តារាសម្តែងឥណ្ឌាត្រូវគេចាប់យកទៅរំលោ.ភ
«Reuter» កាលពីពេលថ្មីៗកន្លងមកផ្សាយថា តារាសម្តែងឥណ្ឌាដ៏ស្រស់ស្អាតម្នាក់ត្រូវជនល្មើសចាប់យកទៅរំលោ.ភនៅរដ្ឋគេរ៉ាឡា ភាគខាងត្បូងប្រទេស …
«Reuter» កាលពីពេលថ្មីៗកន្លងមកផ្សាយថា តារាសម្តែងឥណ្ឌាដ៏ស្រស់ស្អាតម្នាក់ត្រូវជនល្មើសចាប់យកទៅរំលោភនៅរដ្ឋគេរ៉ាឡា ភាគខាងត្បូងប្រទេស ។ ហេតុការណ៍នោះបង្កឱ្យមានការរិះគន់ពីក្រុមសកម្មជនសិទ្ធិមនុស្សថា វាឆ្លុះបញ្ចាំងពីស្ត្រីគ្រប់រូបនៅឥណ្ឌារស់នៅប្រឈមនឹងគ្រោះថ្នាក់ ។
នៅក្នុងសេចក្តីថ្លែងការណ៍របស់ប៉ូលិសបញ្ជាក់ថា នារីតារាសម្តែងសុំមិនបង្ហាញឈ្មោះរូបនោះបានឱ្យដឹងថា នាងត្រូវជនលើ្មសបើករថយន្តនាំទៅកន្លែងជាច្រើនអស់រយៈពេល២ម៉ោង កាលពីថ្ងៃទី១៧ កុម្ភៈ ២០១៧ ហើយទីបំផុតក៏ចាប់នាងរំលោភ ។
ប៉ូលិសឱ្យដឹងថា ក្រុមហ៊ុនផលិតកម្មភាពយន្តមួយបានយករថយន្តទៅទទួលតារាសម្តែងស្រីរូបនោះពីផ្ទះរបស់នាងនាំទៅស្ទូឌីយោ ប៉ុន្តែរថយន្តត្រូវជនលើ្មសចាត់ការនៅតាមផ្លូវ ។ អ្នកនាំពាក្យរបស់ប៉ូលិសនិយាយថា «រថយន្តដែលនាងជិះត្រូវរថយន្តទួរីសមួយគ្រឿង បុកពីក្រោយ គឺជាឧប្បត្តិហេតុដែលគេគ្រោងទុកជាមុន ។ ស្របពេលនោះបុរសល្មើសចូលទៅក្នុងរថយន្ត រួចបើកចេញទៅ ។ រយៈពេលប្រហែល២ម៉ោងបន្ទាប់មកនាងត្រូវគេច្រានចេញពីរថយន្តនៅក្រុងកូឈី(Kochi)» ។
នារីរងគ្រោះបញ្ជាក់ថា ខណៈពេលកំពុងចាប់រំលោភនាងនោះ ជនល្មើសបានថតរូប និងគំរាមថានឹងបង្ហាញតាមអ៊ីនធើណេត ។
កាលពីថ្ងៃទី២០ កុម្ភៈ ប៉ូលិសនៅរដ្ឋកេរ៉ាឡាបានចាប់ខ្លួនជនសង្ស័យ២នាក់ ក្នុងនោះម្នាក់ជាអ្នកបើកបររថយន្តរបស់នារីរងគ្រោះ ។ ចំណែកជនសង្ស័យផ្សេងទៀត គឺជាអតីតអ្នកបើកបររថយន្តរបស់នាងកំពុងគេចខ្លួន ។សមត្ថកិច្ចសន្និដ្ឋានថា អាចនៅមានអ្នកពាក់ព័ន្ធយ៉ាងតិច៧នាក់ទៀត ។
ប្រធានសមាគមភាពយន្ត«Malayalam» និងក្រុមតំណាងរាស្ត្របានព្រមានថា ហេតុការណ៍ដែលកើតឡើងជាឧក្រិដ្ឋកម្ម និងទាមទារឱ្យស៊ើបអង្កេតជាបន្ទាន់ ៕
ចែករំលែកព័តមាននេះ