មជ្ឈមណ្ឌលកណ្តាលថ្មីរបស់ Apple គ្រោងសម្ពោធ
Apple មានកេរ្តិ៍ឈ្មោះល្បីល្បាញយូរណាស់មកហើយលើគំរូនៃការច្នៃម៉ូដ ហើយពេលនេះទីស្នាក់ការថ្មីរបស់ខ្លួនក៏ជិតនឹងបើកសម្ពោធជាផ្លូវការផងដែរ ។
Apple មានកេរ្តិ៍ឈ្មោះល្បីល្បាញយូរណាស់មកហើយលើគំរូនៃការច្នៃម៉ូដ ហើយពេលនេះទីស្នាក់ការថ្មីរបស់ខ្លួនក៏ជិតនឹងបើកសម្ពោធជាផ្លូវការផងដែរ ។
Apple មានកេរ្តិ៍ឈ្មោះល្បីល្បាញយូរណាស់មកហើយលើគំរូនៃការច្នៃម៉ូដ ហើយពេលនេះទីស្នាក់ការថ្មីរបស់ខ្លួនក៏ជិតនឹងបើកសម្ពោធជាផ្លូវការផងដែរ ។ ក្រុមហ៊ុនCupertino ដែលជាក្រុមហ៊ុនទទួលសាងសង់ឲ្យAppleបានប្រកាសថា ខ្លួនត្រូវការរយៈពេលកន្លះឆ្នាំទៀត ដើម្បីបញ្ចប់គម្រោងសាងសង់សម្រាប់មនុស្ស១.២០០នាក់ធ្វើការ។ ទីតាំងក្រុមហ៊ុនថ្មីនេះមានឈ្មោះថា Apple Park នឹងចំណាយប្រាក់ប្រមាណ៥ពាន់លានដុល្លារអាមេរិក ។
មជ្ឈមណ្ឌលកណ្តាលថ្មី ដែលគេគ្រប់គ្នាប្រដូចទៅនឹងយានអវកាសនោះ មានរាងស្តើងដូចជាចិញ្ចៀនយក្ស និងលាតសន្ធឹងលើផ្ទៃដីប្រមាណ២,៨លានហ្វ៊ីតការ៉េឬ៨៥មុឺនម៉ែត្រការ៉េ ។ ផ្នែកខាងក្រៅរបស់ក្រុមហ៊ុនស្រោបដោយបន្ទះកញ្ចក់ ហើយក៏ជាបន្ទះដែលធំជាងគេដែរនៅក្នុងពិភពលោក ។
គម្រោងសម្រាប់អគារថ្មីនេះ គឺឈរលើគោលការណ៍បៃតង ហេតុនេះផ្ទៃដីប្រមាណ១៧៥ហិកតានៅក្នុងទីតាំងក្រុមហ៊ុនថ្មី គ្របដណ្តប់ដោយរុក្ខជាតិបៃតង ។ ជាងនេះទៀតដំបូងអគារត្រូវបានបំពាក់ផ្ទាំងសូឡា ដែលអាចបង្កើតថាមពលបានដល់ទៅ១៧មេហ្កាវ៉ាត់ហើយអគារថ្មីនេះក៏មានខ្យល់ចេញចូលគ្រប់គ្រាន់ ហេតុនេះក្រុមហ៊ុន មិនត្រូវការម៉ាស៊ីនកម្តៅឬ ម៉ាស៊ីនត្រជាក់ ក្នុងរយៈពេល៩ខែក្នុងមួយឆ្នាំ ។
កន្លែងថ្មីដែលគេឲ្យឈ្មោះថា Apple Parkក៏មានបំពាក់នូវមហោស្រពភាពយន្តដែលមាន កៅអីទាំងអស់ចំនួន១.០០០ ហើយវាក៏នឹងក្លាយជាទីកន្លែងនៃការបង្ហាញផលិតផលថ្មីរបស់ក្រុមហ៊ុនApple ផងដែរ ។ ដើម្បីជាការគោរពដល់លោកSteve Jobs ដែលជានាយកប្រតិបត្តិ(CEO)របស់ក្រុមហ៊ុន អគារថ្មីក៏មានរោង Steve Jobsដែរ។ ជាងនេះទៀត បុគ្គលិកApple អាចទទួលបានភាពរីករាយនៅមជ្ឈមណ្ឌលហាត់ប្រាណដ៏ធំ ហើយសម្រាប់មនុស្សទូទៅដែលចង់ទិញផលិតផលApple ផ្សេងៗអាចចូលទៅកាន់ហាង Apple Store ។
លោក Tim Cook ដែលជានាយកប្រតិបត្តិថ្មីរបស់ក្រុមហ៊ុនApple បានថ្លែងក្នុងសេចក្តីប្រកាសព័ត៌មានថា ចក្ខុវិស័យរបស់Steveសម្រាប់ក្រុមហ៊ុនApple សម្លឹងវែងឆ្ងាយជាងពេលវេលាដែលគាត់បាននៅជាមួយយើងទៅទៀត ។ គាត់មានបំណងថា Apple Park នឹងក្លាយជាផ្ទះនៃការបង្កើតថ្មីសម្រាប់មនុស្សជំនាន់ក្រោយ ៕
ចែករំលែកព័តមាននេះ