត្រលប់ទៅសណ្ឋាគាររបស់ខ្លួនដែលនៅក្បែរនោះ ដោយបានធ្វើដំណើរដោយថ្មើរជើង តាមផ្លូវ៦៣ក្នុងទិសដៅពីជើងទៅត្បូង ខណៈមកដល់ចំនុចកើតហេតុខាងលើក៏តែមានជនសង្ស័យ២នាក់ជិះម៉ូតូមួយគ្រឿងម៉ាកហ្ស៊ុយសុគីនិកពណ៌ខ្មៅលាយក្រហមបានជិះមកជិតរួចអ្នកអង្គុយខាងក្រោយបានធ្វើសកម្មភាពឆក់យកកាបូបស្ពាយពីរូបនាង តែមិនបានសំរេចបណ្តាលឱ្យរូបនាងដួលរងរបួសរលាត់ដៃជើង ហើយភ្លាមៗនោះជនសង្ស័យបានបន្ថែមល្បឿនម៉ូតូបើករត់តែស្របពេលនោះកម្លាំងសមត្ថកិច្ចដែលកំពុងតែល្បាតក្នុងមូលដ្ឋានឃើញហេតុការណ៍ជាក់ស្តែងបានបើកដេញតាមពីក្រោយ រួចហើយបានបោះដៃតាមវិទ្យុទាក់ទងឱ្យកម្លាំងគ្រប់បណ្ដាប៉ុស្តិ៍តាមជួយស្ទាក់ចាប់រហូតមកដល់ក្រោយក្រសួងធនធានទឹកផ្លូវ៥០៨ សង្កាត់ផ្សារដើមថ្កូវ ខណ្ឌចំការមន ទើបកម្លាំងសមត្ថកិច្ចប៉ុស្តិ៍ផ្សារដើមថ្កូវដេញឃាត់ខ្លួនជនសង្ស័យទាំង២នាក់រួចហើយបាននាំខ្លួនទៅសាកសួរនៅអធិការដ្ឋានខណ្ឌចំការមន ។
ក្រោយពេលកើតហេតុជនរងគ្រោះបានមកដាក់ពាក្យបណ្ដឹងនៅអធិការដ្ឋានខណ្ឌចំការមនហើយរបស់របរដែលនៅក្នុងកាបូបស្ពាយ គឺមានទូរស័ព្ទម៉ាកអាយហ្វូន៥មួយគ្រឿង ក្រម៉ាមួយ លិខិតឆ្លងដែន(Passport)មួយសន្លឹក ម៉ាស៊ីនគិតលេខមួយ ព្រមទាំងសោរបន្ទប់មួយ ។ ចំពោះជនបង្កវិញត្រូវបានសមត្ថកិច្ចកសាងសំណុំរឿង និងឃុំខ្លួនបណ្ដោះអាសន្ននៅអធិការដ្ឋានខណ្ឌចំការមនដើម្បីបញ្ជូនខ្លួនទៅតុលាការ ៕
ចែករំលែកព័តមាននេះ