វាសនាត្រពាំងឈូក យុទ្ធនាការបង្ក្រាបគ្រឿងញៀ.នឃាត់ខ្លួន231នាក់ រុះរើបន្ទប់អស់98
រាជធានីភ្នំពេញ ៖ មនុស្សចំនួន២៣១នាក់ត្រូវបានឃាត់ខ្លួន បន្ទប់ជួលចំនួន៩៨បន្ទប់ ត្រូវបានអាជ្ញាធរខណ្ឌសែនសុខរុះរើក្នុងយុទ្ធនាការបង្ក្រាបគ្រឿងញៀ.ន
រាជធានីភ្នំពេញ ៖ មនុស្សចំនួន២៣១នាក់ត្រូវបានឃាត់ខ្លួន បន្ទប់ជួលចំនួន៩៨បន្ទប់ ត្រូវបានអាជ្ញាធរខណ្ឌសែនសុខរុះរើក្នុងយុទ្ធនាការបង្ក្រាបគ្រឿងញៀ.ន
រាជធានីភ្នំពេញ ៖ មនុស្សចំនួន២៣១នាក់ត្រូវបានឃាត់ខ្លួន បន្ទប់ជួលចំនួន៩៨បន្ទប់ ត្រូវបានអាជ្ញាធរខណ្ឌសែនសុខរុះរើក្នុងយុទ្ធនាការបង្ក្រាបគ្រឿងញៀន នៅក្នុងតំបន់ត្រពាំងឈូកដ៏ល្បីល្បាញ ស្ថិតក្នុងភូមិបុរីកម្មករ សង្កាត់ទឹកថ្លារយៈពេលប្រមាណ១ខែកន្លងមកនេះ ។
នេះបើតាមរបាយការណ៍បូកសរុបលទ្ធផលការងាររបស់គណបញ្ជាការឯកភាពសែនសុខ នៅក្នុងកិច្ចប្រជុំបូកសរុបលទ្ធផល និងដាក់ទិសដៅជាយុទ្ធសាស្ត្រ ដើម្បីលុបបំបាត់គ្រឿងញៀននៅ តំបន់ត្រពាំងឈូក កាលពីរសៀលថ្ងៃទី២៧ ខែកុម្ភៈ ឆ្នាំ២០១៧ ។
តាមរបាយការណ៍របស់រដ្ឋបាលខណ្ឌសែនសុខបានឱ្យដឹងថា លទ្ធផលការងារនៃយុទ្ធនាការបង្ក្រាបគ្រឿងញៀននេះ គណៈកម្មការត្រួតពិនិត្យគ្រឿងញៀនរបស់ខណ្ឌសែនសុខ បានចុះស្រង់ស្ថិតិចំនួនក្បាលដី ចំនួនគ្រួសារនិងបានរុះរើបន្ទប់ជួលដែលជាទីតាំងជួញដូរ និងប្រើប្រាស់គ្រឿងញៀន ប្រព្រឹត្តិល្បែងស៊ីសងគ្រប់ប្រភេទនៅភូមិបុរីកម្មករ (តំបន់ត្រពាំងឈូក) សង្កាត់ទឹកថ្លាទទួលបានជាលទ្ធផលដូចខាងក្រោម ៖
-បង្ក្រាបគ្រឿងញៀនបានចំនួន៤៤ករណី ឃាត់មនុស្សចំនួនន២៣១នាក់ក្នុងនោះមានស្រី១៨នាក់ ដកហូតបានគ្រឿងញៀន និងឧបករណ៍ច្រើនសន្ធឹកសន្ធាប់និងបានរុះរើបន្ទប់ជួលបានចំនួន៩៨ បន្ទប់ ។
-តាមរបាយការណ៍បានឱ្យដឹងទៀតថា នៅក្នុងយុទ្ធនាការនោះគណៈកម្មការបានចុះស្រង់ក្បាលដីបានចំនួន៣៩៨ក្បាលដី សរុបជាគ្រួសារចំនួន៦៦៣គ្រួសារ និងមានប្រជាពលរដ្ឋចំនួន២៩៨៤នាក់ស្នាក់នៅ ។
នៅក្នុងរបាយការណ៍ក៏បានបញ្ជាក់ថា ស្ថានភាពទូទៅនៅតំបន់ត្រពាំងឈូកមានការថយចុះបទល្មើសស្ទើរតែទាំងស្រុង ប្រៀបធៀបមុនពេលយុទ្ធនាការ ។ ទោះបីជាយ៉ាងណា គណៈកម្មការ នឹងបន្តជំរុញកងកម្លាំងប្រចាំការ២៤ម៉ោងលើ២៤ម៉ោងបម្រើសេវាកម្ម សន្តិសុខ សាធារណៈ និងបង្កើតការអនុវត្តវិធានការល្បាតការពារសន្តិសុខ សុវត្តិភាព សណ្តាប់ធ្នាប់នៅគោលដៅឧស្សាហ៍កើតមានបទល្មើសនានានិងចុះអន្តរាគមន៍បានឆាប់រហ័ស ៕
ចែករំលែកព័តមាននេះ